Hosia 9:4 - mzwDBL

⁴ Baa won kpɔ sen ɛ sarahare tɛ Korowii kpa, kwaa baa kpoo dɛ́ ɛ saraha dɛɛ tɛo la aa o sie lɛɛ ba. Ba kondikwaa baa dɛ ba a dii la bwa ɛɛ ɡeloo bá kah doŋa kɛŋɔ lwe mun kondikwa. Nomɛlbwa waa dia la kah doŋa. Ba ɡboo dɛ́ dia, a ta chɛ kɛŋɔ bá ba a ne Korowii Dea.

Hosia 9:4 ပူးပေါင်းရင်းမြစ်များ

Kaala 29:40

Pebie waa tɔ sie he kpɔ ɛ saraha la, kpɔ mea aa kpera kɛrɛdɛ kuruwa beŋkpoŋ, ne ɔleve no pɛrɛntoa beŋkpoŋ ne fah, ásɛ sen ɡe pɛrɛntoa beŋkpoŋ ne fah, dɛ́ fuɡe ɛ sen saraha.

Kaala 40:23

Dɛ kpɔ paanoo la ɡe ka dawɛ o ta Korowii sie, ɡɛ waa doo ŋɔ o ɛ la.

Aesaya 57:6

Bwea aa bwara aa loɡaa, he kpɔ le nenabɔɔne ta ɛ voɡa dɛɛ toma. Anee he wee sen saraha dɛɛ tɛa, dɛɛ tɛa mea saraha ɡe. Anɔ nɔ bwa, a chɛ kɛŋɔ, n sie lɛ a ta naa?

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Jeremia 16:7

Nomɛlbwa aa kondikwaa kɛɛ senee yawɛ tɛ o dɔŋ bɛl o lole aa sewa wa, dɛ́ kpɔ larawo bwara. Bɛlbwa aa o dɔŋ bwaraa larawe, hale nɛn o nya kɛɛ o mɛɛ aa sewa wa.

Jeremia 6:20

N waane laa daawiile baa le ane Seeba harɛ dɛɛ ba, kɛɛ kalamus a sɔɔh aa soma baa le a ne bojaŋ harɛ ta dɛɛ ba la. Maa saraha kwaa haa dɛ fuah la nyin, n sie aa kwaa haa kpoora dɛɛ tɛ mɛ ta lɛ.

Ɛsekeɛl 24:17

Wi dɛɛ do he bini. Bɛ wi tɛ lale la, bɛ nakpapɛɛ valɛ, bɛ yal waa vɔwɛ he nyu ta laa kpɔ á baɡle kɛ he dɛ ɛ lwe. Bɛ kon kpɔ tɔ he nyoa, bɛ kondikwaa nɛra baa dɛ ɛ lwe aa dɛ di la ane di.”

Ɛsekeɛl 24:22

Hé ɛ ɡɛ maa ɛa nɔ. Haa kwaa kpɔ tɔ he nyoo, haa kondikwaa nɛra baa lɔ lwe ta aa dɛ di la ɡee di.

Daneɛl 1:8

Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Joel 1:9

Mea ne sen sarahare toole Korowii Dea kpa. Sɔfore baa dɛ ɛ toma Korowii Dea la bwa dɛ wi a wa.

Joel 2:14

O ken ɛɛ na ya sumii dɛ́ charɛ o liire, dɛ́ swee yaa andɛɛɡa, ásɛ ya dɔ mea ne sen kohona dɛ́ kpɔ ba ɛ sarahare tɛo.

Lewi Dea Tena 17:11

Komɛlbwa o siwi aa lole la mkpa lɔ o chal ta, a waa n kpɔ tɛ heyaa kɛŋɔ hé kpɔ soŋe he wechɔɡa saraha kon ta la. Chal laanee bá kpɔ soŋe nɛn wechɔɡa dɛɛ tɛo wɛɛ dɔ mkpa.

Lewi Dea Tena 21:17

ó bol Arɔn be kɛŋɔ, o naanar baa ka ba bini bɛlbwa waa di kirihiah la ta chɛ kɛ o kpɔ saraha kondikwaa ba tɛ Korowii waa dɛ tomɔ la saŋ bɛlbwa bwa.

Lewi Dea Tena 21:21

Arɔn naa te bɛlbwa waa di kirihiah la ta chɛ kɛ ó kpɔ saraha kwaa ba Korowii sie dɛ́ ba fuah. O di kirihiah, anomanta, a ta chɛ kɛ o kpɔ saraha kwaa ba n sie ba tɛ Korowii waa dɛ tomɔ.

Lewi Dea Tena 21:6

A chɛ kɛŋɔ ó do ɡoroŋ dɛ́ che tɛ Korowii dɛ bɛ o sɔndɛɛɡe la chɔɡ. Dɛkalkɛ onee kpɔ saraha kwaa baa fuah a ɛ kondikwaa aa do ɡoroŋ dɛ ɛ Korowii kwaa la baa tɛo.

Lewi Dea Tena 21:8

Nɛra la ɛɛ nyiŋi sɔfore kɛŋɔ nɛra baa do ɡoroŋ, banee kpɔ saraha kondikwaa aa do ɡoroŋ baa tɛ Korowii baa dɛ tomɔ la. Onee Korowii, o do ɡoroŋ dɛ ɡel o nɛra ɡe ɛɛ do ɡoroŋ.

Emɔs 5:22

A lole kɛŋɔ he kpɔ saraha kwaa baa dɛ fuah ne mea sarahare baa tɛ mɛ, maa an lɛ. He kpɔ deŋnesɔɔhna sarahare baa tɛ mɛ te, n sie aa a taa lɛ.

Malakae 2:13

Waane ɡe lole hɛɛ ɛa ja. He wio dɛ kpɔ sinii su kon baa ɛ saraha o ta dɛɛ tɛ Korowii ta bwa, dɛ wi dɛɛ dooɡe lɔŋɔre lɛɛ waa wola he saraha kwaa lɛ silɛɛ ne kpa la wa.

Nɛra Kura 19:11

Nomɛlbwa waa leɡe nɛn waa sewa la kah doŋa tɔpera anuanɛ.

Nɛra Kura 28:2

ó bol Israel tena la be ŋɔ, “Hé kpɔ mea aa chɛ kɛ hé kpɔ ba ɛ saraha saŋ aa chɛa ta, dɛ́ fuah a sɔɔh do som Korowii be.

Nɛra Kura 4:7

Bá paɡri yaburum bɛl bɔle teebur Korowii paanoo aa dɛ dawɛ o ta la ta, dɛ́ pa tafolabɔtɔre ne loɡa ne lerwe baa dɛ do sen a bini, dɛ́ kpɔ ɛ saraha dawɛ bela. Paanoo la baa yon kpɔ dawɛ o ta la chɛ kɛ ó ta dawɛ bela.

Amanesoma Jɔn Aa Chwera Tɔn 6:51

Menee kondikwaa aa le nyundua ba dɛ dɔ mkpa la. Nomɛlbwa waa di ɡɛ kondikwaa nɔ la ɛɛ dɔ mkpa aa wola jaɡa dɔe. Asɛ kondikwaa maa kpɔ tɛ nɛwɛnyini bwa bá di dɛ́ dɔ mkpa laanee n bo-ol.”

Mmarare 26:14

Gɛ saŋ maa lɔ lwe ta dɛɛ wi la n ta bɔrbeŋkpoŋ kpɔe, ɡɛɛ maa wola ane kpɔe dɛ kah doŋa. N ta ane bɛlbwa ɡe kpɔe ɛ wobɛlbwa tɛ lala. N no Korowii maa dɛ tomɔ nɔ wa.