Hosia 12:14 - mzwDBL

¹⁴ Kɛ Israel tena ɡelɔ o baah di kohona, Korowii baa dɛ tomɛ ɛɛ ɡeloo ba wechɔɡa ɡure ba nɛ, dɛ́ bɔ ba kem waa baa ɛa wa.

Hosia 12:14 ပူးပေါင်းရင်းမြစ်များ

Ɛsekeɛl 18:13

O kemɛ o dɔŋ suuɡa aa, o dɛ lɛ a nee aa ɡwaa. A chɛ kɛ a ɡɛ nɛn nɔ so harɛ nɔ ta naa? Akai! O dɛ ɛ waa baa kia nɔ bwa, a chɛ kɛŋɔ á ɡure o nyu ta, bá kpoo.

Daneɛl 11:18

A habɔɔ la, wɛɛ berɔ kpɔ sie chaɡɛ mpo nyoa harɛre nɛra nɛ. Wɛɛ yoo baa, dɛ́ pɔ ba ɡalɡa nɛ, kɛ laa nomoa bɛl ɛɛ le harɛfale bɛl taa, dɛ́ ba pɔ o nɛɛ dɛ́ sɔɔh o nyoa, ásɛ maŋkurae waa dɛ maŋkura o te la ɡure o nyu ta.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

2 Samoɛl 1:16

Dɛ Devid fa bol baa la be ŋɔ, “He waa haa ɛa laanee ɡure he nyu ta la. Waa aa le he nyoa he ŋɔ henee kpo nɛn Korowii aa cheɡo kora ta laanee ɛ danseɛ.”

1 Samoɛl 2:30

Anomanta, men Korowii Israel tena aa dɛ tom mɛ fa baɡɛ heyaa nyoa kɛŋɔ, he dem nɛra ne he mɛɛ dem nɛraa dɛ́ do n sie, dɛ́ɛ tom mɛ kɛ sɔfore saŋ bɛlbwa dɛɛ la. Taraken te maa an ɡɛɛ ɛ kpa. Nɛra baa dɛ duu mɛ la, mɛɛ ɡeloo bá dɔ duure, nɛra baa nyiŋ mɛ dɛɛ vah la, n ɡee nyiŋ baa vah.

Mmarare 28:37

Harɛre Korowii aa lɔ heyaa peɡre a ta la, bela tena nyoa ɛɛ kpo he waa, hé berɛ wesoma tena baa di he loro.

Ɛsekeɛl 33:5

Naate no bɛla la sii dɛ vɛh o ta kpɔe ɛ wa aa, o seo ɛɛ ɡure o nyu taa. O pu sie ɛ waane aa, o fe dɔ o nyu.

Ɛsekeɛl 18:10

Dɛ nɛn o wa aa toɡra dɔ bichɔɡe wɛɛ kpoo nɛra, kɛɛ wɛɛ ɛ a ɡɛ waa nɔ bini bɛlbwa

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Maeka 6:16

He teŋɛ Kooro Omri mmarare, ne o bibaa Kooro Ahab dem tena wedoŋa baa ɛa ta, ba we-ɛɛla la taa hɛɛ teŋɛ. Anomanta, mɛɛ chɔɡ heyaa, ásɛ harɛre nɛra mamɛ heya.”

Mmarare 18:15

Korowii haa dɛ tomɔ nɔ ɛɛ tomɛ o keamee ó ba bol o waa dɛɛ tɛ heya ɡɛ waa tom mɛ nɔ. He ɡbaɡba dwee binii wɛɛ ba o lee. A chɛ kɛŋɔ hé cheɡ deŋne dɛ́ no o wobol.

Mmarare 18:18

Mɛɛ tomɛ n keamee ó ba bol n waa dɛɛ tɛɛ ba ɡɛ maa tomɛ nɔ. Ba ɡbaɡba dwee binii wɛɛ ba lee. Mɛɛ kpɔ n waa tɛo, ásɛ o bol anɔ la bwa maa doo bwa baɡ ba.