Hosia 7:16 - mzwDBL

¹⁶ Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Hosia 7:16 ပူးပေါင်းရင်းမြစ်များ

Yela 12:3

N Naa Korowii, ɡel nyokpɛl ne nyoo baa kpɔa dɛɛ bol wejena ba a jaɡa.

Yela 12:4

A ɡɛ nɛra la dɛ ŋɔ, “Ya nyoa ɛɛ yoo tɛ yaa. Yaa bol anɔ la yaa dɛ nyinii. Nomɛlbwa toole dɛ́ tɔ yaa ŋwɛnɛ.”

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Yela 17:10

Baa nɛn sum na, mbarafo wobolee baa bol.

Yela 52:2

He vɔrɔwe nɛra vɔrɔwa dɛ́ chɔɡ ba, he nyondoŋe do kɛŋɔ naŋɡɔse ken, saŋ bɛlbwaa hɛɛ teŋe nyosone.

Yela 57:4

N dɔma bar mɛ cheme, ba do kɛŋɔ nyujentena lɔr aa dɛ kpoa, aa nyin nɛra ola dɛ́ di ken. Ba nyena do kɛŋɔ lampeare ne hɛma, ba nyondoŋa nyɛɡre kɛ keri ken.

Yela 73:9

Ba bol waa dɛɛ yaɡɛ Korowii waa lɔ nyundua, dɛ che mbarafo ta dɛɛ do nɛra baa lɔ harɛ nɔ ta wechɔɡa ta.

Yela 78:37

Baa o waa ta teŋɛ, baa fɔo o ne baa fɔwa la ta teŋɛ.

Yela 78:57

Ba deŋne kpeɡri, baa waa bu kɛ ba naawa ken, ba waa ta kasinteŋ dɔe.

Aesaya 3:8

Jerusalam paɡrɔ, Juda harɛ ɡe chɔɡ. Nɛra baa lɔ bela nyoa wobol ne ba we-ɛɛla dɛ jo Korowii nɛ. Ba pili nyoa dɛɛ chɛɡɛ Korowii waa ɛ jirima te la.

Jeremia 18:18

Asɛ nɛra la bane ŋɔ, “Hé ba ya vɔrɔwe Jeremia vɔrɔwa, dɛkalkɛ sɔfore waa baa dɛ bol la ɛɛ do lee, wejerema ɡe webaɡla aa tonɛ, ɡɛɛ Korowii keamere ɡe waa la ɛɛ ba cheɡa. Anomanta, hé ɡel ya nyin waane dawɛ o nɛ, dɛ́ ɡel waa waa dɛ bol la noe.”

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Jeremia 42:18

Koranar Bwa Kooro, Israel tena aa dɛ tomɔ la ŋɔ, ‘Gɛ maa kpɔ n bandia kohona ba ta nɛra baa lɔ Jerusalam nɛɛ la, ɡɛɛ dɛ he kaa Ijipt harɛ ta naa, mɛɛ ba n bandia kpɔe ba ta he nɛ. Nɛra ɛɛ nao dɛɛ taah heya ba bambile teŋe, dɛɛ mamɛ heya. He siwi aa harɛ nɔ nae ba kpa.’ ”

Ɛsekeɛl 23:32

Nemenɛ Korowii ŋɔ, “Gɛ maa tɛr he nahaah deŋne kohona laanee mɛɛ ba he ɛɛ. Nomɛlbwa ɛɛ mamɛɛ dɛ́ muɡli he baah, dɛkalkɛ deŋnetɛra la kan kohona.

Ɛsekeɛl 36:20

Harɛre ta bobɛlbwa baa la la, ba chɔɡ n sɔn waa do ɡoroŋ la, dɛkalkɛ nɛra dɛ bol ba waa ŋɔ, ‘Korowii nɛraa nɔ, kɛ o doŋ ba o harɛ ta.’

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Hosia 11:5

Ba vɛh ba liire chara dɛ́ ba n be, anomanta, a chɛ kɛ bá berɛ kaa Ijipt harɛ ta, dɛ́ ka do Asiiria tena lɔɡa.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Hosia 9:4

Baa won kpɔ sen ɛ sarahare tɛ Korowii kpa, kwaa baa kpoo dɛ́ ɛ saraha dɛɛ tɛo la aa o sie lɛɛ ba. Ba kondikwaa baa dɛ ba a dii la bwa ɛɛ ɡeloo bá kah doŋa kɛŋɔ lwe mun kondikwa. Nomɛlbwa waa dia la kah doŋa. Ba ɡboo dɛ́ dia, a ta chɛ kɛŋɔ bá ba a ne Korowii Dea.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Malakae 3:13

Korowii ŋɔ, “He bol wedoŋa tɛ mɛ. Kɛ he berɔ bɔɔ ŋɔ, ‘Wedoŋa besoo ya bol tɛɛ nɔ?’

Malakae 3:14

He bolɔ ŋɔ, ‘Korowii toma ɛ wepuu. Tɔnɔ besoo ya dɔ dɛɛ le waa waa kpɔa tɛ yaa ŋɔ yaa teŋɛ a ta, asɛ a berɛ do kɛŋɔ ya tea bini chɔɡɔ Koranar Bwa Kooro sie nɔɔ?

Matiu 12:36

N dɛ ŋɔ he be ŋɔ, wesale bɛlbwa nomɛlbwa aa bola la, wɛɛ baɡle a munii awola Korowii aa ba dɛ́ ba bol nɛra bwa waa dɛ́ pa bole la.

Amanesoma Luk Aa Chwera Tɔn 8:13

Anɔ la ɡe aa lee bwetala ta bela teera aa wola toole kohona a lune aa wola wone kaa bini a jwalɛ dɛ sewɛ la, a do kɛ nɛra ba yon no waa la, dɛ ba sie lɛo, kɛ aa wola won ban jooɡe dɛɛ ka ba nyu bini la. A cheɡɛ Korowii Waa ta waane puu ba aa, dɛ ba horɔ.

Jems 3:5

Gɛɛ nyondoŋe do jeɡaa nɛn bini, kɛ dɛ won wejena ɛɛ. Hé na ɡɛ kɔr aa doa asɛ nihɔl won o fuih.

2 Pita 2:8

Lɔt aa ɛ nɛndɛɛɡe o waa su Korowii siwi dɛ do ba baah la, dɛ ba wedoŋa waa dɛ na ne anɔ la waa dɛ no tɔpebii bwa la ɡelɔ o bambile ɛɛ weo.

Wepila 13:5

Korowii ta on ŋwɛnɛ tɔe. O ɡelɔ wɛɛ bol wejena ne nɛnhɛlwa, dɛ ɡel o dɔ kpeɡri dɛ́ won ɛa korobie fifraanaarɛ dɛ anɛ.