Hosia 4:9 - mzwDBL

⁹ Gɛ maa dɛ ba nɛra la ɛɛ laanee mɛɛ ba he sɔfore ɡe ɛɛ. Men Korowii ɛɛ tɛr he bwa deŋnee, dɛ bɔ heyaa kem a wa.

Hosia 4:9 ပူးပေါင်းရင်းမြစ်များ

Sɛɡla 11:31

Nɛndɛɛɡa dɛ dɔ ba wedɛɛɡa kembɔr harɛ nɔ ta naa, ɡɛɛ wechɔɡ-ɛɛra baa wola Korowii ɔmɛ la, ɛɛ ba ba wechɔɡa kembɔr dɔe.

Sɛɡla 12:14

Nɛn kembɔr lɔ anɔ la waa bol ne o we-ɛɛle ta. Anee ɡela wɛɛ dɔ kwaa aa chɛo.

Sɛɡla 5:22

Nɛnchɔɡe wechɔɡa do kɛŋɔ bel dɛ tɛo, o dichɔɡaa dɛɛ lawɔ.

Aesaya 24:2

Gɛ webeŋkpoŋ nɔ ɛɛ pu nɛra ne ba sɔfore, bonɔɔna ne ba dɔɔranar, bonadiire ne yarawa ne banɔ la baa dɔa dɛɛ kemɛ nɛra, ne banɔ la baa laŋa kaa kemɛ, dɛ dɔɔhna ne nyaara.

Aesaya 3:10

Gel nɛra ba wa aa toɡra no kɛŋɔ aa do werii tɛɛ ba. Baa di ba we-ɛɛla tɔnɔɔ.

Jeremia 5:31

N keamere dɛ bol wa aa ɛ nyosone ɡbosoroo, sɔfore cheɡɛ ba kpeɡri ta dɛɛ nyiŋi harɛ la ta, kɛ n nɛra sie dɛ lɛ a ta. Anɔ bwa habɔɔ, ɛrɛɛ baa ba ɛɛ yɔ?’ ”

Ɛsekeɛl 44:10

Korowii ŋɔ n be ŋɔ, “Mɛɛ tɛr Lewi dea tena ba ne Israel tena aa le n habɔɔ dɛ kaa tomɛ voɡa la deŋnee.

Ɛsekeɛl 44:12

Baa tomɛ voɡa dɛ ɡel Israel tena ɛ wechɔɡa nomanta, n ir nɔn dɛ ŋwɛɛ kɛŋɔ a chɛ kɛ ba dɔ deŋnetɛra ba wechɔɡa la wa. Men Nemenɛ Korowiirii bola.

Hosia 1:4

Belaa Korowii ŋɔ Hosia be ŋɔ, “Kpɔ bwɛjen Jesreel sɔn pa he bie la. Aa biɡri ń ba tɛr Israel kooro deŋne, kpoe o naa Kooro Jehu aa kpoo nɛra Jesreel la wa, dɛ́ teŋe Jehu luɡe tena kora ta, Israel harɛ.

Hosia 10:10

Mɛɛ tɛr ba deŋnee, ásɛ harɛre ta nɛra pɛ dɛ́ ba tɛr ba deŋne ba wechɔɡa kohona la wa.

Hosia 12:2

Korowii ne Juda tena dɔɔ, wɛɛ tɛr Israel tena deŋnee ɡɛ ba wechɔɡa aa doa wa, dɛ́ bɔ ba kem ɡɛ ba we-ɛɛla aa doa.

Hosia 12:3

Ba nabaa Jekɔb ta aa lɔ o nya tea bini la, dɛ o lawɛ o kpar dɔŋ Esɔ nalume baa vuuɡi dɔŋa. Waa baa kpeɡ la, o ne Korowii su luɡe.

Hosia 7:2

Baa lii kɛŋɔ n jemɛ ba wechɔɡa baa dɛ ɛ la bwa. Ba wechɔɡa ɡwaa ba nɛ, a bwa chɔ n sie.

Hosia 8:13

Ba kpɔ kwaa ɛ saraha tɛ mɛ dɛɛ chwe a ola, men Korowii, n sie aa a ta lɛ. Mɛɛ lii ba wechɔɡa baa dɛ ɛ laanee, dɛ́ tɛr ba deŋne a wa. Baa berɔ kaa Ijipt harɛ ta.

Hosia 9:15

Korowii ŋɔ, “Ba nyubinikpeɡ la pa mun Gelɡal, belaa n le hah ba. Ba wechɔɡa nomanta, mɛɛ doŋ baa le n Dem. Maa ba waa nyin kpa, ba nomonome bwa ɛ deŋnekpeɡ tena.

Hosia 9:9

Ba nɛra sen yawa lɛ ba liire to, kɛŋɔ ɡɛ saŋ ba fa aa lɔ bwɛjen Gebea la. Korowii ɛɛ lii ba nyubinikpeɡ laanee, dɛ́ tɛr ba deŋne a wa.”

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Matiu 15:14

He bɛ ban dawɛ le! Ba ɛ nyoŋa baa dɛ tɔ nyoŋa sie. Nyoŋe lawɛ o dɔŋ nyoŋe daa aa, ba bwa dɛ le bɔɔ ta.”