Sitɔɔla 1:4 - mzwDBL

⁴ Korowii cha ba asɛ ba pɔ Keenan ne Pɛrɛs tena nɛ, asɛ dɛ kpoo baala kaɡboŋa fi bwɛjen Bɛsɛk.

Sitɔɔla 1:4 ပူးပေါင်းရင်းမြစ်များ

1 Koranar 22:15

Mikaya aa ba Kooro Ahab be la, Kooro pɛɛro ŋɔ, “N ne n dɔŋ Kooro Jehosafat ka yo Ramɔt Gelead tena kɛɛ yá ɡel ɔ?” Mikaya chaŋe ŋɔ, “Hé la ka yoo ba, Korowii ɛɛ ɡeloo hé pɔ ba nɛ.”

1 Koranar 22:6

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”

Yela 44:2

He kpeɡri nee he doŋi harɛre nɛra, dɛ kpɔ ya naawa ka so ba harɛ la ta. He chɔɡ ba, dɛ ɡel ya naawa wobɛlbwa do wer tɛɛ ba.

Yela 78:55

O tɔ sie doŋi nɛra baa soɡe harɛ la ta, dɛ bɔne harɛ la denaa ta tɛ Israel tena, dɛ kpɔ ba ka so ba deene la ta.

Mmarare 7:2

Dɛ Korowii laa nɔn kpɔ ba nɛɛ dɛ ɡel he pɔ ba nɛ aa, a chɛ kɛŋɔ hé kpoo ba kwaraa. Hé ne ba bɛ fɔo fɔwɛ, he bɛ ba sum ɡe na.

Mmarare 9:3

Kɛ he te, hé jemɛ kpela kɛŋɔ fini Korowii haa dɛ tomɔ laanee dɛ́ tɔ he sie le moo la baŋ. O do kɛŋɔ nii naa dɛ chɔɡ kwaa la, dɛ́ pɔ ba nɛ. Hɛ́ɛ doŋ baa le, dɛ́ kpoo ba warane ɡɛ waa baɡɛ heyaa nyoa la.

Sitɔɔla 1:3

Belaa Juda dea tena ŋɔ ba lolanar Simeon dea tena be ŋɔ, “Harɛ la bela Korowii aa kpɔa tɛ yaa la, Keenan tena soɡe o ta. Hé ba ja ya nɛɛ yá ka yoo ba.” Anomanta, Simeon dea tena ne Juda dea tena pɛo dɛ la ka yoo ba.

Sitɔɔla 1:5

Belaa ba na Bɛsɛk Kooro Adoni Bɛsɛk dɛ yo o ɡe dɛ won do o ne nɛra la sibeɡra.

Sitɔɔla 11:32

Anomanta, Jɛfta ɡale Moo la dɛ́ ka yoo ba, asɛ Korowii kpɔ ba do o nɔn ta o pɔ ba nɛ.

Sitɔɔla 3:5

Israel tena la ne Keenan ne Hiti ne Amɔre ne Pɛrɛs, ne Hivi dɛ Jebus tenaa pɛa so Keenan harɛ la ta.

1 Samoɛl 11:8

Sɔɔl aa boa ba bwa nyoa bwɛɛ Bɛsɛk la, dɛ Israel baala lɔ nɛra kaɡboŋa lafraatoro, asɛ Juda baala ɡe ɛ nɛra kaɡboŋa fifraatoro.

1 Samoɛl 14:10

Kɛ dɛ ba ŋɔ, ‘Hé ba ya be bonɔ naa,’ yaa teehnoo kaa ba be, anee dɛ́ chaɡle kɛŋɔ Korowii kpɔ ba do ya nɔn ta.”

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”