Hosia 8:6 - mzwDBL

⁶ Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

Hosia 8:6 ပူးပေါင်းရင်းမြစ်များ

2 Koranar 23:15

O berɔ ɡel ba paɡre kon baa dɛ ɛ saraha dɛɛ tomɛ voɡa a ta, Nɛbat bie Kooro Jɛroboam aa ɛa Bɛtel la. Kooro Jɛroboam ɡelɔ Israel tena ɛ wechɔɡa dɛ jo Korowii nɛ, hale Kooro Josia paɡre kon baa dɛ ɛ saraha o ta, dɛ fuh bela baa dɛ tomɛ voɡa a ɛ mohooh kɛŋɔ bomboɡ ken, dɛ fuh voɡ Asera dajaŋ ɡe.

2 Koranar 23:19

Gɛ waa ɛ Bɛtel la, Kooro Josia paɡre kwaa baa dɛ ɛ voɡa sarahare a ta aa lɔ Samaria bwɛɛre ta, dɛ kpɔ doŋa kaah, Israel koranar aa maa dɛ kpɔ ir Korowii bandia kohona la.

2 Webena 13:8

Taraken he dɛ nyin kɛ he yo Korowii Kora waa kpɔa do Kooro Devid naanar nɔn ta la. He laa tena warɔ dɛ berɛ dɔ nabali Kooro Jɛroboam aa kpɔ suuɡaswɛm ɛa, a ɛ voɡa haa dɛ toma.

2 Webena 31:1

Baa di tɔpejen la tonɛ la, Israel tena baa lɔ bela la jo Juda harɛ bwɛɛre ta, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. Ba chɔɡ bɔra baa dɛ tomɛ voɡare deŋɡarere ta, ne kwaa baa dɛ ɛ sarahare a ta, Juda harɛ ne Bɛnjamen ne Efrem, dɛ Manasɛ harɛre deene ta bwa. Baa chɔɡ a bwa tonɛ la, asɛ ba bwa berɛ kaa ba bwɛɛre.

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

Jeremia 50:2

“Bol Babelɔn harɛ waa baɡle harɛre nɛra bwa. Ir fraŋkaa, á baɡle waa aa dɛ ba! Bɛ wobɛlbwa kpɔ sɔh, ŋɔ, ‘Babelɔn dɛ́ ba paɡra. Baa paɡre ba voɡ Maadukuu, ásɛ sihiih kpo Babelɔn harɛ voɡa aa ɛ kii kwaa la bwa.’

Hosia 10:2

Nyosone ɡboo su ba bwa a chɛ kɛ bá di bolchɔɡe a wa. Korowii ɛɛ paɡre ba saraha kwaa, dɛ́ chɔɡ bwea baa paaɡa dɛɛ duura laanee.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Maeka 1:7

Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”

Habakuk 2:18

Bɔkwa tɔnɔɔ voɡ nɛwɛnyini aa kpɔ nɔn sɛoh la dɔɔ? O waa bwa ɛ nyosone. Nɛn waa kwaaro la dɔ yarada o ta. O dɛ kwaa voɡa aa wola won waa bol.

We-ɛɛla 17:29

Korowii biirii yan, anomanta, ya bɛ on kpɔ maɡɛ suuɡaswɛm ne suuɡapoŋ ne bwea koŋkwaare nɛwɛnyini ɡbaɡba aa kpɔ ba liire maa la.

We-ɛɛla 19:26

Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.