Hosia 2:13 - mzwDBL

¹³ Mɛɛ tɛr o deŋnee, tɔpera waa fuh daawiile a sɔɔh aa soma tɛ voɡa Baalre la, ne suuɡaswɛm nɔnloɡa, ne baŋa kwa dɛ noniseɡa waa doa dɛ teŋɛ o sɛnanar nɛɛ dɛ soh n waa la wa. Men Nemenɛ Korowiirii bola.

Hosia 2:13 ပူးပေါင်းရင်းမြစ်များ

2 Koranar 1:2

Awola bɛl, Kooro Ahasia le o abrɔsane waa lɔ Samaria saldoa bobɛl waa kpɔ daa sam o koodem bela, dɛ le ba le harɛ dɛɛ we weela. Asɛ o tomɛ toroma Filisti tena bwɛjen bɛl baa dɛ yerɔ Ekron voɡ Baal Sibab ta ŋɔ bá ka voɡɛ kɛ wɛɛ dɔ o nyuu yaa.

2 Koranar 10:28

Gɛɛ Kooro Jehu chɔɡ voɡ Baal toma le Israel harɛ ta.

2 Koranar 21:3

Kooro Manasɛ kwaarɔ cheɡ voɡa o mɛɛ Kooro Hɛsɛkea aa paɡra bela voɡtoroma aa dɛ tomɛ la, dɛ berɛ ɛ kwaa baa dɛ ɛ saraha a ta tɛ voɡbaa Baal, dɛ paaɡe voɡhaah Asera dajaŋa, ɡɛ Israel Kooro Ahab fa aa ɛa la. O berɔ tomɛ kwaa aa lɔ nyundua kɛŋɔ wee ne korobie dɛ weweela bwa.

Job Tɔn 8:13

Gɛɛ nɛra baa soh Korowii waa la bwa do, baa vɛh Korowii nomanta, ba ta hwɛɡa dɔe.

Yela 106:13

Kɛ ba soh waa haa ɛa tɛɛ ba buɡ la ta, ba ta bwara sɔɔhnɛ, dɛ no waa haa bol ba be.

Yela 106:21

Ba soh hen Korowii, haa cheɡɛ nyokpowe-ɛɛla ta, dɛ lɛɛ ba le Ijipt harɛ ta la wa.

Yela 78:11

Ba soh waa waa ɛa, nyokpowaa waa ɛa baɡ ba la.

Kaala 32:34

He te tɔ nɛra la sie kaa bela maa chaɡle la. Mɛɛ ɡeloo n torome tɔ he sie. Kɛ dɛ tɔpere maa tɛr ba deŋne ba wechɔɡa baa ɛa la telaa, mɛɛ tɛr ba deŋnee.”

Aesaya 17:10

Israel tena, he liire le he Lɛɛ Korowii nɛ. Onee Bwetal haa kpɔ he te marɔ wɛɛ tɔ heyaa ɡbemɡbe la, kɛ he soh o wa. He du dadɛɛɡa bodɛɛɡa, dɛ kwaa bela dɛɛ tomɛ harɛre voɡare.

Aesaya 65:7

ba ne ba naawa bwa wechɔɡa baa ɛa wa. Dɛkalkɛŋɔ ba fuh daawiile voɡa ta deŋɡarere dor, dɛ chɛɡre mɛ bela. Anomanta, mɛɛ tɛr ba deŋnee ɡɛ aa chɛa, ba wechɔɡa baa ɛa dɛ le saŋ la bwa wa.”

Jeremia 11:13

Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.

Jeremia 18:15

Kɛ n nɛra te soh n wa. Ba fuh daawiile dɛɛ tɛ voɡa a wa aa wola tɔnɔ dɔe. Ba lɔ na, dɛ ɡel ŋwɛnɛbena la ta kpɔe, dɛ kaa kpɔ ŋwɛnɛfala baa wola a ta jemɛ ta.

Jeremia 2:32

Bitolo ɛɛ won soh o suuɡaswɛm nɔnloɡa ne baŋa kwaa ne noniseɡa aa, kɛɛ hanfale soh o hanfale laala doe yaa? Kɛ n nɛra soh n waa biɡri maa wola won jemɛ a saŋ.

Jeremia 23:2

Anomanta, waa Korowii Israel tena aa dɛ tomɔ la aa dɛ bol sitɔɔla aa chɛ kɛ bá nyiŋi o nɛra nɛɛ laanee nɔ, “He ta n nɛra la nɛɛ nyiŋe dɛ doŋ ba, dɛ ɡel ba lɔ peɡre. Taraken, n dɛ ba he deŋne tɛra, he wechɔɡa haa ɛa la wa.

Jeremia 7:34

Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Jeremia 7:9

He dɛ ŋwɛ, dɛɛ kpoo nɛra, dɛɛ bɔ jwamane dɛɛ di dansewea, dɛɛ kpoo kwaa dɛɛ ɛ sarahare voɡ Baal ta, dɛɛ tomɛ voɡare haa wola an jemɛ wubwa.

Wiile 1:4

Ŋwɛnɛre nɛra aa kpɔ a ta kaa tomɛ Korowii Dea ɛo surumm kɛŋɔ nɛra aa dɛ wi ba nɛn bɛl waa sewa ken, dɛkalkɛ nomɛlbwa aa a ta kpɔ dɛ́ ba di tɔpejena baa lea cheɡ la kpa. Bitoli baa dɛ ɡo yela bwara dɛ nyɛɡ bela, asɛ ba sɔfore ɡe ɛɛ wi. Bwɛjen Saayɔn doonyoo chɔ pɛɛ, wenaale kohona do o ta.

Wiile 5:14

Nomonome aa bwɛjen la doonyojen ta bela so kpa, bonɔɔna ɡe ɡel yela ɡoe.

Ɛsekeɛl 16:12

N kpɔ noniseɡ do he mee ta, dɛ doe deŋna kwa, dɛ kpɔ kooɡbɛrɛ waa wera pii.

Ɛsekeɛl 16:17

He berɔ kpɔ suuɡaswɛm ne suuɡapoŋa kwaa maa kpɔa tɛɛ la loɡɛ voɡbaala dɛɛ toma dɛɛ bɔ jwamane.

Ɛsekeɛl 22:12

Ba dɛ yawɛ ba bini bane sen baa kpoo nɛra. Bane ɡe dɛ́ kemɛ ba bala Israel tena suuɡa, dɛ́ chɔŋɛ a nee dɛ́ che a ta ɛ dɔɔhna. Ba soh n waa la kwara. Men Nemenɛ Korowiirii bola.

Ɛsekeɛl 23:35

Kenii men Nemenɛ Korowii ɛɛ bol hen Oholiba be. Haa soh n waa dɛ berɛ habɔɔ kpo mɛ nomanta, hɛɛ dɔ deŋnetɛra he pɛlchɔɡa ne he jwamane la waa.”

Hosia 11:2

Kɛ maa teŋa dɛɛ yerɔ la, dɛ ɡɛɛ o teŋɛ dɛ jo dɛɛ kaa. N nɛra kpoo kwaa tɛ voɡa Baalre, dɛ fuh daawiile a sɔɔh aa soma tɛ voɡa.

Hosia 13:1

Efrem dea tena fa bol wa aa, Israel deene aa kaa la dɛ ɔmɛ, banee Israel tena ɛɛ duu. Kɛ Efrem dea tena tomɛ voɡ Baal, anomanta, baa serewoo.

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Hosia 2:7

Wɛɛ ti baala laanee, kɛ waa ban pu, wɛɛ nyin ba bɔree, kɛ waa ban na. Ásɛ dɛ ŋɔ, ‘Mɛɛ berɔɔ kaa n jaloɡle be, belaa wera tɛ mɛ ɡwaa taraken.’

Hosia 4:13

Bwejena doree baa ɛ sarahare, dɛɛ fuh saraha kwaa deŋɡarere ta, ne dajena bwa soo siwi a chunchule aa soma lɔɡre. A cheɡɛ a ta he bihaahna kpɔ ba te do jwamane ta, asɛ he bibaala haahna ɡe ɛɛ chɔɡ yal.

Hosia 4:6

N nɛra aa wola men Korowii jemɛ nomanta, ba dɛ serewe. He sɔfore, haa wola n waa ta teŋɛ nomanta, n ɡe vɛh heya. Haa vɛh men Korowii haa dɛ tom mɛ webaɡla ta teŋa nomanta, n ɡe ɛɛ vɛh he biirii.

Hosia 8:14

Israel tena ma kooderemi, dɛ soh men Korowii maa ta ba wa. Juda tena ma dekpeɡa bwɛjena ta taeh. Kɛ mɛɛ kpɔ niinii ba ta ba bwɛjena ta, ásɛ a fuh ba dekpeɡa bwa.”

Hosia 9:7

Tɔpera Korowii aa tɛr ba deŋne la dɛ tel, tɔpere waa bɔ ba kem la telo. Gel Israel tena jemɛ a ɡɛ waa nɔ. Ba wechɔɡa warɔ, ba ɡaeh we-ɛɛla ɡe do kan nomanta, ba ŋɔ Korowii keame la ɡɛnɔ, nɛn Korowii Doma aa lɔ o nɛɛ la ɛ choɡla te.

Emɔs 8:10

Mɛɛ ɡeloo he Tɔpejena dii berɛ lwe, ásɛ he yela ɡoe berɛ wii. Mɛɛ ɡeloo he bwa tɔ lweyale dɛ́ fonɛ he nyuune. Mɛɛ ɡeloo awola do kɛŋɔ nomɛl aa dɛ wi o bibambeŋkpoŋ la, dɛ́ ɛ tɔpechɔɡe ka tonɛ.

Mmarare 32:18

He soh Korowii haa dɛ tomɔ o do kɛŋɔ Bwetal dɛɛ lɛ heyaa kohona, naate waa tɛ heyaa mkpa la wa.

Mmarare 6:12

hé nyiŋi kɛrɛdɛ dɛ bɛ Korowii waa soh. Onee le he ne Ijipt harɛ he fa aa di somanjiri o ta la.

Sitɔɔla 10:6

Israel tena ɛ wechɔɡa dɛ jo Korowii nɛɛ ja. Dɛ voɡa Baalre aa ɛ baala ne voɡhaahna Astɔrɛt, ne voɡa aa lɔ Aram ne Sidon, ne Moab ne Amɔn harɛre, dɛ voɡa Filisti tena aa dɛ tomɛ laanee baa tomɛ. Baa laa sie kpɔ Korowii nɛɛ dɛ vɛh o toma la,

Sitɔɔla 3:7

Israel tena la ɛ wechɔɡa dɛ jo Korowii nɛ. Ba berɛ habɔɔ kpo Korowii baa dɛ tomɔ la dɛ kaa tomɛ voɡa Baalre ne Asera.

1 Samoɛl 12:9

Kɛ ba soh Korowii baa dɛ tomɔ la wa, anomanta, o ɡelɔ Filisti tena ne Moab kooro dɛ Sisera waa ɛ laa sitɔɔ dɛ do bwɛjen Hasɔ ba yo he naawa dɛ pɔ ba nɛ.