Hosia 4:16 - mzwDBL

¹⁶ Israel tena deŋne kpeɡri, kɛŋɔ naneenanar a deŋne aa kpeɡa ken. Ɛrɛɛ men Korowii ɛɛ ba wona kpɔa la dibɔr kɛŋɔ baa teɡɛ pebiiri dɛɛ la dibɔr ɔ?

Hosia 4:16 ပူးပေါင်းရင်းမြစ်များ

Yela 78:8

Baa doe ba kɛŋɔ ba naawa, ba ɛ bambikpeɡ tena ne nɛra baa wola waa bu. Baa ba te kpɔe dɛɛ dawɛ Korowii nɛɛ kɛrɛdɛ, ba waa ta kasinteŋ dɔe tɛo.

Aesaya 22:18

Wɛɛ keerii kɛŋɔ bɔɔl ken, dɛ́ kpɔe ta harɛ waa paɡa ta. Belaa hɛɛ ba sewa, belaa he laa torɔɡore haa dɛ che a bini, dɛ kpɔ dɛɛ nyin sɔn la ɛɛ ba kae. Sihiih ɛɛ kpo he nomoa he waa.

Aesaya 30:23

Korowii ɛɛ nɛ bwaalaa do kwaa haa dua ta, ásɛ a do wer dɛ́ ɛ kɛrɛdɛ. He kondɛɛra ɛɛ dɔ bɔr waa kanaa dɛɛ di.

Aesaya 5:17

Peera ɛɛ chwe kpɔɡa bwɛɛ la dimɡbia taa. Bela ɛɛ berɛ pebiiri dibɔree.

Jeremia 14:7

N nɛra wio dɛɛ noo mɛ dɛ ŋɔ, ‘N Naa Korowii, a lole kɛŋɔ ya wechɔɡa ɡelɔ ya di bolchɔɡe, koh he sɔndɛɛɡe la wa dɛ́ cha yaa. Dɛkalkɛ ya ɛ wechɔɡa dɛ jo he nɛ, dɛ berɛ habɔɔ kpoe kohona.

Jeremia 3:11

Korowii berɔ ŋɔ n be ŋɔ, “A lole kɛŋɔ Israel bɔ jwamane te, kɛ o waa toɡrɔ dɛ ɡwaa Juda.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Jeremia 31:18

N no n nɛra Israel tena suna wii baa dɛ wi, ‘N Naa Korowii, ya do kɛŋɔ kondɛɛre waa kpaŋa ken, kɛ he baɡle yaa ŋɔ yaa teŋɛ he waa ta. Berɛ lawɛ yaa ba he be, ya dɛ kpa kɛ he berɛ lawɛ yaa ba he be, dɛkalkɛ henee Korowii yaa dɛ tomɛ.

Jeremia 5:6

Anomanta, nyujente ɛɛ le kpɔɡ binii dɛ́ ba kpoo ba, ɡboli le pua hɛŋle ɡbo harɛ ta dɛ́ ba toɡri ba ola. Ásɛ noniete ba chɔ ba bwɛɛ dahare, dɛ́ toɡri nomɛlbwa waa le ola, dɛkalkɛ ba wechɔɡa kan, ba habɔɔ bera dɛ́ kpo Korowii ɡe ɡwaa.

Jeremia 7:24

Kɛ ba ta deŋne cheɡɛ dɛ no n be, dɛ teŋɛ ba deŋnekpeɡ ne wechɔɡa we-ɛɛla aa lɔ ba bini la ta, dɛ chɔɡ ba te kwaraa.

Jeremia 8:5

Bɔkwa waa bala nɛra nɔ berɛ habɔɔ kpo mɛ nɔɔ? Ɛrɛɛ saŋ bɛlbwa Jerusalam tena ɛɛ le habɔɔ nɔɔ? Ba sie ta dɛ lɛ waa aa ɛ nyosone ta, baa nyin kɛ bá berɛ ba n be.

Hosia 10:11

Israel tena do kɛŋɔ nalor baa baɡlo mea lɔe, o sie ɛɛ lɛ a ta. Anomanta, mɛɛ kpɔ daa dawɛ o baŋa ta wɛɛ parɛ. Mɛɛ teŋɛ Israel tena nɛɛ ásɛ Juda tena ɛɛ parɛ. Israel tena bwa ɡe ɛɛ buɡli harɛ.

Hosia 11:6

Ba dɔma ɛɛ ba yoo ba laa ba bwɛjena taa, ásɛ dɛ kuuɡi bune baa kpɔa kaɡre ba doonyoo, á ɡel waa baa dɛ vɔrɔwe bwa ba a jaɡa.

Hosia 11:7

N nɛra siwi beɡrɔ kɛ bá berɛ habɔɔ kpo mɛ. Baa wiu, dɛkalkɛ wejena dawɛ ba nɛ, kɛ nomɛlbwa aa laa kpɔ ba nɛ.

Lewi Dea Tena 26:33

Kɛ he te, mɛɛ ɡeloo he peɡre, dɛ́ ka so nɛra bane harɛre ta. Laa nee mɛɛ ba heyaa doŋa, ásɛ dɛ paɡre he bwɛjena a berɛ dimɡbeeni.

Sekaria 7:11

Kɛ n nɛra ɛ deŋnekpeɡ dɛ vɛh noe, dɛ berɛ habɔɔ kpo mɛ, dɛ kuuɡi kwaa tɔ deŋne.

1 Samoɛl 15:11

“A dɛ we n nɛɛ kɛ maa cheɡ Sɔɔl kooro, dɛkalkɛŋɔ o ta n waa ta teŋɛ dɛ vɛɛh mɛ.” Samoɛl liire chɔɡ ɡɛ waa nɔ waa kɛrɛdɛ, asɛ o wi no Korowii awola jwaana la bwa.