Hosia 9:3 - mzwDBL

³ Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Hosia 9:3 ပူးပေါင်းရင်းမြစ်များ

1 Koranar 9:7

ate, mɛɛ le Israel tenaa le harɛ maa kpɔa tɛɛ ba nɔ ta, dɛ́ vɛh n Dea maa lea cheɡ dɛ ɡel o do ɡoroŋ ŋɔ ó ɛ bela baa dɛɛ tom mɛ nɔ ta. Ásɛ Israel tena berɛ wesoma nɛra, harɛ nɔ ta bwa.

2 Koranar 17:6

Kooro Hosia aa di kora bene anuanaarɛ taa Asiiria koojen yo lɛ Samaria. O lawɛ Israel tena kaa Asiiria harɛ ta, dɛ kpɔ ba ka so bwɛjen bɛl baa dɛ yerɔ Hala, bane ɡe so Habɔ Moo nyoa Gosan harɛ ta, bane ɡe so Midia tena bwɛjena ane ta.

Jeremia 16:18

Dɛ wɛɛ bɔ ba kem bele anɛɛ, ba nyubinikpeɡ ne wechɔɡa baa ɛa la wa, dɛkalkɛ ba teŋɛ voɡare waa kia aa wola mkpa dɔe nɛ, a su harɛ la bwa dɛ kpɔ doŋa kaoh.

Jeremia 2:7

Harɛpare ondɛɛɡe taa n kpɔ ba ba so, bá ba dɔ daa nɔna ne kondikwaa aa wera di. Kɛ ba kpɔ doŋa kah harɛ maa kpɔa tɛɛ ba la dɛ chɔɡo.

Wiile 5:6

Ya koh kondikwaa yaa dɔ di wa, dɛ kpɔ ya te ka do Ijipt ne Asiiria tena lɔɡa.

Ɛsekeɛl 4:13

Korowii ŋɔ, “Gɛɛ Israel tena ɡe ɛɛ ba kondikwaa aa ɛ kii kwaa dii, awola maa ba lɔ ba peɡre bá ka so harɛfala ta la.”

Daneɛl 1:8

Kooro kondikwaa ne sen waa ŋɔa ba kpɔ dɛɛ tɛɛ ba la, Daneɛl ɛ o liire kɛŋɔ waa ɡɛ kondikwaa la ne sen laanee nyɔ, ásɛ dɛ kpɔ o te kah doŋa. Asɛ dɛ soŋe Aspenas waa ɛ koodem nomoa la a wa, dɛ bɛ doŋa kah.

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Lewi Dea Tena 18:28

Hé ɡe baa chɔɡ harɛ la aa, wɛɛ le heyaa tɛ ɡɛ waa le nɛra baa tɔ he sie tɛ la.

Lewi Dea Tena 20:22

Korowii berɔ ŋɔ, “Hɛ́ɛ teŋɛ me Mmarare ne waa maa dɛ do heyaa bwa ta, ásɛ harɛ maa kpɔ heyaa dɛɛ ba o ta ba soŋni nɔ bɛ heyaa ba le tɛ.

Lewi Dea Tena 25:23

Hɛ́ɛ berɛ harɛ yoɡa tɛ nɛn o den ɛ o kon kwara, dɛkalkɛ he ɡbabir kon laa. Men Korowii konee. He do kɛŋɔ hɔɔhra dɛɛ nyiŋi o ta.

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”

Maeka 2:10

Hé ir dɛ kaa, bonɔ ta bɔr haa so onɛ ɛɛ, dɛkalkɛŋɔ he ɡelɔ harɛ la kah doŋa. O chɔɡɔ baa wola won kwaaro kpa.

We-ɛɛla 10:14

Asɛ Pita ŋɔ, “Ei! N Dɔɔ, ɡɛ aa won maɡre. N ta a ɡɛ koŋkiila dii bwa.”

Mmarare 28:63

Gɛ Korowii tea aa too he waa kɛŋɔ wɛɛ ɡeloo he do wer, ásɛ dɛ berɛ ɡel he ya la, ɡɛ tentenee o tea ɛɛ ba toora he chɔɡa dɛ ta wa, dɛ́ chuɡri heyaa le harɛ haa dɛ la ka so o ta nɔ ta.

Mmarare 28:68

Wɛɛ berɔɔ kpɔ heyaa do stiimaere bini, dɛ́ kaa he ne Ijipt harɛ ta. Kɛ onee fa ŋɔ he be ŋɔ haa belaa tire kpa la. Ásɛ he yoɡ he te tɛɛ ba kɛŋɔ yoma ba vɛh he yawa.”

Mmarare 4:26

Harɛ ne nyundua ɛ n danseɛ fini, dɛ he kaa ɛ deŋnekpeɡ n waa nɔ ta harɛ haa dɛ ba Jɔɔdan Moo lee dɛ́ ka so o ta la ta naa, hee hɛɛ ba hee le harɛ la ta. Haa belaa so biɡri, he bwa ɛɛ heo kwaraa.

Josua 23:15

Gɛ Korowii aa wona baɡɛ heyaa nyoa a bwa won ɛ nɔ, ɡɛɛ wɛɛ ba wona chɔɡ heya, ka tel kɛŋɔ waa kpoo heyaa le harɛdɛɛɡe nɔ waa kpɔa tɛ heyaa la ta.