Sitɔɔla 1:15 - mzwDBL

¹⁵ Anee o chaŋe ŋɔ, “Nyiŋi n nɛ. He tɛ mɛ harɛ pua hɛŋle ɡbo harɛ Nɛɡɛv. Tɛ mɛ bela nee aa bula dɛɛ le ɡe.” Asɛ o ka tɛo harɛ nee aa bula dɛɛ le o ta. Bɛl do nyunduabɔr, bɛl do harɛbɔr pera.

Sitɔɔla 1:15 ပူးပေါင်းရင်းမြစ်များ

Mumpar 33:11

N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.

2 Kɔrent 9:5

A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.

Hibru 6:7

Harɛ bɛlbwa bwaala aa dɛ nɛ o ta wɛɛ ɛ kondikwaa dɛɛ tɛ nɛra baa dɛ parɔ la, Korowii ɛɛ ɡeloo ó ɛ harɛdɛɛɡe.

Josua 15:19

Anee o chaŋe ŋɔ, “Nyiŋi n nɛ. He tɛ mɛ harɛ pua hɛŋle ɡbo harɛ Nɛɡɛv. Tɛ mɛ bela nee aa bula dɛɛ le ɡe.” Asɛ o ka tɛo harɛ nee aa bula dɛɛ le o ta. Bɛl do nyunduabɔr, bɛl do harɛbɔr pera.

1 Pita 3:9

He bɛ wechɔɡa kpɔ dɛɛ bɔ wechɔɡa kem. He bɛ wobochɔɡa kpɔ dɛɛ bɔ wobochɔɡa kem. Nɛn ɛɛ wechɔɡa aa, soŋe andɛɛɡa tɛo. Korowii aa le heyaa la, dɛ hɛ́ɛ ɛ ɡɛ ásɛ o tɛ heyaa hɛɛra.

Sitɔɔla 1:14

Baa ɛ ba hanfalwaa tonɛ la, o jaa Otniel ŋɔ, “Ka soŋe he mɛɛ ó tɛɛ harɛ.” Asɛ o kpɔ o keeɡo dɛ kaa. Waa laŋa la o mɛɛ bɔɔro kon waa dɛ nyin.

Sitɔɔla 1:16

Mosis helabaa naanar Ken tena le Jeriko, dɛ ba ja Juda dea tena nɛɛ ba ka so pua hɛŋle ɡbo harɛ nɛra bini waa lɔ Nɛɡɛv, dɛ bɛne bwɛɛ Arad.

1 Samoɛl 25:18

Abiɡel ta hɛlɛ dɛ den kpɔ paanoo lafraanɛ, ne sen oltɔn pure dela anɛ ne peera anue ola baa hala, ne mea baa hala dɛ ɛ baaɡere anue, ne daa nɔna aa hola dɛ ɛ lakaja anue, dɛ fiɡ nɔna dɛ ɛ nɔndela lafraanɛ dɛ kpɔa choɡ keeɡore.

1 Samoɛl 25:27

Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.