Hosia 2:14 - mzwDBL

¹⁴ Anomanta, mɛɛ lawɔɔ, dɛ́ kpɔɔ kaa pua hɛŋle ɡbo harɛ ta, dɛ́ ka kpɔ sɛmwobol ɡbɛɡbɛo.

Hosia 2:14 ပူးပေါင်းရင်းမြစ်များ

Mumpar 34:3

Dɛ o sie lɛ bitolo la nɛɛ kɛrɛdɛ, asɛ o bambile lawɔ wɛɛ di o deŋna.

Job Tɔn 36:16

Korowii siwi beɡrɔ kɛ ó lawɛ dɛɛ le he wenaale ta, dɛ́ tɛɛ bosɔɔhna, dɛ́ ɡel he dɔ kondikondɛɛɡa kohona dɛɛ di.

Yelsom 1:4

Laɡ mɛ kaa warane, n dɛ nyin kɛ n kooro laɡ mɛ kaa o dem warane! Yá hɛɡre, dɛ́ ɡel ya sie lɛ kohona, yaa kpɛɛ he nyina haa dɔa laanee ɡwaa kɛ ya nyɔ sen. A waa ɡela bitoli bwa ɛɛ nyin he waa kɛrɛdɛ la!

Aesaya 30:18

Ane a bwa, Korowii tea dɛ domɔ he waa wɛɛ kpa kɛ he ba o be. O na he sum, dɛkalkɛ o waa dɔ kasinteŋ. Banɔ la bwa baa kpɔ ba te dawɛ o nɛɛ la, ba na som.

Aesaya 5:5

Mɛɛ ɡeloo he jemɛ ɡɛ maa dɛ ba daa la ɛɛ. Mɛɛ laa kwaa baa kpɔa keo laanee pa, ásɛ kwaa dia dɛ́ chɔɡa. Mɛɛ kuuɡi danjwɛɛ waa baro la ɡee, ásɛ kwaa tiɡra do harɛ.

Jeremia 16:14

Anomanta, Korowii ŋɔ, “Saŋ bɛl dɛ ba, ásɛ nɛra aa n sɔn taa dɛɛ ŋwɛɛ ŋɔ men Korowii maa lole saŋ bɛlbwa laanee fa lawɛ Israel tena le Ijipt harɛ ta kpa.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Jeremia 45:4

Belaa Korowii ŋɔ men Jeremia bol Baruk be ŋɔ, “Mɛɛ taɡɛ komɛlbwa maa mao ta harɛ, dɛ́ fuɡri komɛlbwa maa duu ta, harɛ nɔ ta bobɛlbwa.

Ɛsekeɛl 20:10

Ate, n tɔ ba sie dɛ le ba ne Ijipt harɛ ta, dɛ ba bane pua hɛŋle ɡbo harɛ ta.

Ɛsekeɛl 20:33

Men Nemenɛ Korowii, n ŋwɛɛrɔ kɛŋɔ n taa lole nɔ, mɛɛ che n kpeɡri taa dɛ́ ir nɔn tɛr he deŋne n bandia ne,

Hosia 2:3

Dɛ ɡɛ laa, mɛɛ wuruu o che muŋɡbal kɛŋɔ awola baa lolɔ la ken. Mɛɛ ɡeloo ó do kɛŋɔ pua hɛŋle ɡbo harɛ, dɛ́ do kɛŋɔ harɛ waa hola, ásɛ nyɔɡre kpoo ó sewɛ.

Maeka 1:7

Samaria tena voɡa bwa ɛɛ paɡroo burbur ken, ásɛ nii fuh saraha kwaa bwa aa lɔ bela. Mɛɛ chɔɡ ba voɡa bwaa. Baa lɛ kwaa haahna aa bɔ jwamane dɛ dɔ, dɛ boa a nyoa nomanta, ba dɔma ɛɛ paa ka tɛ jwamane tena bane ɡe bobɛl.”

Maeka 4:10

Jerusalam tena, hé ɡbaɡre dɛ́ɛ pɛmɛ kohona, kɛŋɔ haah loltea aa lɔɔ. A chɛ kɛ he le bwɛjen nɔ ta, dɛ́ ka so kpɔɡ bini. A chɛ kɛ he dɔma lawɛ heya kaa bojaŋ harɛ Babelɔn, ásɛ mɔɔ Korowii ba lɛ heyaa le ba nɔn ta.

Amanesoma Jɔn Aa Chwera Tɔn 12:32

Men, baa ɡɔɔ mɛ nyundua le harɛ nɔ ta. Ba baa ɡɔɔ mɛ naa, mɛɛ tɛr nɛra bwaa ba n be.”

Amanesoma Jɔn Aa Chwera Tɔn 6:44

Nomɛlbwa aa won ba n be nemenɛ n Mɛɛ la ɡbaɡba waa tom mɛ la tɛro ba n be, ásɛ tɔpera bwa jaɡa wee la, ń iru seo ta.

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

Wepila 12:6

Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.

Sitɔɔla 19:3

Banloɡle la la o be dɛ ka larawo ásɛ o berɛ ba. Keeɡore anɛɛ o kpɔ o ne o bonɔɔ bɛl kaa. Haah la kpɔ baa la la o mɛɛ dem, o mɛɛ ɡe lɛo silɛɛ ne.