Hosia 4:5 - mzwDBL

⁵ Chɔɔ ne jwaana bwaa hɛɛ lɔ na, he ne Korowii keamere bwa. Gɛɛ mɛɛ ba Israel waa ɛ he nya la chɔɡa.

Hosia 4:5 ပူးပေါင်းရင်းမြစ်များ

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Jeremia 15:8

Mɛɛ ɡeloo luhaahna warɛ harɛ la ta, dɛ́ ɡwaa mpo nyoa hɛŋle. Mɛɛ ɡeloo he dɔm ba chɔɡ bonɔɔna ne ba nyare webaŋkpelaa, ásɛ dɛ kpɔ bambiteŋa ne ɔmee kohona ba ta he nɛ.

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Jeremia 50:12

Kɛ sihiih ɛɛ kpo he bwɛjen Babelɔn tenaa, harɛ baa lolɛ heya o ta la ɛɛ di nchoo. Babelɔn harɛ ɛɛ do jeɡaa harɛre bwa binii, dɛ́ berɛ pua hɛŋle ɡbo harɛ, dɛ́ hol chɔ, nee kwara aa wola o taa do.

Ɛsekeɛl 14:3

“Nɛwɛnyini bie, baala nɔ bambile cheɡɛ voɡa ta aa kaa ba ne wechɔɡa ta. Ba dɛ lii kɛ mɛɛ chaŋ baa kɛɛ?

Hosia 2:2

Korowii ŋɔ Israel tena be ŋɔ, “N bii, hé soŋe he bala baa do kɛŋɔ haah o jwamane nomanta, n haah naa wola on ɛɛ, o ɡe jaa laa men la, ó ɡel o bannyin la, dɛ́ ɡel jwamanwaa la.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Hosia 5:5

Israel tena mbarafo ɛ danseɛ kɛ ba di bolchɔɡe. Ba wechɔɡa ɡelɔ ba lɔ naa dɛ chole, Juda tena ɡe ja ba nɛɛ lɔ naa dɛ chole.

Sekaria 11:8

Korobibeŋkpoŋ ɡbo ta, n doŋi peteɡra batoro bane baa hah mɛ. Peera la chwao le n be, n mee le a wa.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Galaasia 4:26

Haah waa wola yom ɛɛ la ɡe cheɡɔ tɛ Jerusalam la waa lɔ nyundua la. Onee ya nya nɔ,