Hosia 2:11 - mzwDBL

¹¹ Mɛɛ ɡeloo o tɔpejena dii ba a jaɡa. Benanyoa ne Korobifala Tɔpejena, ne Ona Tɔpera dii dɛ tɔpejena waa lea cheɡ bwa.

Hosia 2:11 ပူးပေါင်းရင်းမြစ်များ

1 Koranar 12:32

O le tɔpejen cheɡ korobinuatoro o tɔpera fi dɛ anue ta, kɛŋɔ anɔ la baa dɛ dia Juda la ken, dɛ ɛ sarahare kon baa dɛ fuh kwaa o ta. O ɛ saraha kon Bɛtel, ba kpɔ nabali ɛ sarahare beŋkpoŋ waa kpɔ suuɡaswɛm ɛo la ta. Bɛtel bela la, o kpɔ kerekpoŋra so voɡa waa ɛa deŋɡarere ta la ta.

Jeremia 16:9

Anomanta, no waa men Koranar Bwa Kooro, Israel tena aa dɛ tom mɛ la aa dɛ bol. Mɛɛ ɡeloo hɛɡra ne silɛɛ ɡbɔɡa, dɛ hanfalwaa mun chema dɛɛ lɛ sie bwa ba a jaɡa. Nɛra baa lɔ bonɔ ɛɛ na ɡɛ waa nɔɔ, á ɛ ba siwi ta.

Jeremia 25:10

Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna.

Jeremia 7:34

Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Ɛsekeɛl 26:13

Mɛɛ ɡeloo he yela ne janjela sii bwa ba a jaɡa. Bɛlbwa aa a waa no kpa.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Hosia 5:7

Ba waa ta kasinteŋ dɔe tɛ mɛ, ba le n habɔɔ, sɛmbii ɡboo baa loɡle. Ba Korobifala Tɔpejena dii, ɛɛ chɔɡ ba ne ba kooni bwaa.

Lewi Dea Tena 26:20

He koeh bwa dɛ ba pɛɛ ɛɛ, dɛkalkɛ kondikwaa bɛlbwa ɛɛ chɔɡ he harɛ la taa, ásɛ daa ɡe aa nɔnɛ.

Emɔs 5:21

Korowii ŋɔ, “N hah he tɔpejena haa dɛ di la, n sie aa a ta lɛ kwaraa.

Emɔs 8:3

Awola tɔpere la, yela baa ɡo n Dea la ɛɛ berɛ wii. Nɛra ɛɛ serewoo kohona chɔ bobɛlbwa, ásɛ bɔr hel.”

Emɔs 8:5

dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,

Neehum 1:10

He sennyɔɔra, nii ɛɛ fuh heyaa kɛŋɔ sɔɔhne aa kaɡre dawii baah ken.