Hosia 5:8 - mzwDBL

⁸ Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Hosia 5:8 ပူးပေါင်းရင်းမြစ်များ

2 Samoɛl 21:6

Anomanta, lawɛ o naanar banuanɛ baa ɛ baala tɛ yaa yá kpoo ba dɛ́ saɡ ba Korowii sie Gebea waa ɛ Kooro Sɔɔl bwɛɛ nɔ ta.” Asɛ kooro chaŋe ŋɔ, “Mɛɛ lee baa tɛ heya.”

1 Koranar 12:29

O kpɔ bɛl ka cheɡ Bɛtel waa bɛne Jerusalam ta, asɛ dɛ kpɔ bɛl ɡe ka cheɡ Dan waa lɔ weekaŋle nyundua pera.

Aesaya 10:29

Ba le ŋwɛnɛ waa chɔa kaa Geba baŋ, dɛ ŋɔ, “Yaa ka chɔ Gebaa jwaana la bwaa.” Ɔmee lawɛ Rama tena ba bwara ɛɛ sa, Kooro Sɔɔl bwɛɛ Gebea tena ir chwa.

Jeremia 4:5

Hé bola Juda ne Jerusalam tena be ŋɔ, ‘Hé hoh bɛla harɛ la bwa ta.’ Hé do lɔŋɔ kohona ŋɔ, ‘Hé boa nyoa. Hé ɡel ya chwa kaa bwɛjena baa ma danjwɛkpeɡa bara la ta.’

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 8:1

Korowii ŋɔ Israel tena be ŋɔ, “Hé hoh laa bɛla. He dɔma dɛ ba he nɛɛ kɛŋɔ kee aa le nyundua dɛɛ tu la, chɔɡa haa chɔɡ n ne he fɔo, ne deŋnekpeɡ haa ɛa men Mmarare ta la wa.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Joel 2:1

Hé hoh bɛla kohona Saayɔn, Korowii bwe waa do ɡoroŋ la ta. Hé nɛra haa lɔ harɛ ta bwa hé ɡel he bwara ɛɛ chel, Tɔpere Korowii aa lea cheɡ la dɛ ba, o telo tonɛ.

Joel 2:15

Hé hoh bɛla Saayɔn Bwejen ta, dɛ́ boa nɛra nyoa, bá vɔwɛ nyoa á baɡle kɛ ba dɛ di suna.

Emɔs 3:6

Laa bɛla sio bwɛjen bɛl ta naa, o nɛra aa ɔmaa? Wechɔɡa ane chiɡ bwɛjen bɛl nɛra nɛ aa, dɛ Korowii laa ɡela a ba ɡɛ naa?

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Sitɔɔla 5:14

Bane le Efrem dea harɛ ta dɛ le Amalɛk tena luɡe ta, bane le Bɛnjamen dea harɛ ta dɛ ba, laa sitɔɔla le Makir harɛ ne Sebulon dea harɛ ta dɛ ba.

1 Samoɛl 15:34

Ate, Samoɛl le bela dɛ kaa Rama, kɛ Kooro Sɔɔl te berɔ kaa o bwɛ Gebea.

1 Samoɛl 7:17

O yon berɛ ba kaa Rama, bela waa soɡa. Bela ɡe, o bol Israel tena ne ba bala waa dɛɛ pa bole, asɛ o ma kon baa ɛ saraha o ta bela tɛ Korowii.

1 Samoɛl 8:4

Anomanta, Israel nomonome la bwa chemo dɛ la Samoɛl be Rama,