Hosia 11:8 - mzwDBL

⁸ Israel tena, ɛrɛɛ mɛɛ ba wona ɡel heya ɔ? Ɛrɛɛ mɛɛ ba wona le heyaa tɛɔ? Mɛɛ won chɔɡ heyaa kɛŋɔ Adma tena aa? Ɛrɛɛ mɛɛ ba wona chɔɡ heyaa kɛŋɔ Seboiim tena ɔ? N liire aa men ɡɛ baɡle, nyina maa dɛ nyin heyaa la kan taeh.

Hosia 11:8 ပူးပေါင်းရင်းမြစ်များ

Mumpar 14:8

Belaa Sodom kooro ne Gomoora kooro, ne Adma kooro ne Seboiim kooro, dɛ Bɛla baa bera dɛɛ yerɔ Soar kooro bwa boa ba laa tena nyoa, dɛ kaa Sidim Fɛlembɔjen ta ka yo

2 Samoɛl 24:16

Dɛ Korowii le o nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ nyundua torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

1 Koranar 3:26

Belaa haah la o bie aa ɛ onɔ la waa wola sewɛ la tea domɔ o ŋɔ, “Akai, N naa kooro, he bɛ on kpo, he kpɔɔ tɛ n dɔŋ la.” Nɛɛte la ŋɔ, “A wer ɡa, waa won ɛ he kon kɛɛ n kon, bɔne o bini tɛ yaa!”

2 Koranar 13:23

kɛ Korowii dɔ tedoma ba nɛ dɛ na ba sum, fɔo o ne ba naawa Abraham ne Aesek ne Jekɔb aa fɔwa la wa. Ba le fini, waa nyin kɛŋɔ ó chɔɡ ba, kɛɛ dɛ́ doŋ ba le o sie.

2 Webena 36:15

Korowii ba naawa aa tomɔ la cheɡɛ o keamere nɛɛ bol waa baɡ ba keraŋwɛnɛ bwa, dɛkalkɛ o dɔ tedoma tɛ o nɛra ne o Dea la.

Yela 106:45

He koh ba waa dɛ lii fɔo he ne baa fɔwa la, dɛ che he nyina waa kana la ta, dɛ charɛ he liire.

Aesaya 16:11

N dɛ hime Moab wa, n tea bini chɔɡ kohona Kir Haresɛt wa.

Aesaya 63:15

N Naa Korowii, ba sie ne harɛ le nyundua boɡoroŋ bela haa soɡa ne jirima haa dɔa dɛ́ nyiŋi yaa. Leperaa nyina he fa aa dɛ nyin ya waa la dɔɔ? Leperaa he kpeɡri la dɔɔ? He nyina ne he tedoma la sɛ? Bɛ yaa ta.

Jeremia 18:8

dɛ ɡɛ harɛ nɛra la berɔ charɛ ba liire le ba wechɔɡa ta naa, amɔ te mɛɛ ɡeloo, dɛ́ nyiŋi wenaale n fe aa ŋɔa mɛɛ kpɔɔ ba ta ba nɛɛ la ta.

Jeremia 3:12

La ka bol waa nɔ Israel tena be ŋɔ, ‘Hé berɛ ba, Israel tena he wa aa wola kasinteŋ dɔe. N baah aa he nɛɛ di kpa, dɛkalkɛ n dɛ sune nɛn nɛ, n baah aa won di he nɛɛ saŋ bɛlbwa dɛɛ la. Men Korowiirii bola.

Jeremia 31:20

Anee Korowii ŋɔ, “Israel tena, he do kɛŋɔ bibaa maa dɛ nyinu kohona. Saŋ bɛlbwa maa yerɛ he sɔn la, he nyina waa dɛ do n bini kohona. N bambile dɛ lawɛ, n dɔ tedoma tɛ heya.

Jeremia 42:10

‘Dɛ hɛɛ so harɛ nɔ taa yaa, mɛɛ lawɛ heyaa ir maa wola ɡel he chole, dɛ́ kwaa du heya kɛŋɔ da, ásɛ he che kiŋkiŋ maa wola heyaa fuɡri kɛŋɔ dua, dɛkalkɛ wenaale maa kpɔa ba ta he nɛɛ la, ɡelɔ mɛɛ di suna kohona.

Jeremia 9:6

Jeremia, nyosonteŋna binii he so, ba nyosone teŋa nomanta, ba vɛɛh mɛ kɛ menee Korowii baa dɛ tom mɛ. Men Korowiirii bola.”

Jeremia 9:7

Anomanta, Koranar Bwa Kooro ŋɔ, “Mɛɛ do n nɛra nii taa, dɛ́ daah ba na kɛŋɔ ba yon kpɔ buni do nii ta la ken. Bɔkwaa mɛɛ ba ɛɛ n nɛra wechɔɡa waa jaɔ?

Wiile 1:20

N Naa Korowii, na n suna maa dɛ di, n loo kuu, n bambile chɔɡ n wechɔɡa wa. Nɛŋkpoa lɔ fɔɡbaahna, hale nɛra ɛɛ serewe deremi ta.

Wiile 3:32

A lole kɛŋɔ wɛɛ ba suna dii nee, kɛ wɛɛ berɔ dɔ tedoma, o nyina aa wola jaɡa dɔe kan kohona.

Wiile 3:33

O sie aa lɛ kɛŋɔ ó kpɔ wenaale kɛɛ suna dii ba ta nɛn nɛ.

Ɛsekeɛl 33:11

Ŋɔ ba be ŋɔ men Nemenɛ Korowii taa lole nɔ, n ŋwɛɛrɔ ŋɔ, ‘Ń sie aa wechɔɡ-ɛɛra seo ta lɛ, n dɛ nyin kɛ ba le a ta, dɛ́ dɔ ba nyu. Israel tena, hé charɛ! He charɛ he liire, dɛ́ le liichɔɡa ŋwɛnɛ bɛlbwa ta. Hé ɡel wechɔɡa haa dɛ ɛ la. Ɛrɛɛ hɛɛ nyin seo nɔɔ?’

Ɛsekeɛl 6:9

Banɔ la baa laɡ ba kaa harɛfala ta la, belaa baa ba liira kɛŋɔ ba fa ɛo wechɔɡa, dɛ vɛh o waa ta teŋa, dɛ kaa tomɛ voɡa. Ásɛ a we ba nɛ, wechɔɡa ne waa Korowii aa kia ba ɛ la wa.

Hosia 6:4

Korowii ŋɔ, “Ń ɛ heyaa ɛrɔɔ, Israel ne Juda tena? He nyina haa dɛ nyin mɛ la do kɛŋɔ chɔɔbɔr kɔɔla, ne chɔɔlen mɛn aa wola biɡri la ken.

Hosia 7:1

Korowii berɔ ŋɔ, “Saŋ bɛlbwa men Korowii aa ŋɔ ń chah n nɛra Israel tena dɛ́ ɡel ba dɔ kwaa ja la, ba nyubinikpeɡ ne ba wechɔɡa ɡboo mɛɛ na. Ba dɛ faah dɔŋa, dɛ jo deene dɛɛ ŋwɛ, dɛɛ ŋwɛ nɛra kwaa fɔɡbaahna.

Emɔs 4:11

N chɔɡ he bini bane, ɡɛ maa chɔɡ Sodom ne Gomoora tena la. Dɛ he do kɛŋɔ nindaa waa lɔ nii ta n kee heyaa le, kɛ he ta berɛ ba n be. Men Korowiirii bola.

Emɔs 7:3

Anomanta, Korowii ɡelɔ. Dɛ ŋɔ, “Maa ɡela ba a chiɡ kpa.”

Emɔs 7:6

Anomanta, Nemenɛ Korowii ɡelɔ, dɛ ŋɔ, “Maa ɡela ba a chiɡ kpa.”

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Sefania 2:9

Men Koranar Bwa Kooro Israel tena aa dɛ tom mɛ taa lole nɔ, n ŋwɛɛrɔ kɛŋɔ, Moab dɛ ba chɔɡa kɛŋɔ bwɛjen Sodom, ásɛ Amɔn ɡe chɔɡ kɛŋɔ bwɛjen Gomoora ken. Aa berɛ yar kwibɔraa, kpɔɡa le a ta, á chɔ pɛɛ saŋ bɛlbwa dɛɛ la. N nɛra baa ka laanee dɛ́ pa ba laala, dɛ́ ka kpɔ ba harɛ la so.”

Matiu 23:37

Oo, Jerusalam tena! Korowii tomɛ o keamere he be naa, ɡɛɛ he kpoo ba, o tomɛ toroma he be naa, ɡɛɛ he foɡ ba bwea. Saŋ bɛlbwaa mɛɛ nyin kɛ ń kpɔ nɔn tɔ he nɛɛ kɛ jal aa lawɛ o bii dɛɛ do o kena lɔɡre la, kɛ haa nyin kɛ ń lawɛ heyaa pɛ.

Mmarare 29:22

He bii ne he naanar baa ka ba ne hɔɔhra baa le bojaŋa ɛɛ na weela ne ɡɛ Korowii aa chɔɡ he harɛ nɔɔ.

Mmarare 29:23

He harɛ ɛɛ chɔɡoo komɛlbwa aa wola won le o ta. Jebɔrɔwe ne yaree dɛɛ ba chura ta o ta. Haa won du komɛlbwa, kpɔɡa kwaraa aa won le o ta. Ásɛ he harɛ la do kɛŋɔ Sodom ne Gomoora ne Adma dɛ Seboiim, Korowii aa kpɔ bandia chɔɡa la.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

2 Pita 2:6

Sodom ne Gomoora tena fa aa dɛ ɛ wechɔɡa la, Korowii ŋɔ waa ɡel ba dwee ka, dɛ fuh ba ne ba bwɛɛre bwa dɛɛboo. Ba fuih chɔ le dɛɛ chaɡle waa aa ba chiɡ nɛra baa wola Korowii ɔmɛ nɛ.

Tɔn Jud Aa Chwera 1:7

Gɛɛ Sodom ne Gomoora tena ne bwɛɛre a fa aa lɔ ba jwɛɛh la tena, ɡe fa aa chɔ dɔŋa baa ne haah ŋwɛnɛdoŋ ta, aa wola were ne bola, dɛɛ chɔɡ ba te. Baa ɛ ɡɛ la, Korowii ɡelɔ nii le ba nɛ, ásɛ nɛra bwa na dɛ́ jemɛ kɛŋɔ Korowii dɛ tɛr wechɔɡ-ɛɛ deŋne nii aa wola dime bwa ne.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

Wepila 18:18

Baa na ɡɛ waa dɛ fuh, ásɛ chuu ɛɛ le la, baa kpɔ takpeɡ ŋɔ, “Jo bɛ le! Bwɛjen nɔ dɔŋ toole wɛɛ fuh ɡɛ la.”

Sitɔɔla 10:16

Anomanta, ba laa ba te kpɔ voɡa aa lɔ bela la ta dɛɛ tomɛ Korowii. Asɛ ba waa domɛ o tea, o sune ba nɛ.