Hosia 7:1 - mzwDBL

¹ Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Hosia 7:1 ပူးပေါင်းရင်းမြစ်များ

Aesaya 28:1

Israel harɛ bwɛɛlɛ! O jirima dɛ dime kɛŋɔ kwaa fee aa lɔ sitɔɔla baa ɛ sennyɔɔra kooɡbɛrɛre ta dɛɛ lee la. Ba nyuune baa ɡɔɔra dɛɛ valɛ sɔɔh konsɔɔhsoma, kɛ ba dɛɛrɔ chɔ.

Aesaya 59:12

N Naa Korowii, ya wechɔɡa kan kohona he sie, ya wechɔɡa ɡba di danseɛ. Ya jemɛ ya wechɔɡa bwa.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Aesaya 59:14

Waa aa ɛ kpela ne waa aa toɡra kaa bojaŋ, a do kɛŋɔ kasinteŋ toole kpa ken.

Jeremia 51:9

Asɛ nɛŋhɔɔhra baa soɡe bela ŋɔ, ‘Ya takapɔ ŋɔ ya cha ba, kɛ a kaa mun ta. Hé ɡel ya ɡel ba waa tɛɛ ba, ásɛ bɛlbwa berɛ kaa o harɛ ta. Korowii kpɔ o kpeɡri dɛ tɛr ba deŋne dɛ chɔɡ ba kwaraa.’ ”

Ɛsekeɛl 16:46

He nahaahnee Samaria, o ne o bihaahna so he weekaŋle nyunduabɔr. He nime bihaah ɡee Sodom, o ne o bihaahna so he weekaŋle harɛbɔr.

Ɛsekeɛl 23:4

Nomoa la sɔne Ohola, asɛ bechala la ɡe sɔne Oholiba. N haahnaa ban, ba loɡle bibaala ne bihaahna tɛ mɛ. Ohola cheɡɔ tɛ Samaria asɛ Oholiba ɡe che tɛ Jerusalam.

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Hosia 11:8

Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Hosia 4:17

Israel tena kpɔ ba te jo voɡa toma ta, hé ɡel ba.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Hosia 7:13

Bá bwɛɛlɛ! Ba vɛɛh mɛ dɛ berɛ habɔɔ kpo mɛ. Waa dawɛ ba nɛ, ba ɛ deŋnekpeɡ n nɛ. N pɛla lole kɛŋɔ n fee lɛɛ ba, kɛ ba teŋe nyosone dawɛ n nɛ.

Hosia 8:5

Suuɡaswɛm Samaria tena aa kpɔa ɛ nabale la ɡelɔ n baah di ba nɛ, bá kpɔ viɡri. Saŋ besoo baa ba voɡa toma ɡela ɔ?

Hosia 8:9

Ba joɔ kaa Asiiria harɛ ta, kɛŋɔ keeɡo kpaŋi waa pere o te dɛɛ ɡaaɡe ken, dɛ yoɡ ba te tɛ Asiiria ne harɛre tena bane bá cha ba.

Emɔs 3:10

Korowii ŋɔ, “Baa jemɛ waa aa wera la ɛ. Ba cheɡɛ laa ta, dɛ che laala su ba dekpeɡa bini.”

Emɔs 3:9

Emɔs ŋɔ Samaria nomonome be ŋɔ, “Hé la ka bol nɛra baa soɡe Asdɔd ne Ijipt dekpeɡa bini la be ŋɔ, ‘Hé ka cheme Samaria bwejena dor, dɛ́ na yoi we-ɛɛla ne fiiɡa baa dɛ fiiɡi nɛra bela.’ ”

Emɔs 8:14

Banɔ la baa dɛɛ ŋwɛɛ Samaria voɡa, kɛɛ dɛɛ ŋwɛɛ Dan dea voɡ, kɛɛ voɡ waa lɔ Beɛseeba bwa dɛ́ ba choɡla, baa wola won ir kpa.”

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Amanesoma Luk Aa Chwera Tɔn 13:34

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Amanesoma Luk Aa Chwera Tɔn 19:42

O wio ŋɔ, “Alako he fe jemɛ ɡɛ haa ɛ dɛ́ dɔ bosɔɔhna fini! Korowii kpɔɔ sɔh heya, anomanta, haa won jemɛ.