Hosia 9:8 - mzwDBL

⁸ Korowii kpɔ men Hosia keame dɛ tom mɛ ŋɔ ń bol waa baɡle o nɛra Israel tena. Kɛ bobɛlbwa maa la la, ba dɛ har mɛ bela kɛŋɔ jumbie ken. Korowii Dea kwara, banee n dɔma.

Hosia 9:8 ပူးပေါင်းရင်းမြစ်များ

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

1 Koranar 18:1

Hwel la aa cheɡa bene atoro la, Korowii bol Elaeja be ŋɔ, “Kpɔ he te ka baɡle Kooro Ahab, ásɛ n ɡel bwaala nɛ harɛ la ta.”

1 Koranar 18:19

Yerɛ Israel tena, ba bwa ba chem mɛ Kaamɛl Bwejen doa. Yerɛ Baal waa ɛ voɡbaa tena lafraanaarɛ fifraanue, ne voɡhaah Asera tena lafraanaarɛ, ba ne haŋkooro Jɛsɛbɛl pɛ nɔn dɛɛ di kwa o dem la.”

1 Koranar 22:11

Korowii keamere la bini bɛlee Kenaana bibaa Sedekia. O kpɔ bune ɛ kwaane a do kɛ nyeɡlare. O ŋɔ Kooro Ahab be ŋɔ, “Waa Korowii aa dɛ bol laanee nɔ. ‘Kwaa nɔɔ hɛɛ ba kpɔe yo Siiria tena, dɛ́ pɔ ba nɛ.’ ”

1 Koranar 22:22

Asɛ Korowii chaŋe ŋɔ, ‘Ŋwɛnɛ besoo taa hɛɛ ba kpɔe neɡro wɔ?’ Asɛ doma la ŋɔ, ‘Mɛɛ ɡeloo Korowii keamere baa dɛ tomɛ Kooro Ahab neɡro.’ Asɛ Korowii ŋɔ, ‘Kaa dɛ́ ka ɛ ɡɛ.’ ”

1 Koranar 22:28

Korowii keame Mikaya ŋɔ, “Dɛ he baa jo sɔnɔnɔɔ naa, amɔ dɛ Korowii laa cheɡɛ n nɛɛ dɛ bol wa.” Dɛ berɛ ŋɔ, “Nomɛlbwa kpɔ waa nɔ do o nyu bini.”

1 Koranar 22:6

Anomanta, Kooro Ahab yerɛ Korowii keamere lafraanaarɛ, dɛ kpɔ bil ba sie ŋɔ, “Ń ka yo Ramɔt Gelead tena kɛɛ ń ɡel ɔ?” Ba ŋɔ, “La ka yoo ba. Korowii ɛɛ kpɔ baa do he nɔn taa.”

2 Koranar 13:21

Awola bɛl, dɛ Israel tena dɛ huɡe nomɛl, asɛ dɛ na Moab nɛnlaa bane baa dɛ ba ba kah ba kwa. Anee Israel tena la kpɔ chɔɔ la ta bwebɔɔ baa huɡe Elaesa o bini la, dɛ chwa kaa. Chɔɔ la aa dena ka leɡe Elaesa hoɡa la, o berɔ dɔ mkpa dɛ ir che o naa ta.

2 Koranar 2:14

O kpɔ Elaeja yal la lɔ nee la dɛ lii ŋɔ, “Leperaa Korowii Elaeja aa tomɔ la dɔɔ?” Waa bera kpɔ lɔ nee la, o bini pero anɛ, asɛ harɛpɛɛ chɔ o valɛ o bini le o baŋ.

2 Koranar 2:21

Anee o kpɔ la ba bule la ta, dɛ ka fuɡe yar la do o ta dɛ ŋɔ, “Waa Korowii aa dɛ bol laanee kɛŋɔ, ‘N ɡelɔ nee nɔ do wer, harɛ la ɡe ta kwaa ɛɛ do wer nomɛlbwa aa wola sewɛ kpa.’ ”

2 Koranar 4:41

Elaesa ŋɔ, “Hé nyin mendɛɛɡa tɛ mɛ.” Asɛ o kpɔ do vii la bini dɛ ŋɔ, “Kpɔ tɛɛ ba bá di.” Asɛ ba di wobɛlbwa ta ban ɛɛ.

2 Koranar 4:43

Anee bonɔɔ la bɔɔ ŋɔ, “Nomoa, a kan dɛ́ won tel nɛra lafa aa?” Elaesa chaŋe ŋɔ, “He te kpɔ tɛɛ ba bá di, dɛkalkɛ Korowii ŋɔ, ‘Baa diu ane kwaraa ka.’ ”

2 Koranar 5:14

Anomanta, Naaman iro dɛ ka jo Jɔɔdan Moo la bini, dɛ sɔ kera anuanɛ ɡɛ Korowii keame la aa ŋɔ o be la, asɛ o bwara berɛ kwaa dɛ do wer kɛrɛdɛ kɛŋɔ bechala bwara ken.

2 Koranar 5:27

Gɛ haa ɛa nɔ nomanta, wee a fa aa lɔ Naaman nɛɛ la ɛɛ ba he ne he naanar nɛɛ saŋ bɛlbwa dɛɛ la.” Asɛ Gehasi le Elaesa be kaa, dɛ wee lawɛ o bwa dɛ to kɛŋɔ yabi ken.

2 Koranar 7:19

Dɛ kooro nomoa waa dɛ chao la fa ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Asɛ Korowii keame la fa chaŋo ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

2 Koranar 7:2

Anee nomoa waa dɛ cha kooro ŋɔ Korowii keame la be ŋɔ, “Hale Korowii ɡelɔ bwaala mun pili kohona bɛlbwa kwaraa naa, ɡɛ waa nɔ ɛɛ won maɡre aa?” Elaesa ŋɔ, “Hɛɛ nao kɛŋɔ aa chiɡuu, kɛ kondikwaa la bɛlbwa aa he nyoa jo.”

Yela 124:7

Ya ɛo kɛŋɔ jumbie waa foora le kpaah bel ta ken. Bel la kuuɡo asɛ ya dɔ ya nyu.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Yelsom 3:3

Nɛra baa dɛ daah bwɛɛ la ɡaaɡɔ dɛ ba puu mɛ, asɛ n bɔɔ ba ŋɔ, “He na nɛn n bambile aa lawɔ mɛɛ nyinu kohona la aa?”

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Jeremia 11:19

Dɛ n do kɛŋɔ pebie waa pwɛra ba lawɔ dɛɛ kaa kpobɔr ken. N ta jemɛ kɛŋɔ ba dɛ vɔrɔwe n bwara wechɔɡa ŋɔ, “Hé ɡel ya kpo Jeremia ɡɛ ba yon chɔɡ daa ne o nɔna bwa la, dɛ́ kpoo le harɛ nɔ ta, ásɛ o sɔn den he kwaraa.”

Jeremia 14:13

Anee n ŋɔ, “Nemenɛ Korowii, keamere la bane teŋɔ dɛɛ bol nɛra la be ŋɔ, baa laa kɛɛ lɔr bɛlbwa nae ba, dɛkalkɛ ba ŋɔ he baɡ ba nyoa ŋɔ deŋnesɔɔhna ɡboo dɛ́ do ya harɛ nɔ ta.”

Jeremia 23:13

N na waane maa kia keamere baa lɔ Samaria nɛ. Ba dɛ bol waa voɡ Baal sɔn ta, a ɡel n nɛra Israel tena nyoɡre ŋwɛnɛ.

Jeremia 31:6

Tɔpere bɛl dɛ ba, ásɛ nɛra baa dɛ daah Efrem harɛ lɔŋɔre ɛɛ le deŋɡarere dor dɛɛ ŋɔ, ‘He ba ya kaa Saayɔn Bwejen waa lɔ Jerusalam la doa, Korowii yaa dɛ tomɔ la be.’ ”

Jeremia 6:14

Ba na n nɛra ŋwɛra dɛ ŋɔ kuree. Dɛɛ bol ŋɔ, ‘Deŋnesɔɔhna lole,’ kɛ dɛ deŋnesɔɔhna bɛlbwa toole.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Wiile 2:14

Wepila he keamere aa naa dɛɛ baɡle la ɛ nyosone, ba webaɡla la neɡre, ba ta ɡelɛ he jemɛ he wechɔɡa, ásɛ he charɛ he we-ɛɛla, ba bɛ hen lawɛ kaa harɛfala ta.

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Ɛsekeɛl 33:7

Nɛwɛnyini bie, henee n le ŋɔ hɛɛ daah Israel harɛ ta nɛra. No waa maa bola nɔ, dɛ́ kpɔ ja ba.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Maeka 7:4

Ba bini nɛndɛɛɡe kwaraa do kɛŋɔ jabalnadaŋɛ. Onɔ la o wa aa toɡra ɡe do kɛŋɔ sɔɔh daa ken. Tɔpere telo kɛŋɔ Korowii tɛr ba deŋne ɡɛ waa cheɡɛ keamere baa dɛ daah ba nɛɛ kah ba la, ba wilo taraken kwara.

Amanesoma Jɔn Aa Chwera Tɔn 15:24

Dɛ n fe ta waa nɛwɛnyini bɛlbwa aa wola ɛɛ ka ɛ ba siwi ta te naa, ba fe aa bolchɔɡee di. Kɛ ba na n nyokpowe-ɛɛla bwa, dɛ ɡarɛ hah n ne n Mɛɛ bwa.

Tɔn Pɔɔl Aa Chwerɛ Rom Tena 3:7

Nomɛl ɡee pɛɛroo ŋɔ, “Aah dɛ a cheɡɛ n nyosone ta asɛ nɛra na kɛŋɔ Korowii dɔ kasinteŋ, o dɔ sɔn aa, dɛ n nyosone la ɛ wechɔɡa ja aa?”

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.