Hosia 7:8 - mzwDBL

⁸ Israel tena kpɔ ba te dɛɛ koo harɛre aa bar ba nɛra bini. Ba do kɛŋɔ paanoo o baŋ pera ɡbo aa bea.

Hosia 7:8 ပူးပေါင်းရင်းမြစ်များ

1 Koranar 18:21

Belaa Elaeja ka che Israel tena la bwa sie dɛ ŋɔ, “Saŋ besoo hɛɛ nyin he kpɔ nyiŋi webele anɛ nɔ bini nɔ? Dɛ Korowii ɡwaa Baal aa, hé tomɛ Korowii, dɛ Baal ɡe ɡwaa Korowii aa, hé tomɛ Baal.” Kɛ nɛra la ta wobɛlbwa bolɛ.

Ɛsra 9:1

Baa ɛ anɔ bwa tonɛ la, nomonome la ba men sɔfo Ɛsra be ŋɔ, “Israel tena ne sɔfore, dɛ Lewi dea tena la ta ba te pere le Keenan ne Hiti ne Pɛrɛs, ne Jebus ne Amɔn ne Moab ne Ijipt, dɛ Amɔre tena we-ɛɛla Korowii aa kia aa wola were la ta.

Ɛsra 9:12

Anomanta, he bɛ he bihaahna kpɔ tɛ ba bibaala bá mo, ɡɛɛ aa wola chɛɛ kɛ he ɡe bibaala mo ba bihaahna. Hé ne ba bɛ nyopɛo fɔo bɛlbwa fɔwɛ, ɡɛ aa ɛ he won so dɛ́ biɡri, dɛ́ dɔ bokpeɡa dɛ́ di harɛ la ta kondɛɛɡa, ásɛ a chɔ le tɛ he bii saŋ bɛlbwa dɛɛ la.’

Yela 106:35

kɛ ba sɛoh ba bii ɛɛ kpɔ dɔŋa, a che a ta, ba kpɔ ba voɡa toma da la.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.

Hosia 5:7

Ba waa ta kasinteŋ dɔe tɛ mɛ, ba le n habɔɔ, sɛmbii ɡboo baa loɡle. Ba Korobifala Tɔpejena dii, ɛɛ chɔɡ ba ne ba kooni bwaa.

Hosia 7:9

Nɛŋhɔɔhraa dɛɛ di kpeɡri ba nɛ, kɛ baa jemɛ. Ba nyumpona pa mun dɛɛ to, kɛ baa jemɛ.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Sefania 1:5

Mɛɛ chɔɡ nɛra baa teehna kaa deene dor kaa tomɛ wee, ne korobie dɛ weweela, ne banɔ la baa ŋwɛɛra ŋɔ ba dɛ tom mɛ kɛ dɛ berɛ kaa tomɛ voɡ Molɛk ɡe ja laanee.

Malakae 2:11

Juda tena ta ba nyobaɡa ta teŋɛ, dɛ chɔɡ ba ne men Korowii fɔo la. Ba ɛ waa maa kia Israel harɛ ta bwa, ne bwɛjen Jerusalam. Baala mo nɛŋhɔɔhra baa dɛ tomɛ voɡa bihaahna, dɛ kpɔ doŋa kah Korowii Dea la.

Matiu 6:24

Anee Yeesu berɛ ŋɔ, “Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.