Hosia 14:6 - mzwDBL

⁶ Baa kpeɡuu dɛ́ so le, ásɛ dɛ do wer kɛŋɔ ɔleve daa ken. Ba sɔɔh ɛɛ do somee kɛŋɔ Lɛbanɔn peleme daa ken.

Hosia 14:6 ပူးပေါင်းရင်းမြစ်များ

Mumpar 27:27

Asɛ o suuh tel o mɛɛ, dɛ ɡbaaro pɛl o bambile, dɛ mo o lwɛɛma. Waa no o bie Jekɔb laala la sɔɔh la, o soŋe andɛɛɡa Korowii be tɛo dɛ ŋɔ, “N bie sɔɔh do kɛŋɔ harɛ Korowii aa ɡela o ɛ harɛdɛɛɡe sɔɔh.

Yela 128:3

O haah ɛɛ doo kɛŋɔ daa waa won nɔna kohona ken. O bii ɛɛ do kɛ daa o nɔna aa wara, dɛ́ baro cheme.

Yela 52:8

Kɛ n te, n do kɛŋɔ ɔleve da, dɛ che Korowii Dea dɛɛ kpeɡ. N dɛ hwɛɡɛ Korowii nyina aa wola jaɡa dɔe saŋ bɛlbwa la ta.

Yela 92:12

Nɛra ba wa aa toɡra ɛɛ dɛɡoo kɛŋɔ kpor daa ken, baa kpeɡuu kɛŋɔ Lɛbanɔn peleme dajena.

Aesaya 27:6

Tɔpere bɛl ɛɛ bao Jekɔb naanar baa ɛ Israel tena la dɔ lune dɛ́ le kɛŋɔ daa ken, dɛ́ moɡɛ dɛ́ fe, ásɛ dɛ nɔnɛ perɛ harɛ ta bobɛlbwa.

Aesaya 35:2

Aa feo kohona, silɛɛ ne moola ba bela kɛrɛdɛ. Aa do werii kɛŋɔ Lɛbanɔn bwejena, ásɛ harɛ la do wer ne para, kɛŋɔ Kaamɛl ne Sarɔn harɛre ken. Anɔɔ dɛ́ baɡle ɡɛ Korowii yaa dɛ tomɔ we-ɛɛla aa wera, dɛ dɔ jirima kohona, o kpeɡri ɡe do kan.

Aesaya 66:14

Dɛ he na ɡɛ waa nɔ a chiɡ aa, he sie ɛɛ lɛo, a tɛɛ kpeɡri, ásɛ he jemɛ kɛŋɔ n dɛ cha nɛra baa dɛ no n deŋna wa, dɛɛ baɡle n bandia nɛra baa ɛɛ mɛ dɔm nɛ.”

Jeremia 11:16

N fa ŋɔ ba do kɛŋɔ ɔleve daa waa kpeɡa kohona dɛ dɔ papooni, asɛ nɔndɛɛɡa su o bwa, dɛ do wer. Mɛɛ ɡeloo peukpeɡ ta kerabeŋkpoŋ, ásɛ nii le o papooni ta, dɛ́ kuuɡi o kpala.

Hosia 6:3

Hé ɡel ya takapɔ dɛ́ jemɛ Korowii, ya do sie dɛɛ yaradao. Wɛɛ ba ya bee kɛŋɔ chɔɔlen wee ken. Wɛɛ bao kɛ bwaala, kɛŋɔ yoo saŋ bwaala aa wola vɛh la.”

Matiu 13:31

Yeesu kpɔ sɛɡla bol waa chaɡ ba ja dɛ ŋɔ, “Kenii Korowii Kora la do. Baa bɛlee ira dɛ kpɔ daa bɛl baa dɛ yerɔ mastad bii dɛ ka du.

Amanesoma Jɔn Aa Chwera Tɔn 15:1

Yeesu berɔ sɛɡ ba ŋɔ, “Menee ɡrepo daa tenten waa dɛ nɔnɛ, asɛ n Mɛɛ ɡee paa la.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.