Hosia 5:1 - mzwDBL

¹ Korowii ŋɔ, “Sɔfore, hé no! Israel tena, hé cheɡ deŋne! Koobii ɡe, hé no! N dɛ ba he waa bola dɛ́ pa bole. He do kɛŋɔ baa harɛ bel Mispa, dɛ do kɛŋɔ asau baa taa bɔle Tabɔ Bwejen ta.

Hosia 5:1 ပူးပေါင်းရင်းမြစ်များ

Jeremia 11:7

Le saŋ maa lawɛ ba naawa le Ijipt harɛ ta ba le fini, keraŋwɛnɛ bwaa n kah ba ŋɔ baa duu mɛ.

Jeremia 13:18

Korowii berɔ ŋɔ ń ŋɔ kooro ne o nya be ŋɔ, “Hé le he kookane ta tu ba, dɛkalkɛ he kooɡbɛrɛre aa wera dɛ́ ba he nyuune ta lee.”

Jeremia 46:18

N ŋwɛɛrɔ kɛŋɔ men Koranar Bwa Kooro aa lole saŋ bɛlbwa nɔ, menee kooro. Gɛ Tabɔ Bwejen aa jaŋa ɡwaa bwejena bwa asɛ Kaamɛl Bwejen ɡe do jaŋne che mpo nyoa la, ɡɛɛ nɛn waa ba yo heyaa la kpeɡri ɛɛ ba doe.

Hosia 10:15

Gɛɛ dɛɛ ba he Bɛtel tena nɛɛ chiɡa, dɛkalkɛ he wechɔɡa kan kohona. Awola tɔpere laa la aa pa mun la, baa ba kpo Israel kooroo.”

Hosia 13:8

Mɛɛ ba yo heyaa kɛŋɔ sisire bii aa nyoɡra wɛɛ ɛ la, dɛ́ ba peeɡe he bini. Dɛ́ di he ola buɡ la ta kɛŋɔ nyujente ken, dɛ́ toɡri he bini kɛŋɔ kpɔɡ bini olchɔɡa aa dɛ ɛ la.

Hosia 4:1

Korowii ŋɔ o ne Israel tena dɔɔ, dɛ ŋɔ bá no waa waa dɛ bol. O ŋɔ, “He waa ta kasinteŋ dɔe, he ta nyina ɡe dɔe, haa men jemɛ harɛ nɔ ta.

Hosia 6:9

Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.

Hosia 9:8

Korowii kpɔ men Hosia keame dɛ tom mɛ ŋɔ ń bol waa baɡle o nɛra Israel tena. Kɛ bobɛlbwa maa la la, ba dɛ har mɛ bela kɛŋɔ jumbie ken. Korowii Dea kwara, banee n dɔma.

Joel 1:2

Nomonome, hé cheɡ deŋne no, hé no, he nɛra haa lɔ harɛ ta bwa. Waa nɔ dɔŋa chiɡ he bere saŋ kɛɛ he naawa bere saŋ ta ka aa?

Emɔs 3:1

Korowii ŋɔ, “Israel tena, he no waa aa le n be dɛɛ ba he harɛbir nɛra maa lawɛ heyaa le Ijipt harɛ ta la nɛ.

Emɔs 7:9

Mɛɛ chɔɡ bɔra Aesek naanar aa ka dɛ tomɛ bwaa, ásɛ Israel harɛ bɔra aa do ɡoroŋ ɡe chɔɡ, dɛ́ ka yo Kooro Jɛroboam dem nɛra laa.”

Maeka 3:1

Asɛ men Maeka berɛ ŋɔ, “Israel nomonome, ne sitɔɔla haa lɔ Israel, hé no. Heyaa chɛ kɛ hé jemɛ waa aa toɡra dɛ do wer,

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Malakae 1:6

Koranar Bwa Kooro ŋɔ sɔfore la be ŋɔ, “Bie dɛɛ tɛ o mɛɛ jirima, asɛ bonɔɔ ɡe ɛɛ tɛ o nomoa duure. Menee he mɛɛ, ɛrɛɛ haa wola jirima kpɔe dɛɛ tɛ mɛ nɔ? N ɛ he dɔɔ, ɛrɛɛ haa wola duure kpɔe dɛɛ tɛ mɛ nɔ? He sɔfore, heyaa wola duure kpɔe dɛɛ tɛ n sɔn, kɛ he dɛ bɔɔ ŋɔ, ‘Ɛrɛɛ yaa wola duure kpɔe dɛɛ tɛ he sɔn ɔ?’ ”

Malakae 2:1

Koranar Bwa Kooro ŋɔ sɔfore la be ŋɔ, “Hé no, waa maa kpɔa dɛɛ tɛ heyaa laanee kɛŋɔ,

Sitɔɔla 4:12

Baa bol Sisera be ŋɔ Abinoam bibaa Barak kaa Tabɔ Bwejen ta la,

Sitɔɔla 4:6

Awola bɛl, Dɛbora ɡelɔ ba ka yerɛ Abinoam bibaa Barak waa le bwɛɛ Kedes o do Naftale harɛ ta o ba, asɛ o ŋɔ o be ŋɔ, “Korowii Israel tena aa dɛ tomɔ la ŋɔ ń ŋɔ he be hé ka kpɔ Naftale ne Sebulon deene baala kaɡboŋa fi ja he nɛɛ dɛ́ tɔ ba sie kaa Tabɔ Bwejen ta.

1 Samoɛl 7:16

Bena bɛlbwa, o dɛ ɡaaɡe ba nɛɛ le bwɛjena Bɛtel kaa Gelɡal ne Mispa bwa, dɛ bol nɛra waa dɛɛ pa bole.

1 Samoɛl 7:5

Asɛ Samoɛl berɛ ŋɔ, “Hé ŋɔ Israel tena be bá bwa cheme bwɛjen Mispa, ásɛ n soŋe andɛɛɡa le Korowii be tɛ heya.”

1 Samoɛl 7:6

Ba bwa aa baa cheme Mispa la, ba dɔ nee dɛ fuɡe ta Korowii sie a baɡle wechɔɡa baa ɛa la saraha. Ba vɔwɛ nyoa tɔpebir la bwa, dɛ ŋɔ, “Ya ɛ wechɔɡa dɛ jo Korowii nɛ.” Mispa belaa Samoɛl do dɛ tɔ ba sie, dɛ bol bane ba bala waa dɛɛ tɛɛ ba.