Hosia 6:6 - mzwDBL

⁶ He dɛ na dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ. Men Korowii jema hiah mɛ ɡwaa sarahare ɛɛ dɛ́ fuah.

Hosia 6:6 ပူးပေါင်းရင်းမြစ်များ

1 Webena 28:9

Kooro Devid berɔ ŋɔ, “N bie Solomɔn, kpɔ he te do Korowii he naawa aa dɛ tomɔ la lɔɡa, dɛ́ tomɔ he bambile ne liire bwa ne. Korowii dɛ nyiŋi bambile bini dɛ jemɛ liire bɛlbwa. He kpɔ he te tɛo waa, hɛɛ nao, kɛ dɛ he berɛ habɔɔ kpoo tenaa, o ɡe ɛɛ vɛɛh saŋ bɛlbwa dɛɛ la.

Yela 50:8

Maa heyaa kah ŋɔ kwaa haa kpoora ɛ sarahare, kɛɛ kwaa haa fuah ɛ sarahare n sie saŋ bɛlbwa la aa were.

Sɛɡla 21:3

We-ɛɛla aa wera dɛ toɡre, dɛ su Korowii siwi ɡwaa kɛŋɔ haa ɛ saraha tɛo.

Wejereme 5:1

He dɛ la Korowii Dea aa, nyiŋi he vala bini kɛrɛdɛ. Do sie no o waa kɛrɛdɛ, dɛ́ ɡwaa ɡɛna saraha ba yon dɛɛ ɛ, baa wola jemɛ kɛ ba dɛ ɛ wechɔɡa la.

Aesaya 1:11

O ŋɔ, “Bɔkwaa kwaa haa dɛ kpoo kohona dɛ kpɔ ɛ saraha dɛɛ tɛ mɛ la ɛɛ baɡleɔ? Kwaa haa kpoora dɛ fuah dɛ kpɔ dɛɛ jam mɛ, pebala, ne ola noorare pe mɛ, nae ne pebiiri ne boohna chale aa men pɛla dɔ.

Aesaya 58:6

Nyoa vɔwa maa dɛ nyin laanee kɛŋɔ, hé foo nɛra baa wola wobɛlbwa ɛɛ ba do ba dea la ta. Hé lɛ nɛra baa dɛ fiɡ ba ásɛ ba dɔ ba te.

Jeremia 22:16

O bol nyaara ne nɛŋɡwɛɡra waa tɛɛ ba, anomanta, o wobɛlbwa wer tɛo. Gɛ laa dɛɛ baɡle kɛ nɛn jemɛ men Korowii aa?

Jeremia 7:22

Maa lawɛ he naawa le Ijipt harɛ ta ba la, n ta ban saraha kwaa baa fuah kɛɛ saraha bɛlbwa waa ta doe.

Daneɛl 4:27

Anomanta, n naa kooro, no waa maa dɛ jae a ta nɔ. Gel wechɔɡa ɛɛ, dɛɛ ɛ anɔ la aa toɡra, dɛ́ ɡel he nyubinikpeɡ la, dɛɛ na nɛra baa dɛ fiɡ ba sum. He wobɛlbwa ɛɛ do werii dɛɛ la.”

Hosia 14:2

Hé ɡel ɡɛ waa nɔ ɛ he wesoŋa, dɛ́ berɛ ba Korowii be. Hé soŋo ŋɔ, “Kpɔ ya wechɔɡa bwa kɛ yaa, dɛ́ sune ya nɛɛ dɛ́ lɛ yaa, ásɛ ya kpɛɛre, ɡɛ yaa baɡɛ nyoa la.

Hosia 2:20

Mɛɛ teŋɛ n nyobaɡa taa, dɛ́ kpɔe ɛ n haah, ásɛ he jemɛ kɛrɛdɛ kɛ menee Korowii.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Emɔs 5:21

Korowii ŋɔ, “N hah he tɔpejena haa dɛ di la, n sie aa a ta lɛ kwaraa.

Maeka 6:6

Bɔkwaa mɛɛ ba kpɔe ba Korowii waa dɛ di kora nyundua sie ba tomɔ wɔ? Ń kpɔ nabiiri aa di benanyoa ba fuah ɛ saraha o sie naa?

Maeka 6:8

Akai, waa aa weraa Korowii chaɡle yaa, wáa waa dɛ nyin dɛ́ le ya be laanee kɛŋɔ, ya di kasinteŋ dɛɛ sune dɔŋa nɛ, dɛ́ pwɛr ya te tɛo.

Matiu 12:7

Korowii Tɔn dɛ baɡle kɛ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ.’ Dɛ he fe jemɛ waa nɔ mun aa, he fe aa nɛra nɛɛ nya ŋɔ ba di bolchɔɡe,

Matiu 5:7

Nɛra baa dɛ na nɛra sum la, ba na som, dɛkalkɛ Korowii ɡee na ba sumii.

Matiu 9:13

Hé ka kwaa hweli waa baa chwera bil heyaa ŋɔ, ‘He dɛ na he dɔŋa sum aa, anee mɛɛ nyin dɛ ɡwaa kɛ haa kpoo kwaa dɛɛ tɛ mɛ’ la. Nɛra baa dɛ lii ba te nɛndɛɛɡa waa laa n ba. Wechɔɡ-ɛɛra waa n ba, ásɛ ba charɛ ba liire.”

Amanesoma Mak Aa Chwera Tɔn 12:33

A chɛ kɛŋɔ yá nyinu ya bambile ne ya liire ne ya bokpeɡa bwa ne, dɛ́ nyin ya dɔŋa kɛŋɔ yaa dɛ nyin ya ɡbaɡba la. A ɡɛ mmarare anɛ nɔ ta teŋaa wera ɡwaa ɡɛ bwa yaa kpoo kwaa dɛ fuah dɛɛ tɛ Korowii, dɛ che kwaa kaa tɛo.”

Josua 5:5

Banɔ la baa lol ba Ijipt harɛ ta la te, ba teŋni ba pena, kɛ banɔ la baa lol ba ŋwɛnɛ ta la, ba ta ba pena teŋni.

1 Jɔn 2:3

Ya teŋɛ o waa ta naa, anee dɛɛ ba yaa baɡla kɛ ya jemɔ.

1 Jɔn 3:6

Anomanta, nomɛlbwa waa kpɔ o te pɛl Yeesu Kristo la aa berɛ teŋɛ dɛɛ ɛ wechɔɡa kpa. Nomɛlbwa o taa teŋa dɛɛ ɛ wechɔɡa la, naate ta on pesee dɛ jemɔ.

1 Samoɛl 15:22

Kɛ Samoɛl chaŋo ŋɔ, “Korowii sie dɛ lɛ saraha baa fuah ne kwaa baa kpoora, ɡwaa kɛ haa no o deŋna wa aa? Korowii deŋna waa noe wer ɡwaa kɛ haa kpo pedɛɛɡe ɛ saraha tɛo.