Hosia 9:13 - mzwDBL

¹³ Gɛ saŋ maa na Israel tena la, dɛ ba do kɛŋɔ nɛra baa soɡe Taaya harɛ waa do wer la ta ken. Kɛ taraken, ba le ba bii tɛ ŋɔ bá kpoo.”

Hosia 9:13 ပူးပေါင်းရင်းမြစ်များ

2 Koranar 15:16

Gɛ saŋ dɛ Kooro Mɛnahem iro le Tirsa, dɛ la bwɛjen Tifsa, o ne o laa tena ka kpoo nɛra baa lɔ o ta, dɛ bwɛɛre aa baro tena. Dɛkalkɛ ba ta ba te kpɔe ba do o lɔɡa. O doŋi Tifsa tena, dɛ ya tekpoŋra teene.

Job Tɔn 27:14

Ba bii ɛɛ warɔɔ, kɛ baa kpoo ba laa taa, ba naanar aa kondikwaa dɔ di vaɡɛ.

Jeremia 7:15

Mɛɛ doŋi heyaa le n sie ɡɛ maa doŋi Israel tena baa ɛ he lolanar bini bane la. Men Korowiirii bola.”

Jeremia 9:21

Seo do kɛŋɔ nɛnchɔɡe dɛ che ya tokorore ta jo ya deremi. Bechale serewɔ chɔ fɔɡbaahna, asɛ bonɔɔna ɡe serewe chɔ cheremibɔra.

Wiile 2:22

N Naa Korowii, he ta nɔn yerɛ nɛra cheme kɛŋɔ kondikonjena dii tɔpere, asɛ ɔmee kohona bar mɛ cheme. Awola he baah aa dia la, nomɛlbwa ta wone chwa kɛɛ dɛ le a nyoa. Dɔma kpoo n bii maa dɛɛ ba, dɛɛ nyin ba kohona.

Ɛsekeɛl 27:3

ŋɔ bwɛjen waa lɔ mpo nyoa dɛ ɛ bonadibɔr tɛ nɛra baa lɔ mpo nyoa bobɛlbwa be ŋɔ men Nemenɛ Korowii ŋɔ, ‘Bwɛjen Taaya, he ŋɔ he wer ka tonɛ.’

Hosia 10:14

he nɛra ɛɛ no laa ɡbɔɡaa, ásɛ he dekpeɡa bwa chɔɡ. Aa doo kɛŋɔ Kooro Salman aa kpɔ laa ba chɔɡ bwɛjen Bɛt Aabɛl, dɛ kpoo haahna ne ba bii bil la.

Hosia 13:16

Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”

Hosia 13:8

Mɛɛ ba yo heyaa kɛŋɔ sisire bii aa nyoɡra wɛɛ ɛ la, dɛ́ ba peeɡe he bini. Dɛ́ di he ola buɡ la ta kɛŋɔ nyujente ken, dɛ́ toɡri he bini kɛŋɔ kpɔɡ bini olchɔɡa aa dɛ ɛ la.

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Hosia 9:16

Israel tena do kɛŋɔ daa o lune bwa aa hola waa wola nɔnɛ. Ba loɡle bii dɛɛ nyin ba kohona kwaraa naa, mɛɛ kpoo baa.”

Emɔs 7:17

Anomanta, waa Korowii aa dɛ bol sɔfo Amasea be laanee nɔ. ‘He haah ɛɛ valɛ bwɛjen nɔ taa dɛɛ bɔ jwamane. Baa kpoo he bibaala ne bihaahna laa taa. Baa lɛ he harɛ peraa, dɛ́ bɔne tɛ nɛra, ásɛ he ka sewɛ voɡtoroma harɛ ta. Kasinteŋ, baa lawɛ Israel tena laa taa le ba ɡbaɡba harɛ ta kaa bojaŋ harɛfale ta.’ ”