Hosia 2:8 - mzwDBL

⁸ O ɡbabir ta liire kɛŋɔ menee tɛo kwaa kɛŋɔ mea, senfala ne ɔleve no, ne suuɡapoŋa dɛ suuɡaswɛm kohona, o kpɔ kaa tomɛ voɡ Baal la.

Hosia 2:8 ပူးပေါင်းရင်းမြစ်များ

1 Webena 29:16

N Naa Korowii yaa dɛ tomɛ, he sɔn waa do ɡoroŋ la waa ya kpɔ kondamanta nɔ bwa tɛ ŋɔ bá kpɔ do he Dea, he bee a bwa le, henee dɔ a bwa.

Job Tɔn 19:8

Korowii tɔ mɛ ŋwɛnɛ, n ta bɔr dɔe dɛ́ kpɔ, o ɡelɔ n ka biro ta dɛɛ nyin bɔr dɛ kaa.

Aesaya 1:3

Nao jemɛ o dɔɔ, asɛ keeɡo jemɛ kon o dɔɔ aa kpɔ kondikwaa do o bini dɛɛ tɛo. Kɛ n nɛra Israel tena te aa men jemɛ, baa waa mun no.”

Aesaya 46:6

Bane fuɡe suuɡaswɛm ne suuɡapoŋa le pure bini, dɛ kpɔa dawɛ kon baa kpɔa dɛɛ kari kwaa ta. Ba kpɔa tɛ nɛn waa dɔ suuɡaswɛm kpɔe dɛ ɛ kwaa wejema o kpɔ kwaa voɡ, asɛ ba ɡuŋi dɛɛ tomɔ.

Jeremia 7:18

Ba bechale cheɡɛ damara ba bil, ba mɛɛnanar ɛɛ mar nii, asɛ haahna kpɔ noo koo men ta, dɛ charama dɛ wɔɔra kɛŋɔ paanoo, dɛɛ tɛ ba voɡ baa dɛ yerɔ Nyundua Haŋkooro la. Ba berɔ fuɡe sen dɛ kpɔ ɛ sarahare tɛ voɡare ane ɡe, dɛ kpɔ dɛɛ muɡli n baah.

Ɛsekeɛl 23:41

Ba yon so kane aa wera ta, asɛ teebur che ba sie, ba kpɔ daawiile a sɔɔh aa soma, ne ɔleve noo aa ɛ n kwaa la chɔŋɛ o ta.

Daneɛl 3:1

A habɔɔ la, Kooro Nebukadnesa ɡelɔ ba kpɔ suuɡaswɛm kwaa voɡ, o jaŋne dɛ́ kaa nyundua lɔ naɡale fifraanuanaarɛ, asɛ o paɡri lɔ naɡale anuanaarɛ. Asɛ dɛ ka cheɡo Babelɔn deŋɡarere dor harɛ ta bobɛl waa chɔa kaa baa yerɛ bela Dura.

Daneɛl 5:23

He ɛ deŋnekpeɡ Korowii waa dɛ di kora nyundua nɛ, dɛ ka kpɔ numoli aa lɔ o Dea he ne he nomonjena, ne he haahna dɛ he sɛnanar kpɔ nyɔ sen. He kpɛɛ voɡa baa kpɔ suuɡapoŋa, ne suuɡaswɛm, ne ayaawa, ne bune, ne daa dɛ bwea ɛa aa wola na, aa wola waa no kɛɛ dɛɛ no waa mun la. Kɛ Korowii he mkpa ne he wobɛlbwa aa lɔ o nɔn ta la te, he ta duure kpɔe tɛo.

Hosia 10:1

Israel tena fa do kɛŋɔ ɡrepo da, asɛ nɔna su o bwa. Ba kondɔɔh do kɛŋɔ ɡrepo nɔna ken, aa dɛ warɛ la, dɛ ba dɛ ɛ kwaa baa dɛ ɛ saraha a ta aa warɛ. Harɛ la dɛ ɛ kondikwaa kohona naa, ɡɛɛ ba ɡe ɛɛ paaɡe bwea aa wera kɛrɛdɛ dɛɛ duura.

Hosia 13:1

Efrem dea tena fa bol wa aa, Israel deene aa kaa la dɛ ɔmɛ, banee Israel tena ɛɛ duu. Kɛ Efrem dea tena tomɛ voɡ Baal, anomanta, baa serewoo.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Hosia 4:11

Sembena ne anfala nyɔe chɔɡ n nɛra liire baa waa mun no.

Hosia 8:4

Ba cheɡ koranar maa wola a waa jemɛ, dɛ le nomonome le n habɔɔ. Ba kpɔ ba ɡbaɡba suuɡapoŋa ne suuɡaswɛm ɛ voɡa dɛ kpɔ chɔɡ ba te.

Habakuk 1:16

Anomanta, ba kpoo kwaa dɛɛ tɛ ba dɔɔne, dɛ fuh daawiile a sɔɔh aa soma dɛɛ tɛa dɛɛ toma, dɛkalkɛ a ɡɛ kwaa laanee dɛɛ tɛɛ ba ba kondɛɛɡa, ne kondikondɛɛɡa tenten bwa.

Amanesoma Luk Aa Chwera Tɔn 15:13

A ta tɔpere bɛl dii, o bie bechala la yoɡ o te kwaa la bwa, dɛ kpɔ o suuɡa jo pua bojaŋ kaa. Waa laŋa la, o kaa ɛ suuɡa la saɡasaɡa ken.

Tɔn Pɔɔl Aa Chwerɛ Rom Tena 1:28

Baa wola sɛɛh kɛŋɔ bá jemɛ Korowii waa nomanta, o ta ba waa tɛɛ ba, asɛ ba liire bwa ɛ anchɔɡa, asɛ baa ɛ waa aa wola chɛɛ kɛ baa ɛ.

Mmarare 8:18

Hé lii Korowii haa dɛ tomɔ la wa, dɛkalkɛŋɔ onee tɛ heyaa wejema he kondɔɔh dɔe ta. Anee ɡela o nyoa waa baɡɛ he naawa la chɔ le ba le fini la.

Sitɔɔla 9:27

Ba kaa chaa ba ɡrepo nɔna dɛ harame a nee dɛ kpɔ ɛ sen. Asɛ ba tɔpejen bɛl ta, ba ka so ba voɡ dea dɛ di kwaa dɛɛ nyɔ sen asɛ dɛ taah Abemɛlɛk.