Hosia 14:3 - mzwDBL

³ Asiiria tena aa won lɛ yaa, ya jaɡre yaa dɛ la ane laa la aa won lɛ yaa. Yaa berɛ yerɛ kwaa ya ɡbabir aa kpɔ nɔɔra ɛ la, ya voɡa kpa, dɛkalkɛ hen Korowiirii dɔ tedoma tɛ bilalbii.”

Hosia 14:3 ပူးပေါင်းရင်းမြစ်များ

2 Webena 16:7

A ɡɛ saŋ la, Korowii keame Hanani ba Kooro Asa be dɛ ŋɔ, “Haa kpɔ he te dawɛ Siiria kooro nɛɛ dɛ vɛh he te kpɔe dɛ dawɛ Korowii haa dɛ tomɔ nɛɛ nomanta, Siiria kooro laa tena la le he habɔɔ.

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.

Yela 146:3

Bɛ he te kpɔ dawɛ koranar kɛɛ sitɔɔ bɛlbwa nɛ, nɛwɛnyini bɛlbwa aa won lɛɛ.

Yela 146:9

O kpɔ nɔn dɛɛ tɔ hɔɔhra baa soɡe ya harɛ ta nɛ, dɛɛ cha luhaahna ne bilalbii. Kɛ nɛnchɔɡa te, o dɛ chɔɡ vɔrɔwa baa dɛ vɔrɔwe.

Yela 33:17

Jaɡre baa soɡe a ta dɛɛ yo, aa won ɡel nɛn pɔ o dɔm nɛɛ laa ta, a bokpeɡa kohona laa dɛ́ won lɛ naate.

Yela 68:5

O ɛ bilalbii mɛɛ, dɛɛ che luhaahna habɔɔ. Onee Korowii waa soɡe o Dea waa do ɡoroŋ bini.

Aesaya 1:29

“Sihiih ɛɛ kpo heyaa daa haa dua dɛɛ toma la waa. Hɛɛ di nchoo bela haa du kwaa dɛɛ tomɛ voɡa a baah ta la waa.

Aesaya 2:20

Nɛra ɛɛ pa ba voɡa baa kpɔ suuɡapoŋa ne suuɡaswɛm ɛa, dɛɛ toma laanee ta a wola tɔpere, ásɛ a berɛ daŋɡboŋre ne jereme kwa.

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Aesaya 30:16

He dɛ bol ŋɔ, ‘Akai, yaa so jaɡre taa dɛ chwa kaa.’ A wer ɡa. Hé so jaɡre ta chwa. He dɛ lii kɛŋɔ he jaɡre ɡbaŋre, kɛ nɛra baa ti heyaa la kwaa ɡbaŋre ɡwaa he kwa.

Aesaya 30:2

Ba ta men bɔɔrɛ no dɛ chiɡ ŋwɛnɛ ta dɛ la Ijipt harɛ ta, dɛ ka marɛ Ijipt kooro ó tɔ ba nɛ, dɛ́ lee ba le ba dɔma nɔn ta.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.

Aesaya 31:3

Nɛraa Ijipt tena, Korowii laa ban, asɛ ba jaɡre ɡe ɛ ola, a ta kwaa aa bea yaa wola an na ɛɛ. Dɛ Korowii baa ir o nɔn dɛ́ tɛr nɛra deŋne aa, nomɛlbwa waa dɛ cha nɛra ɛɛ keeruu, ásɛ nɛra baa dɛ cha ba la ɡe choɡli, ásɛ ba nɛmbele banɛ la bwa pɛ dɛ́ chɔɡ.

Aesaya 36:8

N ne hɛɛ ŋwɛɛroo n naa Asiiria koojen sɔn ta. Mɛɛ tɛɛ jaɡre kaɡboŋa anɛɛ, dɛ hɛɛ won dɔ laa tena bá so a bwa ta naa.

Jeremia 49:11

Hé ɡel he bilalbii waa do n nɔn ta, mɛɛ kpɔ nɔnee tɔ ba nɛ. He luhaahna ɡe bwa ɛɛ won kpɔ ba hwɛɡa bwa do n nɛ.”

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Ɛsekeɛl 37:23

Baa voɡaa tomɛ, dɛɛ ɛ waa maa kia dɛ kah doŋa, kɛɛ dɛ ɛ wechɔɡa bɛlbwa kpa, dɛkalkɛ mɛɛ lɛɛ baa le wechɔɡa bwa aa ɡela ba le habɔɔ la taa, dɛ́ laa doŋa bɛlbwa kpɔ ba nɛ. Mɛɛ kpɔ baa ɛ n nɛra, n ɡe ɛ Korowii baa dɛɛ tom mɛ.

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 14:8

Israel tena aa voɡaa tomɛ kpa. Mɛɛ no ba wesoŋaa ásɛ dɛ nyiŋi ba nɛ. N do kɛŋɔ daa waa wola chure ken, n chunchule ɛɛ tɔ ba nɛɛ, ba wer doe bwa le n be.”

Hosia 2:17

Maa ɡel ó yerɛ voɡa Baalre sɔna, waa a waa bol kpa.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Hosia 5:13

Israel tena na ba weela, asɛ Juda tena ɡe na ba ŋwɛra, asɛ Israel la Asiiria koojen be ŋɔ ó ba cha ba. Kɛ o ta wone chah ba weela, o ta wone chah ba ŋwɛra ɡe.

Hosia 7:11

Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.

Hosia 8:6

Israel harɛ taa voɡ la le, Israel tee loɡɔ, men Korowii laa. Samaria nabale la, baa kuuɡu buruburu ken.

Hosia 8:9

Ba joɔ kaa Asiiria harɛ ta, kɛŋɔ keeɡo kpaŋi waa pere o te dɛɛ ɡaaɡe ken, dɛ yoɡ ba te tɛ Asiiria ne harɛre tena bane bá cha ba.

Jona 2:10

Belaa Korowii bol waa pɛŋe la be, asɛ o ka uɡe Jona ta nee la nyoa.

Sekaria 13:2

Mɛɛ le voɡa aa lɔ harɛ la ta la nee awola, baa wola a sɔnaa lii kpa. Mɛɛ le keame nyosonteŋna la nee, ásɛ dɛ ɡel ba pɛla le voɡa toma ta.

Amanesoma Jɔn Aa Chwera Tɔn 14:18

N baa kaa laa, maa heyaa ta kɛ bilalbii, mɛɛ berɔɔ ba he be.

Mmarare 17:16

Kooro la bɛ jaɡre kohona nyin, o bɛ ɡel nɛra la Ijipt harɛ ta dɛ́ ka yawɛ jaɡre, dɛkalkɛŋɔ Korowii haa dɛ tomɔ nɔ ŋɔ o nɛra bɛ berɛ la Ijipt harɛ ta kpa.