Hosia 4:2 - mzwDBL

² Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 4:2 ပူးပေါင်းရင်းမြစ်များ

Mumpar 4:8

Belaa Keen ŋɔ o nime Ebel be ŋɔ bá la koo. Baa lɔ bela la, Ebel ne ŋɔ o jemɛ dɛ Keen lawɔ asɛ dɛ kpoo.

Aesaya 24:5

Harɛ ta nɛra siwi ta Korowii waa la sui, ba vɛh o Mmarare dɛ chɔɡ fɔo o ne baa fɔwa ó chɔ le saŋ bɛlbwa dɛɛ la, dɛ kpɔ doŋa kah harɛ.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Jeremia 51:5

Men Korowii, Koranar Bwa Kooro ta n nɛra Israel ne Juda tena vɛɛh. A lole kɛŋɔ ba ɛ wechɔɡa dɛ jo men Israel Nɛŋɡoroŋ la nɛ.

Jeremia 6:7

Gɛ nee yon bule dɛɛ le bule ta la, ɡɛɛ wechɔɡa le Jerusalam dɛɛ ba. Kwaa chɔɡa ne yoi ɡbɔɡa su o ta. Weela ne dɔŋa bola doe ɡboo mɛɛ na bobɛlbwa.

Wiile 4:13

Kɛ a ɡɛ waa nɔ wono chiɡ, dɛkalkɛ a cheɡɛ Korowii keamere ne o sɔfore wechɔɡa ta, nɛra baa wola wechɔɡa bɛlbwa ɛɛ serewe.

Ɛsekeɛl 7:23

Hé nyin jɔɡrɔre cheɡ, nɛŋkpoa ɡboo harɛ la bwa, yoi ɡboo bwɛjen la bwa.

Hosia 10:13

Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Hosia 10:4

Ba baɡɛ nyoo taeh, dɛ teŋe nyosone dɛɛ ŋwɛɛ ba ne nɛra pɛ vɔrɔwe wechɔɡa vɔrɔwa. Anomanta, kasinteŋ berɛ nyosone, kɛŋɔ koo baa parɔ kpɔɡchɔɡa ta che o ta.

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Hosia 12:14

Kɛ Israel tena ɡelɔ o baah di kohona, Korowii baa dɛ tomɛ ɛɛ ɡeloo ba wechɔɡa ɡure ba nɛ, dɛ́ bɔ ba kem waa baa ɛa wa.

Hosia 5:2

Deŋnekpeɡ ne nɛŋkpoa tena kohona, mɛɛ tɛr he bwa deŋnee.

Hosia 6:8

Nɛnchɔɡa ne nɛra baa dɛ kpoo nɛra ɡboo su bwɛjen Gelead bwa.

Hosia 6:9

Sɔfore la do kɛŋɔ ŋwɛɛra dɛ sɔh kpɔɡ bini. Ba dɛ kpoo nɛra Sɛkem ŋwɛnɛ ta, dɛɛ ɛ wechɔɡa aa ɛ sihihwaa bwa soo siwi.

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Hosia 7:3

Ba nyubinikpeɡ we-ɛɛla dɛ lɛ kooro sie, ba nomonome ɡe sie ɛɛ lɛ nyosone baa dɛ teŋe ta.

Hosia 7:4

Ba bwa dɛ bɔ jwamane, ba we-ɛɛla do kɛŋɔ fononoo bini nii nɛn waa dɛ wɔɔ paanoo aa kwaara do kohona, dɛ charame paanoo ka tel kɛŋɔ aa uɡa, dɛ kpɔ ka do fononoo bini la.

Maeka 3:2

he hah waa aa wera dɛɛ nyin wechɔɡa, he dɛ pee n nɛra ola ne ba bɔtɔne kɛŋɔ kpɔɡ bini olchɔɡa.

Maeka 3:9

Hé no, Israel sitɔɔla, he hah waa aa toɡra, dɛɛ berɛ waa aa ɛ kasinteŋ sie.

Maeka 6:10

Mɛɛ won soh he nyubinikpeɡ tena kondɔɔh haa cheɡa ka su deene, ne kwaa haa kpɔa maɡɛ kwaa dɛɛ faah nɛra n haah la wa aa?

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Sefania 3:1

Bwɛjen baa dɛ do ba nɛra hɔhɔrɔwa, dɛ ɛ deŋnekpeɡ tena dɛɛ ɛ wedoŋa la, ó bwɛɛlɛ!

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

Sekaria 7:9

ń bol o nɛra be ŋɔ “Hɛ́ɛ nyiŋi dɔŋa nɛɛ kasinteŋ ne, dɛ́ dɔ tedoma dɛɛ tɛ dɔŋa dɛɛ ɛ wedɛɛɡa.

Matiu 23:35

Anomanta, nɛndɛɛɡa baa nya ba nɛɛ dɛ kpoo ba la, dɛ́ le kpoe baa kpo Ebel waa wola wechɔɡa bɛlbwa ɛɛ la, ka tel kpoe baa kpo Bɛrekea bie Sekaria Korowii Dea la, ne bela baa kpoo kwaa dɛɛ tɛo la baah ta bela la, ba bwa waa ɛɛ ɡure he nɛɛ.

We-ɛɛla 7:52

Korowii keamere la bini ume nɛɛ he naawa aa wola cheɡɛ dɛ ɛo saɡasaɡa nɔ? Ba ta nɛra Korowii aa toma ŋɔ bá ba bol o Bonɔɔ la bala waa la kpooraa? Waa bala la, he ɡe ta on yoɡe dɛ kpoo wa aa?

Mmarare 5:11

He bɛ men Korowii haa dɛ tom mɛ nɔ dɛɛ ŋwɛɛ wesale bɛlbwa ta. Mɛɛ tɛr naate waa dɛ ŋwɛɛ mɛ ɡɛ la deŋnee.

Mmarare 5:18

He bɛ jwamane dɛɛ bɔ.

Mmarare 5:19

He bɛ dɛɛ ŋwɛ.

1 Tesalonika 2:15

Juu tena nɔɔ kpo ya Dɔɔ Yeesu Kristo ne Korowii keamere la, dɛ hah yaa, dɛ doŋi yaa la. Gɛ nɛnchɔɡa nɔ aa Korowii siwi su. Ba ɛ nɛra bwa dɔm,

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.