Hosia 9:15 - mzwDBL

¹⁵ Korowii ŋɔ, “Ba nyubinikpeɡ la pa mun Gelɡal, belaa n le hah ba. Ba wechɔɡa nomanta, mɛɛ doŋ baa le n Dem. Maa ba waa nyin kpa, ba nomonome bwa ɛ deŋnekpeɡ tena.

Hosia 9:15 ပူးပေါင်းရင်းမြစ်များ

Yela 78:60

O ɡel o Tɛnte Dea waa lɔ Silo, waa ɡela ba baŋro o ɛ o dobɔr harɛ nɔ ta la.

Aesaya 1:23

He nomonome kpaŋe n nɛ, dɛ berɛ ka kpɔ ŋwɛɛra ɛ ba chamene tena. Ba dɛ nyin kɛ nɛra ɛɛ yaɡ ba sen, dɛ berɛ dɛɛ teŋɛ koŋkɛɛla ɡbo ta. Baa bilalbii waa bolɛ dɛɛ tɛɛ ba kɛrɛdɛ, ɡɛɛ baa wola sie do luhaahna waa ta.

Jeremia 11:15

N nɛra maa dɛ nyin ba ta ŋwɛnɛ dɔe dɛ́ so n Dea kpa. Ba ɡalɡa nyu bini kpeɡri, hale dɛ yon kpɔ n saraha kwaa ba fe aa fuh tɛ mɛ la le kaa. Kɛ dɛ n kpɔ wenaale ba ta ba nɛ aa, ba sie aa lɛ kpa.

Jeremia 12:8

N ɡbabir nɛra maa lee ba tɛ n te chwa mɛ, ba do kɛŋɔ nyujente waa lɔ kpɔɡ bini dɛɛ kɔr mɛ, anomanta, n hah ba.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Jeremia 5:5

Anomanta, mɛɛ la nomonjena bee n ne bá ka bol. Ba te jemɛ Korowii baa dɛ tomɔ la waa bwa kɛrɛdɛ.” Kɛ ba bwa pɛ nyoa dɛ vɛh Korowii waa la ta teŋa.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 23:18

Bɛlbwa na o we-ɛɛla kɛŋɔ o ɛ hanjwamane. N baah diu n vɛoh ɡɛ maa vɛh o nahaah la.

Hosia 1:6

A habɔɔ, Goma berɔ lolɛ bihaah, asɛ Korowii ŋɔ Hosia be ŋɔ, “Pa o sɔn Lo Ruhama, dɛkalkɛ maa nyin kɛ ń baɡle nyina Israel tena nɛ, maa ba wechɔɡa ɡee kpɔ kɛ ba kpa.

Hosia 1:9

asɛ Korowii ŋɔ Hosia be ŋɔ, “Pa bie la sɔn Lo Ami, dɛkalkɛ Israel tena ta n nɛra ɛɛ, baa men Korowii tomɛ.”

Hosia 12:11

Ane a bwa, Gelead tena dɛ tomɛ voɡa. Banɔ la baa dɛ tomɛ voɡa la ɛɛ serewoo. Ba dɛ kpoo nabala dɛɛ ɛ saraha Gelɡal. Kwaa baa dɛ ɛ sarahare a ta la, ɛɛ chɔɡoo kɛŋɔ bwea aa dawɛ dɔŋa nɛɛ harɛ baa parɔ ta.”

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 4:9

Gɛ maa dɛ ba nɛra la ɛɛ laanee mɛɛ ba he sɔfore ɡe ɛɛ. Men Korowii ɛɛ tɛr he bwa deŋnee, dɛ bɔ heyaa kem a wa.

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Hosia 9:17

Korowii maa dɛ tomɔ la vɛɛh ba, dɛkalkɛ ba ta o waa ta teŋɛ. Baa dɛɛ ɡaaɡe harɛre taa, baa bɔree dɔ so.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

Emɔs 4:4

Korowii ŋɔ, “Israel tena, he dɛ nyin aa, hé ir kaa Bɛtel, bela haa dɛ tom mɛ la, ka ɛ wechɔɡa. Hé kaa Gelɡal ɡe ka ɛ wechɔɡa kohona. Hé kpɔ saraha kwaa kaa tɛ chɔɔ bɛlbwa, dɛ́ bɔne kwaa haa dɔa bini bɔre fi, dɛ́ kpɔ bɔrbeŋkpoŋ kaa tɛ tɔpera atoro bɛlbwa.

Emɔs 5:27

ɡɛ saŋ maa lawɛ heyaa kaa bojaŋ harɛfale ta, Damaskɔs baŋ le la. Men Korowii Maa Ɛ Koranar Bwa Kooroo bola.”

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Maeka 3:11

Jerusalam sitɔɔla sɛoh baa yaɡ ba sen, sɔfore bol Korowii waa dɛɛ lɛ suuɡa, keamere ɡe baɡle waa baa naa chaahna ta dɛɛ lɛ suuɡa. Kɛ dɛ ŋɔ, “Korowii nɛɛ ya kpɔ ya te dawɛ, yaa wenaale bɛlbwaa na.”

Maeka 6:5

N nɛra, hé lii wechɔɡa Moab Kooro Balak fa aa vɔrɔwa, asɛ Beɔ bibaa Balam chaŋo la wa. Hé berɛ lii ŋwɛnɛ haa vala le Sitim dɛ ba Gelɡal, dɛ́ na ŋwɛnɛre maa cheɡɛ a ta lɛ heya.”

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

We-ɛɛla 4:27

Kpela ɡe, Hɛrɔd, ne Pɔnteɔs Paelet ne nɛra baa wola Juu tena ɛɛ, ne Israel tena bwa cheme bwɛjen nɔ ta. Ba yo Yeesu, he ɡbaɡba bonɔɔ waa wola wechɔɡe bɛlbwa dɔe la. Onee he ɛ he Kristo la.

We-ɛɛla 5:21

Yeesu toroma la no nyundua torome la waa la, asɛ tɔ aa pera chɔmbibi ne la, ba ka jo Korowii Dea la bini dɛɛ bol Yeesu waa la. Awola chɔɔ ne la, Sɔfonomoa la ne o nɛra yerɛ Juu tena nomonome la bwa dɛ ba cheme, dɛ tomɛ nɛra ŋɔ bá la dea la baa lawɛ Yeesu toroma la do la bini, dɛ́ ka lee ba ba.

Josua 10:43

Anɔ habɔɔ la, Josua ne o laa tena bwa kaa Gelɡal bela baa baŋre ba tɛnte deene la dɛ ka so.

1 Samoɛl 7:16

Bena bɛlbwa, o dɛ ɡaaɡe ba nɛɛ le bwɛjena Bɛtel kaa Gelɡal ne Mispa bwa, dɛ bol nɛra waa dɛɛ pa bole.