Hosia 7:7 - mzwDBL

⁷ Ba bandia la do kɛŋɔ fononoo bini nii ken, ba kpɔ kpoo ba koranar. Ba koranar bwa serewɔ, kɛ nomɛlbwa aa men soŋe ŋɔ ń chao.

Hosia 7:7 ပူးပေါင်းရင်းမြစ်များ

1 Koranar 15:28

Kooro Asa aa di kora Juda harɛ bene atoro taa Kooro Baasa kpo Kooro Nadab, dɛ chiɡ o naa ta di kora.

1 Koranar 16:18

Kooro Simri aa naa kɛ ba kpɔ bwɛjen la, o kaa jo dekpeɡ waa lɔ koodem bela dɛ kpaa nii do o ta, o ne o dem la bwa fuh kwaraa,

1 Koranar 16:22

Dɛ banɔ la baa teŋɛ Kooro Omri nɛɛ kpeɡri ɡwaa Tibni nɛra baa teŋɛ o nɛɛ la. Anomanta, Tibni baa sewɛ, asɛ Kooro Omri di o kora.

2 Koranar 10:14

Ate, Kooro Jehu do o nɛra baa teŋɛ o nɛɛ ŋɔ, “Hé laɡ ba dɛ bɛ ban kpoo!” Asɛ ba laɡ ba, dɛ ba lɔ nɛra fifraanaarɛ dɛ banɛ. Ba kpoo ba bwa Bɛt Ɛkɛd bela bule bɛl bɔr, bɛlbwa ta kae.

2 Koranar 10:7

Tɔn la aa tel ba be la, ba lawɛ koobii fifraanuanɛ la, dɛ teŋni ba nyuune, dɛ pa do wɛɡrɛre bini, dɛ kpɔ la Jesreel ka tɛ Kooro Jehu.

2 Koranar 15:10

Asɛ Jabes bibaa Salum vɔrɔwe o vɔrɔwa, dɛ kpoo nɛra o siwi ta Ibleam, dɛ kpɔ kora la di.

2 Koranar 15:14

Dɛ Gadi bibaa Kooro Mɛnahem le Tirsa, dɛ la Samaria dɛ ka kpo Jabes bibaa Kooro Salum, dɛ chiɡ o naa ta di kora.

2 Koranar 15:25

Anee Remalia bibaa Pɛka waa ɛ Kooro Pɛkahea laa nomoa vɔrɔwe Kooro Pɛkahea vɔrɔwa, dɛ kpɔ Gelead tena fifraanue ja o nɛ. Ba kaa kpo Kooro Pɛkahea ne baala bane baa dɛ yer ba Aaɡob ne Arie, koodem bela waa ma danjwɛkpeɡ baro bwɛjen Samaria. Asɛ dɛ chiɡ o naa ta di kora.

2 Koranar 15:30

Ussia bibaa Kooro Jotam aa di kora Juda harɛ bene fifraanɛ taa Ɛla bibaa Hosia vɔrɔwe Remalia bibaa Kooro Pɛka vɔrɔwa dɛ kpoo. O chiɡ o naa ta dɛ di Israel harɛ ta kora.

2 Koranar 9:24

Ate, Kooro Jehu laa o to ne hɛm kpɔ dɛ ta yaɡɛ Kooro Joram nyaŋ o vah ba le o tom ta, asɛ o sewɛ chɔ o torɔɡo bini.

2 Koranar 9:33

Anee Kooro Jehu ŋɔ ba be ŋɔ, “Hé lawɔ dɛ́ kpɔɔ viɡri harɛ.” Asɛ ba lawɛ Jɛsɛbɛl viɡri harɛ, o chal yaɡre danjwɛɛ ne jaɡre la, asɛ a tiɡru do harɛ.

Job Tɔn 36:13

Nɛra baa wola Korowii tomɛ la dɔ bandia ba bini, dɛ Korowii tɛr ba deŋne kwaraa naa, baa on soŋe ŋɔ ó cha ba.

Yela 14:4

Korowii ŋɔ, “Amɔ wechɔɡ-ɛɛra ɛɛ hweli waa yaa? Banee lawɛ n nɛra baa teŋɛ n nɛɛ dɛɛ liɡli kɛŋɔ kondikwa, baa wola men Korowii soŋe ŋɔ ń cha ba la.”

Aesaya 43:22

Korowii berɔ ŋɔ, “Kɛ ane a bwa, he ta men tomɛ, Israel tena, n waa pe heya.

Aesaya 64:4

Dɔɔ bɛlbwa toole ba nao o do kɛ hen Korowii, kɛɛ dɛ no wejena haa ɛa tɛ nɛra baa dɔ hwɛɡa he nɛ.

Aesaya 64:6

Ya bwa ɛ wechɔɡa dɛ kah doŋa, ya wedɛɛɡa kwaraa do kɛŋɔ yakwara waa chɔ puldoa ken. A ɡelɔ ya do kɛŋɔ papooni aa hola, peu ta dɛ kpɔa dɛɛ kaa la ken.

Aesaya 64:7

Nomɛlbwa toole dɛɛ soŋe, nomɛlbwa aa nyin kɛŋɔ he chao. He kpɔ he te sɔh yaa, dɛ koh ya wechɔɡa waa dɛ ta yaa.

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Ɛsekeɛl 22:30

N nyiŋo kɛŋɔ mɛɛ na nomɛl ba binii ó ba ma Jerusalam danjwɛɛ la bela waa kua la, dɛ́ che ba naa ta, dɛ́ lɛ bwɛɛ la ta, ásɛ n fee ɡel o chɔɡa, kɛ n ta nomɛlbwa nae.

Daneɛl 9:13

Gɛ tenten baa chwera Mosis Mmara la ta la, ɡɛ deŋnetɛra la bwaa ba ya nɛ. Kɛ ya ta Korowii yaa dɛ tomɔ la bɔr nyine ó cha yaa ya le ya wechɔɡa ta, ásɛ dɛ no o kasinteŋ waa la.

Hosia 13:10

Hé ŋɔ ń tɛ heyaa kooro ne nomonome, asɛ n tɛ heya, kɛ ɛrɛɛ baa ba wona lɛ heya ɔ?

Hosia 5:15

Ásɛ n berɛ kaa n buɡ ta bela maa lole ka tel kɛŋɔ baa sɛh ba chɔɡre. Baa dɛɛ nyin n sie dɛ na, ásɛ a noo ba aa, bá ɡaaɡe n bɔr sibeɡra ne.”

Hosia 7:10

Israel tena mbarafo dɛ di danseɛ ba wechɔɡa wa, kɛ anɔ bwa habɔɔ, baa berɛ dɛɛ ba men Korowii baa dɛ tom mɛ la be, kɛɛ dɛ́ nyin n bɔr.

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Hosia 8:4

Ba cheɡ koranar maa wola a waa jemɛ, dɛ le nomonome le n habɔɔ. Ba kpɔ ba ɡbaɡba suuɡapoŋa ne suuɡaswɛm ɛ voɡa dɛ kpɔ chɔɡ ba te.

Maeka 2:1

Nɛra baa dɛ vɔrɔwe wechɔɡa, dɛ chɔ ba chɔɔbɔra dɛɛ vɔrɔwe wedoŋa la, bá bwɛɛlɛ. Tɔɔ perɔ chɔɔ aa, dɛ ba ɛ ba wechɔɡa la, dɛkalkɛ kpeɡri baa dɔa nomanta, bɛlbwa aa won tɔ ba ŋwɛnɛ.