Hosia 7:14 - mzwDBL

¹⁴ Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Hosia 7:14 ပူးပေါင်းရင်းမြစ်များ

Kaala 32:6

Anomanta, tɔ aa pera la, ba felo ir dɛ ba kpoo kwaa fuh ɛ saraha kon la ta, dɛ kpɔ deŋnesɔɔhna saraha kwaa ɡe ba. A habɔɔ la, ba soɡo dɛ di kwa, dɛ nyɔ sen, dɛ ir sa sachɔɡa.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 52:5

Bɔkwa waa nɔ jaɔ? Babelɔn tena lawɛ n nɛra bwa kaa pɛɛpɛɛ, ba ka do ba lɔɡa, ba siwi sa ba. Ba dɛ bol mɛ nɛnhɛlwobol saŋ bɛlbwa.

Aesaya 65:14

N bonɔɔna ɛɛ ɡo silɛɛ yelaa, kɛ he te ɛɛ wi lokua wii.

Jeremia 12:2

Ba do kɛŋɔ daa he kpɔ ba du, he nyiŋi ba nɛɛ ba kpeɡ dɛ dɔ lune dɛɛ nɔnɛ. Ba nyoo ɡbo nee baa kpɛɛre, kɛ he waa toole ba bambile bini.

Jeremia 3:10

Anɔ bwa habɔɔ, Juda waa ɛ Israel dɔŋ, o wa aa wola kasinteŋ dɔe la, ta berɛ ba n be o bambile bwa ne, dɛ ta ɛɛ kpɔ a liire. Men Korowiirii bola.”

Wiile 2:18

Bwɛjen Jerusalam, wi yerɛ Korowii. He danjwɛɛre do kɛŋɔ nɛn o lole bɛl aa sewa wɛɛ wiu ken. Gel siniire ɛɛ yɔɔre chɔɔ ne jwaana kɛŋɔ nenapale, bɛ suna dii ne wii ɡel.

Hosia 13:16

Samaria tena chɛ kɛŋɔ ba bolchɔɡe ɡure ba nɛ, dɛkalkɛ ba ɛ men Korowii baa dɛ tom mɛ la deŋnekpeɡ. Laa taa baa ba ba kpoora, ásɛ dɛ kpɔ ba bechale cha harɛ dɛ́ ya ba tekpoŋra teene.”

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 13:9

Israel tena, he serewɔ, dɛkalkɛ he ɛ wechɔɡa dɛ jo n nɛ.

Hosia 3:1

Korowii ŋɔ men Hosia be ŋɔ, “Berɛ la he haah be, á baɡle kɛ he dɛ nyinu. A lole kɛŋɔ baa bɛl dɛ nyinu te, kɛ bɛ an dawɛ. Nyinu ɡɛ men Korowii aa dɛ nyin Israel tena baa berɛ habɔɔ kpo mɛ, dɛ kpɔ daa nɔna aa hola kaa tɛ voɡa n ɡarɛ dɛɛ nyin ba la.”

Hosia 8:2

Kɛ ane a bwa, Israel tena wio dɛɛ yer mɛ ŋɔ, ‘N Naa Korowii yaa dɛ tomɛ, ya jemɛ.’

Emɔs 2:8

Bobɛlbwa baa dɛ tom mɛ la, ba pa yale baa lɛa cheɡ awɔba la dɛɛ chɔ a ta. Ba cheme n Dea aa, suuɡa baa faah nɛra dɛ lɛ le ba be la, a nee baa nyɔ sene.

Emɔs 8:3

Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”

Maeka 2:11

Nɛra nɔ dɛ nyin keame waa teŋe nyosone ŋɔ, ‘Mɛɛ ɡeloo sene bwa soo siwi bu he nyɔ dɛ́ dɛɛ.’

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

Felepae 3:19

Ŋwɛnɛ ɡɛ nɛra nɔ aa kpɔ o ta la dɛ kaa ba ne seo ta. Ba kpɔ tea ne bwadabii waa ɡwaa Korowii. Waa aa ɛ sihihwaa la, a nee baa ta nyoa. Ba liire bwa lɔ harɛ nɔ ta kwaa ta.

Jems 4:3

He dɛ soŋo, kɛ haa dɔ, dɛkalkɛŋɔ liire haa cheɡɛ a ta dɛɛ soŋo la aa were. He ɡboɡbo konnyina ne kwaa haa dɛ pɛlɛ a nɛɛ waa hɛɛ soŋo.

Jems 5:1

Kondɔɔhna ɡe, hé no n be! Waa aa dɛ ba heyaa pui la nomanta, hé dooɡe lɔŋɔre dɛ́ɛ wi.

Sitɔɔla 9:27

Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.