Hosia 11:12 - mzwDBL

¹² Korowii ŋɔ, “Nyosone ɡboo Israel tena teŋe dɛɛ tɛ mɛ, tɔpere bwaa baa neɡ mɛ. Juda tena ta dɛ ɛɛ mɛ deŋnekpeɡ, men Korowii Maa Do Goroŋ dɛ dɔ kasinteŋ la.”

Hosia 11:12 ပူးပေါင်းရင်းမြစ်များ

Mumpar 2:11

O kpale waa tɔ sie la sɔne Pesɔn Moo. O palɔ dɛ ɡoli kpɔ Havila harɛ ta bela suuɡaswɛm aa lole.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

Yela 78:36

Kɛ dɛ neɡra ɡboo baa neɡro, ba wobɛlbwa ta kasinteŋ ɛɛ.

Aesaya 29:13

Korowii ŋɔ, “Nɛra nɔ te, nyoa ɡbo nee baa baɡle kɛŋɔ n ne ba pɛo, nyoa ɡbo nee baa duu mɛ, kɛ ba tea bini te ta toe. Toma baa dɛ tom mɛ la, nɛwɛnyini mmarare taa baa baɡle ŋɔ nɛ́ra teŋɛ.

Aesaya 44:20

A ɛ wesale kɛŋɔ waa dɛ di tɔɔ ken. O neɡre o nyu dɛ nyoɡre ŋwɛnɛ. Waa won lɛ o te, á ba ɛ kɛŋɔ wɛɛ won jemɛ dɛ ŋɔ, “Kon maa kpoŋa ɛ nyosone kon.”

Hosia 10:13

Kɛ a ɛo kɛŋɔ haa du wechɔɡa dɛ komɛ wechɔɡa. He di he nyosone la nɔna. Haa kpɔ he te dawɛ he bokpeɡa ta, ne he laa tena baa wara dɛ jemɛ yoi nɛɛ nomanta,

Hosia 12:1

Israel tena wobɛlbwa ɛ wepɛɛ dɛɛ chɔɡ wa tɔpere te bɛlbwa. Ba chwao dɛɛ ti nyosone, asɛ naɡrenyin we-ɛɛla ɡe su ba bwa. Ba ne Asiiria tena fɔwɛ fɔo, ba ne Ijipt tena ɛɛ di bona.

Hosia 12:7

Korowii ŋɔ, “Kon-yoɡra kpɔ kwaa aa wola chɛɛ maɡɛ kwaa dɛɛ faah nɛra, ba sie dɛ lɛ nɛn faahra ta.

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 4:2

Taahna wobol ɡboo lɔ he nyoo, he dɛ teŋe nyosone, dɛɛ kpoo dɔŋa, dɛɛ ŋwɛ, dɛɛ chɔɡ yal, dɛɛ ɛ anɔ la aa wola were bwa dɛɛ ja. Nɛŋkpoa ɡboo harɛ nɔ ta bwa.

Hosia 7:16

Ba teŋɔ berɛ habɔɔ dɛɛ kpo men Nemenɛ Korowii, dɛ kaa tomɛ voɡ waa wola kpeɡri dɔe, ba do kɛŋɔ to waa sɔɔhna ken. Laa taa baa ba ba nomonome kpoora, ba mbarafo wobol wa, ásɛ Ijipt tena mam ba.”

Hosia 7:3

Ba nyubinikpeɡ we-ɛɛla dɛ lɛ kooro sie, ba nomonome ɡe sie ɛɛ lɛ nyosone baa dɛ teŋe ta.

Maeka 6:12

He nɛra haa dɔ suuɡa dɛɛ ɛɡre nyaara, nyosonteŋna ɡe ɡboo he bwa.

1 Kɔrent 6:2

Haa jemɛ kɛŋɔ kerekere Korowii nɛraa dɛɛ ba harɛ nɔ ta nɛra waa bola dɛ́ pa bole kɛɛ? Dɛ heyaa dɛ́ ba bol ba waa te naa, ɛrɛɛ haa wola won bol wejeɡre aa do ken nɔɔ?

Wepila 1:6

O ɡelɔ ya bwa ɛ o Kora ta nɛra, dɛ ɛ sɔfore dɛɛ tomɛ o Mɛɛ Korowii. Anomanta, hé tɛo sɔn. Onee dɔ kpeɡri saŋ bɛlbwa dɛɛ la. Aamen.

Wepila 3:21

Naate waa won yo le la, mɛɛ ɡeloo n ne o ka so n kookara ta, ɡɛ n fa aa yoa le dɛ ka so n Mɛɛ be o kookara ta la.

Wepila 5:10

dɛ ɡel ba ɛ N Naa Korowii Kora nɛra, ne o sɔfore dɛɛ tomɔ, dɛ́ ba di kora harɛ nɔ bwa ta.”