Hosia 13:8 - mzwDBL

⁸ Mɛɛ ba yo heyaa kɛŋɔ sisire bii aa nyoɡra wɛɛ ɛ la, dɛ́ ba peeɡe he bini. Dɛ́ di he ola buɡ la ta kɛŋɔ nyujente ken, dɛ́ toɡri he bini kɛŋɔ kpɔɡ bini olchɔɡa aa dɛ ɛ la.

Hosia 13:8 ပူးပေါင်းရင်းမြစ်များ

2 Samoɛl 17:8

He ɡbabir jemɛ ɡɛ he mɛɛ ne o laa tena aa kpeɡa dɛ won yoi. Ba kpeɡri dɛ do ɔma kɛŋɔ sisire hansɔɔh baa pa o bii kaa ken. He mɛɛ jemɛ yoi waa kɛrɛdɛ, waa sɛh so o ne o laa tena so jwaana beŋkpoŋ ɡba.

Yela 50:22

Hé no, he banɔ la haa soh men Korowii waa la, ɡɛ laa aa, mɛɛ chɔɡ heyaa, nomɛlbwa aa wola won lɛ heya.

Yela 80:13

Nɛŋhɔɔhra do kɛŋɔ chweri dɛɛ tiɡri harɛ la ta, kpɔɡ bini ola ɡee chɔɡo.

Sɛɡla 17:12

He cheme sisire baa pa o bii kaa bɔ ɡɛne waa lɔ o ɡɛne we-ɛɛla ta.

Aesaya 5:29

Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Aesaya 56:9

Korowii ŋɔ, “Harɛre nɛra haa ɛ he te kɛŋɔ kpɔɡ bini ola, hé ba dɛ́ ba chɔɡ n nɛra Israel tena.

Jeremia 12:9

N nɛra maa lee ba tɛ n te do kɛŋɔ jumbie kɔle aa baro cheme dɛ́ yoo. Hé yerɛ kpɔɡ bini ola á bwa ba cheme dɛ́ di o ola.

Jeremia 25:38

Korowii vɛh o nɛra kɛŋɔ nyujente yon chwa le o sɔɔhbɔr la ken. Harɛ la berɛ pua hɛŋle ɡbo harɛ, dɛkalkɛ Korowii cheɡɛ o bandia kohona ta ɡel ba dɔma ba chɔɡ ba harɛ.

Hosia 2:12

Mɛɛ chɔɡ o ɡrepo ne fiɡ daa waa ŋɔa o sɛnanar la kpɔɔ bɔɔ kem la. Mɛɛ ɡeloo o daa kooni baah moɡɛ kohona, ásɛ kpɔɡ bini ola ba di a nɔna.

Hosia 5:14

Mɛɛ ɛo kɛŋɔ nyujente ken Israel harɛ ne Juda tena bini. Mɛɛ toɡri ba olaa, dɛ́ che ba kaa nomɛlbwa aa wola won lɛɛ ba.