Hosia 3:5 - mzwDBL

⁵ Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Hosia 3:5 ပူးပေါင်းရင်းမြစ်များ

1 Koranar 12:16

Nɛra baa ja Kooro Jɛroboam nɛ aa naa kɛŋɔ kooro la ta ba waa la ta noɛ la, ba ŋɔ o be ŋɔ, “Ya ne Kooro Devid naanar toole wobɛlbwa bini. Bɔkwaa ba ɛ tɛ yaa bwa nɔ? Ya bala Israel tena, hé ɡel ya kaa dem. Hé ɡel Kooro Rɛhoboam di o kora.” Gɛɛ a do Israel tena pa mun ɛo deŋnekpeɡ, dɛ bwa kaa ba deremi.

Aesaya 17:7

Awola tɔpere la, nɛwɛnyina bwa ɛɛ kpɔ sie dawɛ Korowii nɛ. Onee Israel Nɛŋɡoroŋ waa ta ba baa tomɔ.

Aesaya 2:2

Tɔpere bɛl dɛ ba ásɛ bwe Korowii Dea aa chɔŋɛ o ta Jerusalam la waa ba hiah ɡwaa bwea bwa, ásɛ o sɔn le bwea bwa bini, ásɛ harɛre nɛra warɛ dɛ́ ba o ta.

Aesaya 2:3

Nɛra ɛɛ warɔɔ dɛ́ ka ŋɔ, “Hé ba ya kaa Korowii Saayɔn Bwejen la doa Jerusalam, Korowii Jekɔb aa tomɔ la Dea. Wɛɛ baɡle yaa o ŋwɛnɛree, ásɛ yaa valɛ o webaɡla ta.” Saayɔn Bwejen taa o Mmarare ɛɛ ba lee, bá bol baɡle o nɛra Jerusalam bela.

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Aesaya 9:13

Israel tena la ta ba liire charɛ ba deŋnetɛra la habɔɔ, á ba ɛ kɛŋɔ baa nyin Nemenɛ Korowii bɔree.

Jeremia 23:5

Korowii ŋɔ, “Tɔpera ane dɛ ba ásɛ n ɡel Kooro Devid naa o wa aa toɡra, dɛ do kɛŋɔ Daa Kpale ba, dɛ́ ba di kora. O balaa, wɛɛ che wejema taa nyiŋi ba nɛ, dɛɛ ɛ waa aa wera harɛ la bwa ta.

Jeremia 30:24

Korowii bandia waa do ɔma la nyoa aa won sɔɔh, atane o tonɛ o bambile bini wa. Tɔpera ane ta dɛ ba mɔɔ, ásɛ n nɛra won no waa nɔ mun.

Jeremia 30:9

Baa tomɛ men Korowii baa dɛ tom mɛ laanee, ne Kooro Devid naa maa leo tɛɛ ba, wɛɛ di kora ba nɛɛ la.

Jeremia 33:17

Anomanta, kenii Korowii ɛɛ bol, “Kooro Devid naa ɛɛ do le saŋ bɛlbwaa dɛɛ di kora Israel harɛ,

Jeremia 33:9

Ásɛ a che bwɛjen Jerusalam nɛra nɛ n dɔ silɛɛ ne jirima dɛ duure, ásɛ harɛre nɛra bwa ɔmɛ dɛɛ chel, wedɛɛɡa maa ɛa tɛ Jerusalam tena, ne ɡɛ maa ɡela ba wobɛlbwa do wer tɛɛ ba la wa.”

Ɛsekeɛl 16:63

Mɛɛ kpɔ waa haa ɛa bwaa kɛɛ, kɛ hɛɛ ba liiraa, ásɛ sihiih kpoe kohona he pili nyoa kahonɛ.” Nemenɛ Korowiirii bola.

Ɛsekeɛl 38:16

Hɛɛ ba tɔ n nɛra Israel tena nɛɛ kɛŋɔ bam yon tɔ harɛ ta la. Awola tɔpere la, mɛɛ ɡeloo hen nomonjen Gɔɡ ba yo n nɛra Israel tena, ásɛ harɛre ta nɛra jem mɛ, maa ba che he nɛɛ dɛ́ baɡle kɛŋɔ n do ɡoroŋ ba siwi ta la.

Ɛsekeɛl 38:8

Bene ane habɔɔ la, mɛɛ ɡeloo o nyin dɔmkwa, dɛ́ ka bar Israel harɛ ba fa aa yoo o chɔ pɛɛ la. O nɛraa ba boa ba nyoa le harɛre ta, ba ba so deŋnesɔɔhna ta la.

Daneɛl 10:14

Taraken, n balɔ dɛ́ ɡel he jemɛ waa aa dɛ ba he harɛ ta nɛra nɛɛ chiɡa kerekere, dɛkalkɛ ɡɛ wepila nɔ cheɡɔ tɛ waane a ta aa dɛ ba saŋ bɛl.”

Daneɛl 2:28

Kɛ Korowii Waa Dɛ Di Kora Nyundua lole dɛ́ won pili waa aa sɔah bini. Waa aa dɛ ba chiɡa kerekeree o kpɔ baɡle hen n naa Kooro Nebukadnesa la. He deera ne wepila haa chɔa dɛ na laanee teŋa nɔ.

Hosia 1:11

Juda ne Israel tena ɛɛ berɔ pɛ, ásɛ dɛ le nɛmbeŋkpoŋ ó ɛ ba sitɔɔ. Ba harɛ la ɛɛ do werii ba dɔ ba te, awola ɛɛ ɛ tɔpejenii tɛ Jesreel tena.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.

Hosia 5:15

Ásɛ n berɛ kaa n buɡ ta bela maa lole ka tel kɛŋɔ baa sɛh ba chɔɡre. Baa dɛɛ nyin n sie dɛ na, ásɛ a noo ba aa, bá ɡaaɡe n bɔr sibeɡra ne.”

Hosia 5:6

Ba kpɔ ba peera ne nae ɛ saraha dɛɛ nyin men Korowii bɔr aa, baa men na. N laa n te kpɔ ba nɛ.

Hosia 6:1

Israel tena berɔ ŋɔ, “Hé ɡel ya berɛ kaa Korowii be. Onee toɡri ya ola, wɛɛ berɔ chah yaa. O do yaa bola, kɛ wɛɛ vɔrɔwe ya ŋwɛraa.

Emɔs 9:11

Korowii ŋɔ, “Tɔpere bɛl dɛ ba ásɛ n berɛ kwaa cheɡ Kooro Devid kora waa ɡua la. Mɛɛ kwaaroo vɔrɔwe bɔra aa paɡra ne dimɡbeeni bwa, dɛ́ kwaa maa a do ɡɛ a fa aa doa wubwa la,

Maeka 4:1

Tɔpera ane dɛ ba, ásɛ Korowii Bwejen Dea aa chɔŋɛ o ta la do jaŋne ɡwaa bwejena bwa. Wɛɛ kpeɡuu ɡwaa deŋɡarere bwa, ásɛ nɛra warɛ le harɛre ta dɛɛ ba o ta.

Nɛra Kura 24:14

Taraken n berɔ dɛɛ kaa n nɛra be, kɛ ɡel ń ŋɔ he be waa Israel tena aa dɛ́ ba kpɔe ɛ he nɛra kerekere.”

Tɔn Pɔɔl Aa Chwerɛ Rom Tena 11:25

Yabala, wesɔɔhla anee mɛɛ nyin kɛ he jemɛ, ásɛ dɛ jemɛ kɛŋɔ wobɛlbwa laa he den jemɛ. Anee kɛŋɔ Israel tena nɔ bane deŋnekpeɡ baa dɛ ɛ nɔ, ken laa aa ba kae. Nɛra baa wola Israel tena ɛɛ Korowii ɛɛ nyin kɛ o lɛɛ ba la, ba tel ɡɛ del waa dɛ nyin la aa, Israel tena ɛɛ ɡel ba deŋnekpeɡ nɔɔ.

Tɔn Pɔɔl Aa Chwerɛ Rom Tena 2:4

Waa nɔ bwaa Korowii ta tea dɛɛ ɛ heya, dɛɛ tɛ heyaa sisɔna dɛɛ lawɛ bambile nɔ bwa, ásɛ he charɛ he liire dɛ́ le he wechɔɡa ta. Kɛ haa o wedɛɛɡa nɔ bu, dɛɛ nyiŋa pɛɛ.

Mmarare 4:30

Dɛ ɡɛ wahala nɔ bwa ba he nɛ aa, he siwi ɛɛ beɡroo ásɛ he ba Korowii be dɛ́ baa duuru.