Hosia 7:10 - mzwDBL

¹⁰ Israel tena mbarafo dɛ di danseɛ ba wechɔɡa wa, kɛ anɔ bwa habɔɔ, baa berɛ dɛɛ ba men Korowii baa dɛ tom mɛ la be, kɛɛ dɛ́ nyin n bɔr.

Hosia 7:10 ပူးပေါင်းရင်းမြစ်များ

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Yela 14:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Yela 53:2

Korowii lɔ nyundua, dɛ ba sie ne harɛ, dɛɛ nyiŋi nɛwɛnyina kɛŋɔ bɛl dɔ wejema dɛɛ nyin o Korowii bɔr dɛ́ tomɔ.

Sɛɡla 27:22

Nɛn waa ɡɛna te, he lɔɔro ɡɛ bɛlbwa kwara noo, o ɡɛna ta lɔ o nɛ.

Aesaya 9:12

Siiria tena le wee leebɔr, ásɛ Filisti tena ɡe le wee cholibɔr, dɛ́ ba haah Israel tena pɛ dɛ́ laɡ ba lile. Anɔ nɔ bwa habɔɔ Korowii baah aa sɔɔh, o nɔn waa ira dɛ́ tɛr ba deŋne la ɡe ta cheɡɛ ɡɛ.

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Jeremia 3:3

A waa bwaala teŋe, dɛ ɡel nɛɛ. Kɛ he nya sihiih jwamane ta, haa sɛh ŋɔ sihiih kpo heya.

Hosia 13:14

Mɛɛ lɛɛ ba le lalbɔɔ bini, dɛ́ lɛɛ ba le seo nyoa. Seo, leperaa he weechɔɡa dɔɔ jaɔ? Lalbɔɔ, leperaa chɔɡa haa dɛ ba yaa chɔɡa dɔɔ? Maa tedomaa dɔ tɛ he Israel tena,

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Hosia 7:7

Ba bandia la do kɛŋɔ fononoo bini nii ken, ba kpɔ kpoo ba koranar. Ba koranar bwa serewɔ, kɛ nomɛlbwa aa men soŋe ŋɔ ń chao.

Sefania 1:6

Mɛɛ chɔɡ banɔ la baa berɛ habɔɔ dɛ vɛh n nɛɛ teŋa, ne banɔ la baa wola n be ba ń baɡ ba waa laanee.

Sekaria 1:4

He bɛ ɛ kɛŋɔ he naawa. Banee n keamere baa tɔ sie la bol n waa ba be ŋɔ bá charɛ ba liire le ba wechɔɡa ne wedoŋa ta, kɛ ba ta n be noɛ, kɛɛ dɛ kpɔ duure tɛ mɛ la.

Tɔn Pɔɔl Aa Chwerɛ Rom Tena 3:11

Nomɛlbwa toole dɛ jemɛ wa, nomɛlbwa toole dɛɛ nyin o Korowii bɔr dɛ́ tomɔ.