Hosia 6:3 - mzwDBL

³ Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Hosia 6:3 ပူးပေါင်းရင်းမြစ်များ

2 Samoɛl 23:4

do kɛŋɔ chɔɔlen wee yon dɛɛ chaah kohona kɛɛ bwaala yon nɛ tonɛ, wee pili mɛn do kpɔɡa ta dɛɛ nyɛɡle la.’

Job Tɔn 29:23

Ba dɛ kpaa mɛ kɛŋɔ nɛra yon dɛɛ kpa bwaala la, kɛŋɔ paara aa dɛ kpa yoo saŋ bwaala ken.

Yela 19:4

Kɛ a webaɡla do kɛŋɔ wobol, dɛɛ tel harɛre bwa ta, asɛ a waa ɛɛ tel harɛ jaɡa bwa. Korowii kwaa bɔr nyundua bela tɛ wee,

Yela 19:6

Wee dɛ le nyundua baŋ bɛl, dɛ ɡale ba kaa baŋ bɛl. Komɛlbwa aa won laa on kpɔ le o nyɛɡre la ta.

Yela 63:8

Mɛɛ lawɛɛ kpoŋe kiŋkiŋ, ásɛ he tɔ n nɛɛ he kpeɡri ne.

Yela 65:9

He dɛ dawɛ ya wa, dɛ ɡel bwaala ɛɛ nɛ harɛ nɔ ta, o do wer dɛɛ ɛ konduula kohona. He ɡelɔ nenabɔɔne bwa suuɡi, nɛra dɔ kondikwaa dɛɛ di. Gɛ haa ɛa laanee teŋa nɔ,

Yela 72:6

Gel kooro do kɛŋɔ bwaala waa ɡela koo kwa ɛɛ do wer, dɛ́ do kɛŋɔ bwaala nee aa ɡela harɛ sɔɔh, dɛɛ do wer la ken.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 32:15

Gɛɛ aa ba doe dɛ ka tel kɛŋɔ, Korowii Doma aa ba so ya nɛɛ mɔɔ pua hɛŋle ɡbo harɛ la berɛ harɛpare ondɛɛɡe, o ta kwaa do wer, ásɛ o berɛ do kɛŋɔ kɔr ken.

Aesaya 44:3

Mɛɛ ɡeloo nee chɔ harɛ waa hola ta, ásɛ nenabɔɔne chɔ dɛɛ palɛ. Mɛɛ ɡeloo n Doma ba so he bii nɛ, dɛ́ swee andɛɛɡa tɛ he naanar.

Aesaya 5:6

Mɛɛ ɡeloo harɛ la chɔ pɛɛ maa wola belaa parɛ kpa, maa daa la kpalaa kɛ, ásɛ sɔɔhne ne jabalnadaŋɛ le bela. Maa ɡel bwaala nɛ harɛ la ta kpa.

Aesaya 54:13

Men Korowiirii dɛ́ baɡle he bii wa, dɛ́ ɡel a chiɡ ba kɛrɛdɛ, bá dɔ deŋnesɔɔhna.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Hosia 10:12

Hé ɡel he waa toɡre, ásɛ dɛ dɔ nyina waa wola jaɡa dɔe. Hé pwɛr he bambile waa kpeɡa, kɛŋɔ harɛ waa hola. Saŋ telo kɛ hé nyin men Korowii bɔr mɔɔ n bala tel, ásɛ n swee andɛɛɡa tɛ heyaa kohona.

Hosia 14:5

Mɛɛ ɛo kɛŋɔ bwaala waa nɛ harɛ waa hola ta, dɛ́ tɛ Israel tena, ásɛ ba do kɛŋɔ kpɔɡa fee ken. Dɛ so kɛŋɔ daa lune aa kaa harɛ bini ken, kɛŋɔ peleme daa aa lɔ Lɛbanɔn harɛ ta ken.

Hosia 14:6

Baa kpeɡuu dɛ́ so le, ásɛ dɛ do wer kɛŋɔ ɔleve daa ken. Ba sɔɔh ɛɛ do somee kɛŋɔ Lɛbanɔn peleme daa ken.

Hosia 2:20

Mɛɛ teŋɛ n nyobaɡa taa, dɛ́ kpɔe ɛ n haah, ásɛ he jemɛ kɛrɛdɛ kɛ menee Korowii.

Maeka 4:2

Harɛre nɛra ɡalɡa ɛɛ bao dɛ́ ba ŋɔ, “Hé ba ya kaa Korowii Bwejen la ta, Korowii Israel tena aa dɛ tomɔ la Dea. Wɛɛ chaɡle yaa o ŋwɛnɛree, ásɛ ya won dɛɛ kpɔ a ta.” Korowii Mmara ɛɛ le Saayɔn Bwejen taa, ásɛ o kpɔ bol waa o nɛra be Jerusalam.

Maeka 5:2

Korowii ŋɔ, “Juda harɛ bwɛjeɡa Bɛtlɛham, Juda harɛ bwɛɛre bini bwɛsala laa hen, dɛkalkɛŋɔ he taa kooro ɛɛ ba lee, dɛ́ nyiŋi n nɛra Israel tena nɛ.”

Maeka 5:7

Israel tena baa ɛ Jekɔb naanar baa ka la ɛɛ doo kɛŋɔ mɛn aa le Korowii be, dɛ koo harɛre nɛra bini, kɛŋɔ bwaala aa wir kpɔɡa ta, aa wola nɛn siwi ta nyiŋi mɔɔ la.

Sekaria 10:1

Hé soŋe Korowii o fel nɛ bwaala. Korowiirii dɛɛ ɛ baama aa nɛ bwaala. Onee ɡela bwaala nɛ dɛɛ tɛ nɛwɛnyina, koo kwaa ɛɛ do wer dɛɛ tɛ nomɛlbwa.

Malakae 4:2

Kɛ he banɔ la haa dɛ duu mɛ la, kpeɡri maa kpɔ lɛ heyaa la ɛɛ ba he nɛɛ kɛŋɔ wechɛn yon le dɛɛ tɛ bokpeɡa la. Ásɛ he sie lɛ kɛŋɔ ba yon ya nae bii leɡ ta a sie lɛ aa jah la ken.

Matiu 13:11

Anee Yeesu chaŋ ba ŋɔ, “He te dɔ Korowii Kora ne a wejema a fa aa sɔah bwa dɛ jemɛ. Kɛ ba te ta dɔe.

Amanesoma Luk Aa Chwera Tɔn 1:78

N Naa Korowii tea aa dɛ domɛ nɛn nɛɛ kohona nomanta, wɛɛ ɡeloo o wee ɛɛ chaah yaa,

Amanesoma Jɔn Aa Chwera Tɔn 17:3

Banɔ la baa jemɛ dɛ jemɛ kɛ he ɡboo Korowii kasinteŋ la, dɛ berɛ jem mɛ kɛ menee Yeesu Kristo haa tom mɛ la, banee dɛ́ dɔ mkpa aa wola jaɡa dɔe la.

Amanesoma Jɔn Aa Chwera Tɔn 7:17

Dɛ nomɛlbwa sɛoh kɛ wɛɛ ɛ Korowii tetoowaa te naa, wɛɛ won jemɛ kɛŋɔ kasinteŋ waa aa le Korowii bee mɛɛ bol la. N ɡbaɡba webaɡla laa.

We-ɛɛla 17:11

Dɛ bela Juu tena la waa do kɛrɛdɛ ɡwaa Tesalonika Juu tena, dɛkalkɛŋɔ ba lɛ Yeesu waa la silɛɛ ne, dɛ won dɛɛ nyiŋi Korowii Tɔn bini tɔpere bɛlbwa dɛ́ɛ na, dɛ́ jemɛ kɛ waa Pɔɔl aa dɛ bol la, kpelaa kɛɛ nyosonee yɔ.

Mmarare 32:2

N webaɡla ɛɛ ba he bee kɛŋɔ bwaala aa dɛ wiri, n wobol do kɛŋɔ chɔɔlen mɛn, ne bwaala wira waa ɡela kpɔɡa ɛɛ le la.

Hibru 3:14

Gɛ ya yarada aa doa le mumpar la, dɛ ya wono che ɡɛ kiŋkiŋ ka tel wobɛlbwa jaɡa aa, dɛ ya ne Yeesu Kristo pɛo wobɛlbwa ta.

2 Pita 1:19

Anɔ ɡelɔ ya jemɛ kpelakpela kɛŋɔ waa Korowii keamere la aa bola la ɛ kasinteŋ. A chɛ kɛ he cheɡ deŋne dɛɛ noa. Ba waa baa bola la do kɛ kandea waa dɛ chaah biro ta ka tel kɛŋɔ tɔ aa pera. Korowii Keamere Tɔne la ɛɛ chaah heyaa bɔree, ásɛ Korowii ɡel he liire chaah ɡɛ chɔmbibi wewee aa dɛ chaah bɔr la.

Wepila 22:16

Menee Yeesu, men tomɛ n torome ŋɔ ó ba baɡle waa nɔ, ásɛ he ka baɡle asɔre tena. Devid Dwee men. O Naa men. Menee Chɔmbibi Wewee waa dɛ chaah kɛrɛdɛ la.”