Hosia 11:1 - mzwDBL

¹ Korowii ŋɔ, “Israel fa aa do kɛ bechala la n nyinu, dɛ yerɔ le Ijipt harɛ ta kɛŋɔ n bie.

Hosia 11:1 ပူးပေါင်းရင်းမြစ်များ

Yela 129:1

N bonɔɔne saŋ bwaa ba le fiɡ mɛ kohona. Israel tena, hé chaŋe ŋɔ,

Kaala 19:4

“Hé ɡbabir na ɡɛ maa ɛa Ijipt harɛ ta, ne ɡɛ maa kpɔ heyaa kɛŋɔ kee yon kpɔ o bii o kena ta dɛ ba he ne n be.

Kaala 4:22

Ásɛ he ŋɔ o be ŋɔ, Israel tena do kɛŋɔ n bibanloɡle ken,

Kaala 4:23

asɛ n ŋɔ he be ŋɔ, he tɛ n bibaa ŋwɛnɛ ásɛ o ka tom mɛ. Kɛ he vɛoh, anomanta, mɛɛ kpo he ɡe bibanloɡlee.”

Aesaya 43:4

He waa hiah mɛ kohona, he waa aa dɔ jirima n be mɛɛ nyin heyaa nomanta, mɛɛ kpɔ harɛre ne a nɛraa charɛ he nyu.

Jeremia 12:7

Korowii berɔ ŋɔ, “Mɛɛ vɛh n nɛra Israel tenaa, nɛra maa lee ba tɛ n te la. Mɛɛ lawɛ nɛra maa dɛ nyin ba waa do ba dɔma nɔn ta.

Jeremia 2:2

“Ir la ka bol n waa nɔ Jerusalam tena be ŋɔ, ‘N dɛ lii ɡɛ he waa fa aa dɔ kasinteŋ tɛ mɛ he toli saŋ, ɡɛ maa mo heyaa loɡla hɛɛ nyin mɛ, dɛ teŋɛ n nɛɛ pua hɛŋle ɡbo harɛ ta, harɛ baa wola komɛlbwa o ta due.

Ɛsekeɛl 16:22

Haa lɔ waa maa kia ne jwamane ta la, he ta ɡɛ haa doa he bechale saŋ liire. Gɛ saŋ haa chɔ mumɡbal chal ta dɛɛ ta nakpale la.

Ɛsekeɛl 16:6

Belaa n teŋe baa kaa dɛ nae kɛ haa chɔ chal ta dɛɛ ta nakpale. He taa chɔ chal ta bela la, n ŋɔ he be ŋɔ, dɔ́ he nyu dɛ́ so.

Hosia 10:15

Gɛɛ dɛɛ ba he Bɛtel tena nɛɛ chiɡa, dɛkalkɛ he wechɔɡa kan kohona. Awola tɔpere laa la aa pa mun la, baa ba kpo Israel kooroo.”

Hosia 12:13

Korowii cheɡɛ o keame Mosis nɛɛ dɛ lawɛ Israel tena le Ijipt harɛ ta, dɛ ɡel o nyiŋi ba nɛ.

Hosia 12:9

Menee Korowii haa dɛ tom mɛ n lawɛ heyaa le Ijipt harɛ ta la. Mɛɛ berɔɔ ɡel he so tɛnte deene bini ja, kɛŋɔ ɡɛ saŋ he fa aa soɡe a bini tɔpejena dii maa lea cheɡ ta la.

Hosia 13:4

Korowii ŋɔ, “Menee Korowii haa dɛ tom mɛ n lawɛ heyaa le Ijipt harɛ la. He bɛ voɡ bɛlbwa yarada ka ja n nɛ. Lɛɛ bɛlbwa toole ka ja n nɛ.

Hosia 2:15

Mɛɛ berɛ o daa kooni laanee tɛo, ásɛ dɛ berɛ Akɔ Fɛlembɔjen la bela hwɛɡa aa lole. Belaa wɛɛ ba yela ɡoe silɛɛ ne kɛŋɔ o toli saŋ, ne ɡɛ awola tɔpere waa le Ijipt harɛ ta la ken.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,

Matiu 2:15

dɛ ka so bela ka tel ɡɛ saŋ kooro la aa sewa. A ɡɛ waa nɔɔ chiɡa dɛ ɡel waa Korowii aa cheɡɛ o keame la nɛɛ bol la ɛ kasinteŋ. O ŋɔ, “N bie lɔ Ijipt harɛ, asɛ n yerɔ o ba.”

Mmarare 33:3

Kpelaa, Korowii dɛ nyin o nɛra, dɛ kpɔ nɔn dɛɛ tɔ banɔ la baa lɔ o be pera nɛ. Ba bwa ɛɛ ɡuŋi he siee dɛɛ no he wa.

Mmarare 7:7

Wara laa he warɛ Korowii koh a waa nyin heyaa dɛ le heyaa kɛ o nɛra, heyaa fe wola kanɛ kwaraa.