Hosia 6:9 - mzwDBL

⁹ Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.

Hosia 6:9 ပူးပေါင်းရင်းမြစ်များ

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Hosia 5:1

Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Amanesoma Jɔn Aa Chwera Tɔn 11:47

Anomanta, Sɔfonomonome ne Farisii tena kaa cheme ba Juu tena nomonome baa dɛ nyiŋi ba waa bini la, dɛ ŋɔ, “Aah, ɛrɛɛ yaa ba ɛɛ taraken ɔ? Na nyokpowe-ɛɛla nɔ bwa dɔŋa baa nɔ aa dɛ ɛ.

Amanesoma Mak Aa Chwera Tɔn 14:1

A baa ka tɔpera anɛ ásɛ ba di ba tɔpejen baa dɛ yerɔ Galekaa la. A ɡɛ tɔpera nɔ taa baa di Paanoo Iisi Aa Wola Toole a ta la. Dɛ Sɔfonomonome ne Tɔnjerema la dɛ nyin ŋwɛnɛ bɛl dɛ́ sɔh lawɛ Yeesu dɛ́ kpoo,

Sefania 3:3

Bwɛjen la nomonome do kɛŋɔ nyujentena aa dɛ dooɡe lɔŋɔre ken, o koranar ɡe do kɛŋɔ ɡboli aa lawɛ ol jɔmɔra, aa wola won haŋre dɛ́ ɡel hoɡ ɡba ka tɔɔ per o ta.

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Ɛsekeɛl 22:27

Israel nomonome do kɛŋɔ ɡboli dɛɛ peeɡe ola aa kpoora la. Nɛŋkpoa taa ba che dɛɛ nyin kondɔɔh.

Ɛsekeɛl 22:9

Ba bini bane teŋe nyosone dɛ ɡel baa kpoo ba bala, bane ɡe ɛɛ di voɡa kwaa deŋɡarere ta, bane ɛɛ bɔ jwamane.

Jeremia 11:9

Anee Korowii berɛ ŋɔ n be ŋɔ, “Juda ne Jerusalam tena dɛ vɔrɔwe n vɔrɔwa.

Ɛsra 8:31

Korobiloɡle, tɔpera fi dɛ anɛ taa ya le bela baa kwi bɔɔ nee ɛɛ palɛ o bini dɛ do Ahava dɛ kaa Jerusalam. Korowii yaa dɛ tomɔ la ja ya nɛ, dɛ tɔ yaa ɡbemɡbe le ya dɔma ne ŋwɛɛra baa sɔh ŋwɛnɛ ta nɔn ta.

1 Koranar 12:25

Kooro Jɛroboam ɡelɔ ba ma danjwɛkpeɡ bar bwɛjen Sɛkem waa chɔ Efrem deŋɡarere ta dɛ lɛo cheɡ. O le bela dɛ berɛ ka ma danjwɛkpeɡ bar Pɛnoɛl ɡe.

We-ɛɛla 4:24

Ba bala la aa no waa la, ba bwa pɛo soŋe Korowii ŋɔ, “Nemenɛ Korowii haa ɛ komɛlbwa dɔɔ, hen ta nyundua ne harɛ ne mpo ne kwaa aa lɔ a ta bwa!

Ɛsekeɛl 22:25

Ba koranar do kɛŋɔ nyujentena yon lawɛ ola dɛɛ kaa dɛɛ kɔɡre la. Ba dɛ kpoo nɛra, dɛ pa ba suuɡare ne ba kondɔɔh bwa, a che a ta luhaahna warɛ o ta.

Ɛsekeɛl 23:27

Gɛɛ mɛɛ ba he ɛɛ, dɛ́ ba he jwamanwaa haa pa a mun Ijipt harɛ la ne a jaɡa. Haa voɡa la kɛɛ Ijipt harɛ ta wobɛlbwa waa liira ba kpa.’ ”

Hosia 2:10

Mɛɛ wuruu ó che mumɡbal o sɛnanar la sie, nomɛlbwa aa wola won lɛo le n nɔn ta.

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 5:2

Deŋnekpeɡ ne nɛŋkpoa tena kohona, mɛɛ tɛr he bwa deŋnee.

Mumpar 12:6

Baa tel Keenan la, Abram ɡaaɡe harɛ la ta dɛ ka tel dajen bɛl mun More, o lɔ bwɛjen Sɛkem, dɛɛ nyin wɛɛ tomɛ Korowii bela. A ɡɛ saŋ baa tel bela la, dɛ Keenan tena soɡe harɛ la ta.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.