Hosia 8:5 - mzwDBL

⁵ Suuɡaswɛm Samaria tena aa kpɔa ɛ nabale la ɡelɔ n baah di ba nɛ, bá kpɔ viɡri. Saŋ besoo baa ba voɡa toma ɡela ɔ?

Hosia 8:5 ပူးပေါင်းရင်းမြစ်များ

2 Webena 13:8

Taraken he dɛ nyin kɛ he yo Korowii Kora waa kpɔa do Kooro Devid naanar nɔn ta la. He laa tena warɔ dɛ berɛ dɔ nabali Kooro Jɛroboam aa kpɔ suuɡaswɛm ɛa, a ɛ voɡa haa dɛ toma.

Yela 19:13

Lɛɛ mɛ le wechɔɡa maa saahna ɛ ta, bɛ ɡel a lɛ n liire. Anee dɛ́ ɡel n waa do wer, ásɛ n dɔ n te le wechɔɡa ɛɛ ta.

Sɛɡla 1:22

“Nɛra he sie aa wola pile, saŋ besoo hɛɛ nyin kɛ he ɡɛn ka tel ɔ? Haa waa hweli aa?

Aesaya 45:20

Korowii ŋɔ, “Harɛre nɛra haa chwaa le laa ta kaa la, hé berɛ ba. Nɛra baa kpɔ daa berɛ voɡa dɛ kpoŋa dɛɛ valɛ la aa waane jemɛ. Ba kpɔ wesoŋa dɛɛ bil voɡa aa wola won lɛɛ ba sie.

Jeremia 13:27

N jemɛ he jwamane ne pɛlchɔɡa we-ɛɛla wa. Dɛ na ɡɛ haa tomɛ voɡa deŋɡarere dor ne kpɔɡ bini ba fe aa kia la. Jerusalam tena, hé bwɛɛlɛ. Saŋ besoo he kah doŋa ka tel ɔ?”

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Jeremia 48:13

Sihiih ɛɛ kpo Moab tena ba voɡ Kemɔs waa, kɛŋɔ sihiih aa kpo Israel tena voɡ Bɛtel baa kpɔ ba hwɛɡa dawɛ o nɛɛ la.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 8:6

Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

Emɔs 8:14

Banɔ la baa dɛɛ ŋwɛɛ Samaria voɡa, kɛɛ dɛɛ ŋwɛɛ Dan dea voɡ, kɛɛ voɡ waa lɔ Beɛseeba bwa dɛ́ ba choɡla, baa wola won ir kpa.”

Maeka 1:7

Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”

We-ɛɛla 7:41

Belaa ba ma voɡ bɛl kɛŋɔ nabii ken, dɛ kpoo kwaa dɛɛ tɛo, dɛ koh kon la ba ɡbaɡba aa maa la waa di kwa, dɛ sa dɛɛ lɛ ba sie.

Mmarare 32:22

N bwaawee ɛɛ iruu kɛŋɔ ninlao, dɛ́ fuh komɛlbwa aa lɔ harɛ nɔ ta. Aa fuuh tel harɛ bini ne bwejena mune bwa.