Awola tɔpere la, Korowii ɛɛ berɔ che o kpeɡri ta lɛ o nɛra baa kaa dɛ le Asiiria ne Ijipt ne Patrus, ne Itiopia ne Elam ne Babelɔn, dɛ Hamat harɛre bwa, dɛ banɔ la bwa baa lɔ bojaŋa harɛre ta.
Baa bao dɛ ba ɡo silɛɛ yela Saayɔn Bwejen la ta, ásɛ ba sie lɛ n koŋkɛɛla, aa ɛ mea ne sen ne ɔleve no, dɛ peera ne nae bwa ta. Baa doo kɛŋɔ bodɛɛɡe ba du daa, bwaala nɛ o ta ken, dɛ́ dɔ kondɛɛɡa men Korowii aa kpɔ tɛɛ ba. Ásɛ ba sunaa di kpa.
Harɛ la ta daa bɛlbwa ɛɛ nɔnɔɔ kɛrɛdɛ, ásɛ koo kondikwaa ɛ kohona, nomɛlbwa so deŋnesɔɔhna ta o harɛ ta. N baa lawɛ n nɛra le nɛra baa dɛ fiɡ ba kɛ yoma nɔn ta naa, anee baa ba jema kɛŋɔ menee Korowii.
Harɛre ane nɛra baa wola Korowii tomɛ aa won ba yoo ba, dɛ́ pa ba laala kaa kpa. Gɛɛ kpɔɡ bini olchɔɡa ɡe aa wola won ba laɡ ba chwe. Nomɛlbwa aa won ba aah ba kpa, ásɛ ba so deŋnesɔɔhna ta.
dɛ́ ŋɔ men Nemenɛ Korowii ŋɔ, ‘Mɛɛ lawɛ n nɛra Israel tenaa le harɛre baa chwaa ka so a ta laanee. Mɛɛ boa ba nyoa le bela bwa baa lole, dɛ́ berɛ ba ba ne ba ɡbabir harɛ ta.
Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.
Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.
Israel tena ta liire dɔe, ba do kɛŋɔ kweah waa ira, dɛ la dɛɛ ba waa wola sobɔr dɔe. Ba tɔ sie yerɛ Ijipt tena ŋɔ bá cha ba, dɛ berɛ chwa la Asiiria tena be.
Mɛɛ berɔɔ le ba ne Ijipt harɛ taa ba, dɛ́ boa ba nyoa le Asiiria harɛ ta. Mɛɛ kpɔ baa ba Gelead ne Lɛbanɔn harɛre ta, ásɛ ba warɛ harɛre la ta baa wola a taa jo.