Hosia 4:15 - mzwDBL

¹⁵ A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 4:15 ပူးပေါင်းရင်းမြစ်များ

2 Webena 17:4

O tomɛ Korowii o mɛɛ aa toma la, dɛ teŋɛ waa waa doo ta. O ta waa Israel koranar aa ɛa ta teŋɛ.

2 Webena 21:11

Hale o kwaa bɔra Juda harɛ deŋɡarere ta baa tomɛ voɡa, a che a ta Juda ne Jerusalam tena ɛ wechɔɡa, dɛ jo Korowii nɛ.

Aesaya 48:1

Korowii ŋɔ, “Hé no, Jekɔb naanar baa bera dɛɛ yerɛ heyaa Israel tena he le Juda dea, he dɛ ŋwɛɛ men Korowii sɔn, dɛɛ ɛ kɛŋɔ he dɛ tomɛ Korowii Israel tena aa dɛ tomɔ la, kɛ haa waa haa dɛ bol la ɛ.

Jeremia 44:26

He Juu tena haa soɡe Ijipt bwa, hé no waa Korowii aa dɛ bol ŋɔ o ŋwɛɛ o ɡbaɡba sɔn waa kana kɛŋɔ Juu te bɛlbwa waa soɡe Ijipt harɛ ta bobɛlbwa aa won yerɛ o sɔn ŋwɛɛ ŋɔ, ‘N ŋwɛɛ Nemenɛ Korowii waa lole.’ ”

Jeremia 5:2

A lole kɛ ba ŋɔ ba dɛ tomɛ men Korowii, kɛ ba teŋe nyosone dɛɛ ŋwɛɛ n sɔn ta.”

Ɛsekeɛl 20:39

Nemenɛ Korowii ŋɔ, “Israel tena, hé dɛ nyin kaala ka tomɛ he voɡare aa, hé kaa. Kɛ n dɛ ŋɔ he be ŋɔ a habɔɔ la, hɛɛ baa teŋɛ n waa taa dɛ́ ɡel sarahare ka ɛɛ he voɡare ta, dɛɛ chɔɡ n sɔn waa do ɡoroŋ, dɛɛ duu mɛ.

Hosia 10:5

Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 10:8

Voɡa aa lɔ bwea dor bwɛjen Bɛt Avɛn, bela Israel tena aa dɛ tomɛ voɡa la, dɛ ba chɔɡa. Sɔɔhne ne jabalnadaŋɛre ɛɛ leo tɔ kwaa baa dɛ ɛ saraha a ta dɛɛ tɛ ba voɡa bwa. Ásɛ ba ŋɔ bwejena ne deŋɡarere be ŋɔ, “Hé choɡli tɔ ya nɛ.”

Hosia 11:12

Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 12:11

Ane a bwa, Gelead tena dɛ tomɛ voɡa. Banɔ la baa dɛ tomɛ voɡa la ɛɛ serewoo. Ba dɛ kpoo nabala dɛɛ ɛ saraha Gelɡal. Kwaa baa dɛ ɛ sarahare a ta la, ɛɛ chɔɡoo kɛŋɔ bwea aa dawɛ dɔŋa nɛɛ harɛ baa parɔ ta.”

Hosia 12:12

Ya nabaa Jekɔb chwao kaa Mɛsopoteemea harɛ ta. Waa dɛ nyin haah dɛ́ mo la, o kaa teɡɛ baa bɛl peera.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Hosia 9:15

Korowii ŋɔ, “Ba nyubinikpeɡ la pa mun Gelɡal, belaa n le hah ba. Ba wechɔɡa nomanta, mɛɛ doŋ baa le n Dem. Maa ba waa nyin kpa, ba nomonome bwa ɛ deŋnekpeɡ tena.

Emɔs 4:4

Korowii ŋɔ, “Israel tena, he dɛ nyin aa, hé ir kaa Bɛtel, bela haa dɛ tom mɛ la, ka ɛ wechɔɡa. Hé kaa Gelɡal ɡe ka ɛ wechɔɡa kohona. Hé kpɔ saraha kwaa kaa tɛ chɔɔ bɛlbwa, dɛ́ bɔne kwaa haa dɔa bini bɔre fi, dɛ́ kpɔ bɔrbeŋkpoŋ kaa tɛ tɔpera atoro bɛlbwa.

Emɔs 5:5

He bɛ Bɛtel la ka tom mɛ, he bɛ Gelɡal la, he bɛ Beɛseeba ɡba la. Kasinteŋ, baa lawɛ Gelɡal tena laa taa kaa bojaŋ harɛ ta, ásɛ Bɛtel paɡre kwaraa.”

Emɔs 6:10

Nɛra baa serewa la lole bɛl ɛɛ bao, dɛ́ ba pa lala la le dem bela, dɛ́ bɔɔ nomɛlbwa waa ka dem bela ŋɔ, “Nomɛl ta lɔ he be bonɔ kɛɛ?” Ásɛ taa bɛl chaŋe ŋɔ “Ɔɔhɔh!” Ásɛ lole la ŋɔ, “Hel! Ya nyiŋi kɛrɛdɛ dɛ bɛ Korowii sɔn yerɛ.”

Emɔs 8:14

Banɔ la baa dɛɛ ŋwɛɛ Samaria voɡa, kɛɛ dɛɛ ŋwɛɛ Dan dea voɡ, kɛɛ voɡ waa lɔ Beɛseeba bwa dɛ́ ba choɡla, baa wola won ir kpa.”

Ɛfesos 5:11

ásɛ dɛ ɡel biro bini waa ɛɛ. A ta tɔnɔ dɔe. Hé le a ne baŋ, ásɛ nɛra jemɛ ɡɛ aa doa.

Josua 5:9

Asɛ Korowii ŋɔ Josua be ŋɔ, “N laa yoma haa ɛa Ijipt harɛ ta la sihiih kpɔ he sie ta fini.” Anomanta, ba dɛ yerɛ bela Gelɡal dɛ ba le fini.

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.