Hosia 7:11 - mzwDBL

¹¹ Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Hosia 7:11 ပူးပေါင်းရင်းမြစ်များ

2 Koranar 15:19

Asiiria harɛ ta Koojen Tiɡlat Pilesa la Israel harɛ ta ka yoo ba, asɛ Kooro Mɛnahem tɛo suuɡapoŋa a tɔɡre aa ɛ kaɡboŋa lafraatoro fifraanaarɛ ŋɔ ó chao, ásɛ o kora la do kpeɡri.

2 Koranar 16:7

Ate, Kooro Ahas tomɛ nɛra Asiiria koojen Tiɡlat Pilesa be kɛŋɔ, “N ɛ he bonɔɔ tenten, ba lɛɛ mɛ, Siiria kooro ne Israel kooro dɛ yoo mɛ.”

Sɛɡla 15:32

Nomɛlbwa waa wola jae no la ta o nyu, kɛ nɛn waa dɛ no jae la, o dɛ no waa mun.

Sɛɡla 17:16

Tɔnɔ besoo a dɔ kɛŋɔ ɡɛne kpoŋe suuɡa dɛɛ nyin wejema dɛ o ta a liire dɔe yɔ?

Sɛɡla 6:32

Baa waa le o haah habɔɔ, dɛ kaa nyin hanfala la ta liire dɔe, o dɛ chɔɡ o ɡbaɡba.

Jeremia 2:18

Tɔnɔ besoo Ijipt harɛ ta laŋa dɛ́ ka nyɔ Nael Moo nee ɛɛ ba lee tɛ heya ɔ? Bɔkwaa dɔ Asiiria harɛ ɡe ta laŋa dɛ́ ka nyɔ Yufretis Moo neɔ?

Jeremia 2:36

Ɛrɛɛ hɛɛ ɡaaɡe kohona dɛɛ charɛ he we-ɛɛla ɡɛ nɔɔ? Ijipt tena ɛɛ neɡre heyaa kɛŋɔ Asiiria tena ɡe fa aa neɡre heyaa la.

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Hosia 14:3

Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Hosia 4:11

Sembena ne anfala nyɔe chɔɡ n nɛra liire baa waa mun no.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.

Hosia 5:4

Ba we-ɛɛla ɡelɔ baa won berɛ ba men Korowii baa dɛ tom mɛ be. Jwaman we-ɛɛla ɡboo su ba liire ta. Baa men Korowii jemɛ.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:3

Korowii aa ɡel Israel tena so o harɛ la ta, baa berɔɔ ka so Ijipt harɛ ta, dɛ́ ka di kwaa baa kia Asiiria harɛ ta.

Hosia 9:6

Dɛ wekpeɡa chiɡo asɛ ba lɔ peɡre aa, Ijipt tena ɛɛ boa ba nyoaa, ásɛ dɛ ba sewɔ aa, bá huɡ ba bwɛjen Mɛmfes. Jabalnadaŋɛre ɛɛ kpeɡuu tɔ ba kondɔɔh aa ɛ suuɡapoŋa la bwa ta, ásɛ sɔɔhne ne kpɔɡa moɡɛ tɔ bela ba deene fa aa cheɡa la.

Obadia 1:7

Nɛra he ne baa fɔwɛ fɔo ɛɛ le he ne he harɛ taa. Baa neɡre heyaa, dɛ́ pɔ he nɛ. Daamanar he ne baa pɛ nɔn di kwaa ɛɛ harɛ heyaa belii haa wola jemɛ.”

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.