Sitɔɔla 1:23 - mzwDBL

²³ Ba tomɛ nɛra ŋɔ bá ka sɔh nyiŋi Bɛtel,

Sitɔɔla 1:23 ပူးပေါင်းရင်းမြစ်များ

Mumpar 28:19

Dɛ pa bela sɔn Bɛtel. Wubwa la dɛ o sɔne Lus.

Mumpar 35:6

O ne o nɛra bwa ba Keenan harɛ ta bwɛɛ bɛl baa dɛ yerɔ Lus, baa bera dɛɛ yerɔ Bɛtel taraken la.

Mumpar 48:3

Jekɔb ŋɔ Josef be ŋɔ, “Korowii Waa Ɛ Kpeɡri Bwa Dɔɔ la kpɔ o te baɡ mɛ Bɛtel baa bera dɛɛ yerɔ Lus, Keenan harɛ ta dɛ swee andɛɛɡa tɛ mɛ.

Josua 16:1

Harɛ baa kpɔa tɛ Josef naanar la jwɛh le weekaŋle harɛbɔr, dɛ pa mun le Jɔɔdan Moo la bɛne Bwɛjen Jeriko, bobɛl neerare aa chɔa wee leebɔr, dɛ kpɔ bela kaa pua hɛŋle ɡbo harɛ la ta, dɛ kaa Bɛtel waa lɔ deŋɡarere harɛ ta.

Josua 16:2

Dɛ le bwɛjen Bɛtel, dɛ ɡale kaa bwɛjen Atarɔt ta. Nɛra bane baa dɛ yer ba Aaki tena soɡe bela,

Josua 18:13

Ba jwɛh la berɔ kpɔ bwɛjen Lus, weekaŋle harɛbɔr, dɛ wili kaa Atarɔt Adaa, deŋɡare bɛl ta Bɛt Hɔrɔn harɛbɔr.

Josua 2:1

Dɛ Israel tena la bwa cheme bobɛl baa dɛ yerɔ Sitim dɛ so bela. Asɛ Josua sɔh dɛ le ba bini baala banɛ dɛ tom ba ŋɔ, “Hé ka sɔh nyiŋi Keenan harɛ dɛ́ na ɡɛ waa doa, bwɛjen Jeriko te fanfa.” Asɛ ba sɔh dɛ la bela, dɛ ka choɡ hanjwamane Rahab.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Sitɔɔla 1:22

Josef bibaala Efrem ne Manasɛ dea tena kaa yo bwɛjen Bɛtel, asɛ Korowii che ba habɔɔ.

Sitɔɔla 18:2

Anomanta, Dan dea tena tomɛ laa tena banue le bwɛɛre Sora ne Ɛstaol ŋɔ bá ka sɔh ɡaaɡe harɛ la ta dɛ́ na ɡɛ waa doa. A ɡɛ laa tena nɔ cheɡɔ tɛ Dan dea tena bwa. Ba ŋɔ ba be ŋɔ, “Hé ka ɡaaɡe harɛ la dɛ́ na ɡɛ waa doa.” Ba jo Efrem dea tena deŋɡarere harɛ ta, dɛ ka le Maeka dem dɛ chɔ bela.