Hosia 9:9 - mzwDBL

⁹ Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Hosia 9:9 ပူးပေါင်းရင်းမြစ်များ

Kaala 32:7

Anee Korowii ŋɔ Mosis be ŋɔ, “Berɛ tu kaa harɛ, he nɛra haa kpɔ ba le Ijipt harɛ la ɛ wechɔɡa dɛ vɛɛh mɛ.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Aesaya 31:6

Korowii berɔ ŋɔ, “Israel tena, he berɛ ba men he siwi aa sa mɛ, dɛ berɛ habɔɔ kpo mɛ la be.

Jeremia 14:10

Korowii bol nɛra nɔ waa ŋɔ, “Ba dɛ nyin bá chwa le n be, dɛ́ kaa valɛ bobɛlbwa baa dɛ nyin. Anomanta, men Korowii sie aa ba nɛɛ lɛ, mɛɛ lii ba wechɔɡa baa ɛa waa dɛ́ tɛr ba deŋne.”

Ɛsekeɛl 21:28

Anomanta, Nemenɛ Korowii ŋɔ men Ɛsekeɛl be ŋɔ, “Nɛwɛnyini bie, bol waa aa dɛ ba Amɔn tena baa dɛ chɛɡre Israel tena nɛɛ bala dɛ́ ŋɔ, ‘Ba pamɛ kere dɛ́ ba kpoo nɛra. Ba saro, ásɛ o do nyɛɡre dɛɛ nyɛɡle kɛŋɔ bwaala ken.

Hosia 10:9

Korowii ŋɔ, “Israel tena ta wechɔɡa baa ɛɛ mɛ la ɡelɛ. Gɛ saŋ baa lea ɛ wechɔɡa bwɛjen Gebea la. Anomanta, laa taa baa ba serewa Gebea.

Hosia 4:9

Gɛ maa dɛ ba nɛra la ɛɛ laanee mɛɛ ba he sɔfore ɡe ɛɛ. Men Korowii ɛɛ tɛr he bwa deŋnee, dɛ bɔ heyaa kem a wa.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:8

Korowii kpɔ men Hosia keame dɛ tom mɛ ŋɔ ń bol waa baɡle o nɛra Israel tena. Kɛ bobɛlbwa maa la la, ba dɛ har mɛ bela kɛŋɔ jumbie ken. Korowii Dea kwara, banee n dɔma.

Sefania 3:7

N ɛ n liire kɛŋɔ n nɛra fe ɛɛ che anɔ taa dɛ́ tɛ mɛ duure, dɛ́ sɛh teŋɛ toɡra maa dɛ toɡ ba la ta, dɛ bɛ deŋnetɛra maa kpɔa toɡ ba la soh. Kɛ buɡ nɔ ta ba we-ɛɛla berɔ kaa ba webena la ta.”

Sitɔɔla 19:12

Nomoa la ŋɔ, “Akai, yaa nɛŋhɔɔhra baa wola Israel tena ɛɛ bee chɔ. Yaa kaa Gebeaa.”

Sitɔɔla 19:16

Awola jɔmɔra la, dɛ banjena bɛl le koo dɛɛ ba. Dɛ o le Efrem deŋɡarere harɛ dɛ ba so Gebea bela, Bɛnjamen dea tena bwɛɛ.

Sitɔɔla 19:22

Baa dɛ lɛ ba sie la, nɛnchɔɡa bane baa lɔ bwɛɛ la ta baa bar dem la cheme, dɛɛ lɔ dem la doonyoa ɡbera la, dɛɛ kɔɡre dem te la ŋɔ, “Le baa la waa ba he dem bonɔ la ne tɛ yaa yá lawɔ ka chɔ kɛ baa ne haah.”

Sitɔɔla 20:43

Ba bar Bɛnjamen dea tena la, dɛ chwa teŋɛ ba nɛɛ dɛ ka puu ba Gebea wee leebɔr.