Hosia 3:4 - mzwDBL

⁴ Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Hosia 3:4 ပူးပေါင်းရင်းမြစ်များ

Mumpar 31:19

Laban kaa o peera pona fona, asɛ Rakɛl ŋwɛ ba dem voɡa aa lɔ o mɛɛ be.

Mumpar 31:34

Ajaah dɛ onee kpɔa do kon baa kpɔa dawɛ nyoɡma ta dɛɛ so o ta la lɔɡa dɛ so a ta. Dɛ Laban kaa nyiŋi o dea kɛ o ta an nae.

Mumpar 49:10

Koodaŋɡbala aa o nɔn ta lee ba, mmarare doe ɡe aa o habɔɔ le, ásɛ harɛre nɛra kpɔ koŋkɛɛla baa tɛo, dɛ́ ba ɡuŋi o sie dɛɛ duuru.

2 Samoɛl 6:14

Dɛ Kooro Devid do sɔfo batakaarebora efɔd baa kpɔ yapondɛɛɡe nyarɔ, dɛɛ sa silɛɛ bwa ne Korowii sie o bokpeɡa bwa ne,

2 Koranar 23:24

Waa aa jaa laanee kɛŋɔ, Kooro Josia le nɛra baa dɛ yerɛ lala, ne tɛɛɡa tena ne deremi voɡa, dɛ voɡa baa ɛa cheɡ, dɛ kii kwaa waa naa Juda harɛ ta ne Jerusalam bwa ne. Gɛ aa ɛ ásɛ tɔn waa nyoɡre Korowii Dea sɔfo Hilkia ka nao la waa won ɛ kasinteŋ.

2 Webena 15:2

asɛ o le ka cheme Kooro Asa, dɛ ŋɔ o be ŋɔ, “N naa Kooro Asa ne Juda dɛ Bɛnjamen deene nɛra bwa, hé no n be. Dɛ Korowii waa lɔ he bambile ta naa, wɛɛ ja he nɛɛ. He dɛ nyin o bɔr aa, wɛɛ ɡeloo he nao, kɛ dɛ he berɛ habɔɔ kpoo waa, o ɡe ɛɛ vɛh heyaa.

Kaala 28:4

Laala haa nyarɛ laanee, kon waa dawɛ o bambile ta ne batakaarebora, ne batakaarejaŋ ne onɔ la baa sɔɔh ó do mun ta, ne yal baa kpɔ vɔwɛ nyu dɛ kiriso waa kpɔ dɛɛ vɔwɛ chara. Gɛ laala aa do ɡoroŋ nɔɔ baa ba nyara tɛ he dɔɔ Arɔn ne o bibaala, ásɛ ba ɛ toma dɛɛ tɛ mɛ kɛ sɔfore.

Kaala 28:6

Batakaarebora efɔd la, ɡel nɛn waa dɔ kwaa ɛɛ wejema kpɔ suuɡaswɛm, dɛ́ berɛ kpɔ jiseburum ne jisekɔl ne jiseswɛm ne jisepondɛɛɡe ɛo.

Wiile 2:9

Bwɛjen la doonyojena choɡlo dɛ huɡe harɛ, bune baa kpɔa dɛɛ kaɡra ɡe kuuɡi dɛ chɔɡ. Ba lawɛ o koranar ne nomonjena bwa laa ta kaa harɛfala ta. Sɔfore aa nɛra Korowii waa baɡle, asɛ Korowii keamere ɡe aa won wepila na dɛɛ le Korowii be kpa.

Ɛsekeɛl 19:14

Nii le o kpale la bɛl ta dɛ fuh o ne o nɔna la bwa. Daa la kpale bɛlbwa toole dɛ do kpeɡri bá kpɔ ɛ koodaŋɡbala kpa.’ Wii aa chɛ kɛŋɔ bá wi laanee la.”

Ɛsekeɛl 20:32

He ɛ he liire kɛŋɔ he fee do ɡɛ harɛre nɛra bane aa doa, dɛɛ tomɛ voɡa baa kpɔ daa ne bwea ɛa. Aa ɡɛɛ maɡre.

Ɛsekeɛl 21:21

Babelɔn kooro cheɡɛ ŋwɛnɛ chɛchɛre la ta, dɛ kpɔ o hɛma bil daa, dɛ́ jemɛ ŋwɛnɛ waa kpɔ o ta. O kpɔ o voɡa bil dɛ kpɔ kondɛɛre waa kpoa pwɛ dɛɛ nyiŋi o ta.

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Daneɛl 11:31

Wɛɛ ɡeloo o laa tena kpɔ doŋa kah Korowii Dea dekpeɡ la, dɛ́ ɡel ba ɡel sarahare baa dɛ ɛa tɔpere bɛlbwa la, ásɛ dɛ kpɔ konchɔɡechɔɡe waa dɛ paɡre bwɛɛ la pa.

Daneɛl 12:11

Le ɡɛ saŋ baa ɡel tɔpere bɛlbwa sarahare ɛɛ, dɛ́ kpɔ konchɔɡechɔɡe waa dɛ paɡre bwɛɛ la pa la ɛɛ ɛ tɔpera kaɡboŋ lafraanɛ fifraanuanaarɛɛ.

Daneɛl 9:27

Nomoa la ne nɛra baa wara ɛɛ fɔwɛ fɔwee bene anuanɛ. Bene anuanɛ la baah ta la, wɛɛ ɡeloo ba ɡel kwaa baa kpoora dɛɛ ɛ saraha, ne koŋkɛɛla baa dɛ ba a ne Korowii Dea la ne bala. Ásɛ o kpɔ konchɔɡechɔɡe waa dɛ paɡre bwɛɛ la ka pa Korowii Dea doa bobɛl waa do jaŋne kaa nyundua, ásɛ o do bela ka tel kɛŋɔ chɔɡa aa dɛ ba o nɛɛ bala aa bala, ɡɛ Korowii aa bola la.”

Hosia 13:10

Hé ŋɔ ń tɛ heyaa kooro ne nomonome, asɛ n tɛ heya, kɛ ɛrɛɛ baa ba wona lɛ heya ɔ?

Hosia 13:11

Bandia nee n tɛ heyaa kooro, dɛ berɛ che bandia ta dɛ le o ne.

Hosia 2:11

Mɛɛ ɡeloo o tɔpejena dii ba a jaɡa. Benanyoa ne Korobifala Tɔpejena, ne Ona Tɔpera dii dɛ tɔpejena waa lea cheɡ bwa.

Lewi Dea Tena 8:7

Dɛ kpɔ batakaare baa dɛ doo mun ta ne onjaŋ la do Arɔn, dɛ kpɔ o kiriso vɔwɛ o chara. Dɛ berɛ kpɔ batakaarebora efɔd la doo, dɛ lawɛ kon baa nyarɔ kwaa do o ta kɛrɛdɛ, dɛ do batakaarebora efɔd la nyoo la vɔwɛ Arɔn chara a che kɛrɛdɛ.

Sekaria 10:2

Voɡa dɛ teŋe nyosone, voɡra waa baa dɛ na ɛ nyosone, deera mun baa dɛ baɡle la ta kasinteŋ ɛɛ, bolarawa baa kpɔa dɛɛ tɛ nɛra ɛ wesale. Anomanta, ba ɡelɔ nɛra nyoɡre kɛŋɔ peera aa wola teɡre dɔe, asɛ nɛra ɛɛ fiɡ ba.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Amanesoma Luk Aa Chwera Tɔn 21:24

Baa kpɔ kerii kpoo bane, ásɛ dɛ larawe bane dɛ́ kpɔ ba kaa harɛ nɔ ta bobɛlbwa, ásɛ nɛra baa wola Juu tena ɛɛ ɛ Jerusalam bwa posaposa ken ka tel kɛŋɔ ba ɡe saŋ aa ba kaa.

Amanesoma Jɔn Aa Chwera Tɔn 19:15

Anee ba nyɛɡ kohona ŋɔ, “Gel ba kpoo! Gel ba kpaaro pɛl daɡaɡre ta!” Asɛ Paelet bɔɔ ba ŋɔ, “He kooro ɡbabirii he ŋɔ ń ɡel ba kpaaro pɛl daɡaɡre ta naa?” Anee Sɔfonomonome la chaŋo ŋɔ, “Ya ta kooro bɛlbwa dɔe ka ja Koojen Siisa nɛ!”

Hibru 10:26

Korowii aa pili ya sie ya jemɛ o kasinteŋ nɔ, dɛ ya ta saahnɔ do wechɔɡa ta dɛɛ ɛ aa, saraha bɛlbwa toole bobɛlbwa dɛ fee ya wechɔɡa ya nɛɛ kpa.

Sitɔɔla 17:5

Dɛ Maeka nɔ dɔ voɡ dea, asɛ o ɛ batakaarebora kɛŋɔ sɔfo batakaare baa dɛ yerɔ efɔd la ken ne voɡa ane, dɛ kpɔ o bibaala la bɛl ɛ o kerekpoŋri.

Sitɔɔla 18:14

Baala banue baa laŋa ka sɔh nyiŋi Lais harɛ la ŋɔ ba bala laa tena la be ŋɔ, “Hé jemɔ kɛŋɔ batakaarebora waa do kɛŋɔ efɔd ne dem voɡare baa sɛah kɛɛ dɛ loɡa lɔ deremi nɔ bɛl ta naa? Ɛrɛɛ chɛ kɛ yá ɛɔ?”

Sitɔɔla 8:27

Gedeɔn kpɔ suuɡaswɛm la ɛ voɡ dɛ kpɔ cheɡ o bwɛɛ Ofra. Israel tena la bwa berɔ vɛh Korowii toma, dɛ ka tomɛ voɡ la, asɛ o ɛ bel dɛ chɔ kpa Gedeɔn ne o dem tena.

1 Samoɛl 14:3

dɛ sɔfo Ahija do sɔfo batakaarebora efɔd dɛ ja ba nɛ. Baa bɛl waa ɛ Ikabod dɔɔ Ahitub biee on, Ahitub ɡe mɛɛ Fenehas. Ahitub nabaalee Sɔfo Eli, dɛ o lɔ Korowii sie dɛɛ tomɔ Silo. Dɛ nomɛlbwa aa jemɛ kɛŋɔ Jonatan le ba bini kaa.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

1 Samoɛl 21:9

Sɔfo la chaŋo ŋɔ, “Goliat waa ɛ Filisti te he kpoo Ɛla Fɛlembɔjen bini la kere lɔ n be bonɔ. Ba kpɔ yal fɔrɔwo o tel sɔfo batakaarebora efɔd la habɔɔ. He dɛ nyin aa, he ka kpɔ. Kere bɛlbwa toole bonɔ ka ja o nɛɛ kpa.” Ate Devid ŋɔ, “Keredɛɛɡe toole bobɛlbwa, kpɔ tɛ mɛ.”

1 Samoɛl 22:18

Ate, kooro berɛ ŋɔ Doeɡ waa le Edom la be ŋɔ, “Berɛ he te, dɛ́ kpoo sɔfore nɔ.” Anomanta, o berɛ o te dɛ kpoo ba. O kpoo sɔfore fifraanuatoro dɛ banue baa do sɔfo batakaarebori efɔd baa kpɔ yapondɛɛɡa ɛa.

1 Samoɛl 23:6

Dɛ Abiata waa ɛ sɔfo Ahemɛlɛk bibaala la kpɔ sɔfo batakaarebora efɔd la kpoŋe ɡɛ saŋ waa chwaa ba Devid be Keila la.

1 Samoɛl 23:9

Devid aa naa kɛŋɔ Kooro Sɔɔl dɛ vɔrɔwe o kpoe waa la, o ŋɔ sɔfo Abiata be ŋɔ, “Kpɔ sɔfo batakaarebora efɔd la ba tɛ mɛ, ásɛ ya bɔɔ le Korowii be ɡɛ yaa ɛ.”

1 Samoɛl 30:7

Ate, Devid ŋɔ Ahemɛlɛk bibaa Abiata waa ɛ sɔfo la be ŋɔ, “Kpɔ sɔfore batakaarebora efɔd la ba tɛ mɛ, ásɛ n bɔɔ le Korowii be.” Asɛ o kpɔ ba tɛo.