Hosia 12:8 - mzwDBL

⁸ Israel tena dɛ ɛ mbarafo dɛ ŋɔ, ‘Ya dɔ suuɡa, dɛ ɛ dɔɔhna. Ya kondɔɔh bwa habɔɔ baa wechɔɡa bɛlbwa ya nɛɛ na.’

Hosia 12:8 ပူးပေါင်းရင်းမြစ်များ

Yela 49:6

Nɛra baa kpɔ ba te dawɛ ba kondɔɔh ta koh a waa dɛɛ ɛ mbarafo aa, maa ɔmɛ.

Yela 52:7

“Hé na, baa waa wola Korowii kpɔe ɛ o Kpeɡnɛn laanee la. O kpɔ o hwɛɡa bwa do o kondɔɔh ta, o nyu bini do kpeɡri kohona o bala chɔɡa ta.”

Yela 62:10

Hé laa he te kpɔ nɛra ɛɡra dɛ́ dɔ kwa, kɛɛ he sie lɛ ŋwɛɛ kwaa ta. Dɛ he kondɔɔh teŋɔ dɛɛ warɛ kwaraa naa, hé laa he bambile kpɔ a ta.

Sɛɡla 11:1

Korowii kii nɛn waa dɛ faah nɛra kwaa yoɡa ta. O sie dɛ lɛ nɛn waa kpɔ kon waa maɡra ne kwaa maɡa nɛ.

Sɛɡla 30:12

Ba dɛ lii kɛŋɔ wechɔɡa toole ba nɛ, kɛ dɛ ba senɛ wechɔɡa ta.

Sɛɡla 30:20

Ŋwɛnɛ haah waa wola kasinteŋ dɔe tɛ o jaa, aa dɛ kpɔ o taa nɔ. O yon le o jaa habɔɔ ka kpɔ banfale dɛ berɛ sɔ ne, dɛ ŋɔ, ‘N ta wechɔɡa ɛɛ.’

Jeremia 2:23

Ɛrɛɛ hɛɛ ba wona ŋɔ, ‘Ya ta doŋa kpɔe kah ya te, ya ta voɡa Baalre tomɛ ɔ?’ Hé nyiŋi he we-ɛɛla haa ɛa fɛlembɔjen la bini, dɛ́ lii waa haa ɛa la bwa. He do kɛŋɔ nyoɡma nee waa dɛ chwa bobɛlbwa dɛɛ nyin jweera.

Jeremia 2:35

he dɛ bol ŋɔ, he ta bolchɔɡe bɛlbwa dii, Korowii baah ta he nɛɛ dii, Kɛ men Korowii ɛɛ bol he waa dɛ́ pa bole, dɛkalkɛ he ŋɔ he ta wechɔɡa ɛɛ.

Jeremia 5:27

Gɛ kpaah yon pa jumbii su ɡbɛr bini la, ɡɛɛ ba pa laala baa cheɡɛ ŋwɛnɛchɔɡa ta su ba deene. Anee ɡela ba dɔ suuɡa dɛɛ di kpeɡri.

Ɛsekeɛl 28:5

He cheɡɛ he bona dii wejema kohona ta, dɛ dɔ kondɔɔh kohona. He kondɔɔh nomanta, he nyu bini dɛ do he som.

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 14:1

Israel tena, hé berɛ ba Korowii haa dɛ tomɔ be. He wechɔɡa ɡelɔ he choɡli!

Hosia 4:8

N nɛra wechɔɡa taa he sɔfore che dɛɛ dɔ he te, anomanta, he dɛ nyin ba na dɛɛ ɛ wechɔɡa kohona.

Emɔs 8:5

dɛɛ bol ŋɔ, “Saŋ besoo Korobifala Tɔpejena dii ɛɛ ba a jaɡa bala ásɛ ya yoɡ mea ɔ? Saŋ besoo Ona Tɔpere ɡe ba kaa ásɛ ya ka yawɛ kwa ɔ? Ásɛ ya kpɔ kwaa aa wola chɛ kɛ ya kpɔ maɡɛ kwa, dɛ́ dawɛ a yoɡ, dɛ́ faah nɛra a maɡa ta,

Habakuk 1:16

Anomanta, ba kpoo kwaa dɛɛ tɛ ba dɔɔne, dɛ fuh daawiile a sɔɔh aa soma dɛɛ tɛa dɛɛ toma, dɛkalkɛ a ɡɛ kwaa laanee dɛɛ tɛɛ ba ba kondɛɛɡa, ne kondikondɛɛɡa tenten bwa.

Sekaria 11:5

Nɛra baa dɛ yawa dɛɛ kpoora la aa deŋnetɛraa dɔ. Nɛra baa dɛ yoɡa dɛ bol ŋɔ, ‘Ya dɔ suuɡa, Kórowii jam!’ Hale nɛra baa dɛ teɡa la aa a nɛɛ sune.”

Malakae 2:17

He ɡelɔ Korowii mee le he wobol ta. He dɛ pɛɛ ŋɔ “Ɛrɛɛ ya ɡel o mee leɔ?” He ŋɔ, “Korowii sie dɛ lɛ nɛra baa dɛ ɛ wechɔɡa nɛ, dɛ berɛ ŋɔ leperaa Korowii o waa aa dɔ kasinteŋ la dɔɔ?”

Malakae 3:13

Korowii ŋɔ, “He bol wedoŋa tɛ mɛ. Kɛ he berɔ bɔɔ ŋɔ, ‘Wedoŋa besoo ya bol tɛɛ nɔ?’

Amanesoma Luk Aa Chwera Tɔn 10:29

Dɛ Tɔnjereme la dɛ nyin kɛ ó baɡle kɛ o te dɛ ɛ waa Yeesu aa bɔɔra la bwa, dɛ ŋɔ Yeesu be ŋɔ, “Umee n dɔŋ ɔ?”

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

Amanesoma Luk Aa Chwera Tɔn 16:13

Nomɛlbwa aa won tomɛ dɔɔranar banɛ. Dɛ a ba ɡɛ naa, wɛɛ dɛɛ nyin bɛl waa dɛ́ ɡwaa bɛl. A laa ɡe aa, o sie ɛɛ dɛɛ lɛ bɛl bee dɛ́ ɡwaa bɛl. Haa won tomɛ Korowii dɛ́ berɛ won nyin harɛ nɔ ta kondɔɔh a maɡre.”

Amanesoma Luk Aa Chwera Tɔn 16:15

Anee Yeesu ŋɔ ba be ŋɔ, “He dɛ ɛ he te kɛ he ɛ nɛndɛɛɡa he waa aa dɛ su Korowii siwi, kɛ Korowii jemɛ ɡɛ he liire aa doa. Kon waa ɛ konjen nɛwɛnyini sie ta la, Korowii te aa on komɛlbwa bu.

Mmarare 8:17

Anomanta, he bɛ ba lii kɛŋɔ he ɡbaɡba kpeɡri ne he bokpeɡa taa a che he dɔ kwa.

1 Timoti 6:17

Bol waa nɔ nɛra baa ɛ dɔɔhna harɛ nɔ ta la be ŋɔ, ba bɛ ɡel ba nyu bini do ba som kohona, dɛ bɛ hwɛɡa kpɔ do a ɡɛ kondɔɔh aa won tona dɛ won hee la ta. Kɛ bá kpɔ ba hwɛɡa do Korowii waa ta tea dɛɛ tɛ yaa komɛlbwa asɛ ya won kpɔ dɛɛ lɛ ya sie la nɛ.

1 Timoti 6:5

Gɛ te la ne nɛra baa wola wedɛɛɡa lii, baa wola ya kasinteŋ waa la jemɛ la, ba dɛ saɡɛ wetɔŋla aa wola mun dɔe ta, dɛ yon dɛɛ lii kɛ Korowii toma ɛ ŋwɛnɛ bɛl baa kpɔ o ta dɛɛ nyin suuɡa.

Wepila 3:17

He ŋɔ he dɔ kwa, dɛ ɛ dɔɔhna, komɛlbwa ta heyaa nyae. Kɛ haa jemɛ kɛŋɔ he waa dɔ sinyana, dɛ do sum. He ɛ nyaara, dɛ nyoŋe, dɛ che mumɡbal.