Hosia 10:5 - mzwDBL

⁵ Nɛra baa soɡe bwɛjen Samaria ɛɛ ɔmɛ suuɡaswɛm baa kpɔa loɡɛ nabale o do bwɛjen Bɛt Avɛn la waa. Ba ne sɔfore baa dɛ tomɔ la bwa ɛɛ wiu kɛrɛdɛ, ba sie aa o we-ɛɛla taa lɛ, dɛkalkɛ ba laa kpɔ le ba be kaa bojaŋ harɛfale ta.

Hosia 10:5 ပူးပေါင်းရင်းမြစ်များ

2 Koranar 10:29

Kɛ dɛ o ta teŋɛ Kooro Jɛroboam wechɔɡa waa ɛa dɛ ɡel Israel tena ɡe ɛ wechɔɡa dɛ jo Korowii nɛɛ la ta, suuɡaswɛm baa kpɔa ɛ nabali a che bwɛɛre anɛ ane baa dɛ yera Bɛtel ne Dan la.

2 Koranar 17:16

Ba ɡel Korowii baa dɛ tomɔ la mmarare bwa ta teŋa, dɛ loɡɛ nabali anɛ, dɛ ɛa voɡa dɛɛ toma. Dɛ paaɡe ba voɡ Asera dajaŋa dɛɛ tomɛ weweela ne voɡ Baal.

2 Koranar 23:5

O ir kerekpoŋra Juda koranar aa cheɡ ba baa fuh konsɔɔhsoma deŋɡarere aa lɔ Juda harɛ ne bwɛɛre aa bar Jerusalam bwa ta, dɛɛ tɛ voɡ Baal ne wee ne korobie ne weweela, dɛ kwaa aa lɔ nyundua bwa.

2 Webena 11:15

Kooro Jɛroboam le o ɡbaɡba kerekpoŋra ba so voɡa ta, dɛɛ tomɛ daabii ne nabali, dɛ voɡa waa sɛah la.

2 Webena 13:8

Taraken he dɛ nyin kɛ he yo Korowii Kora waa kpɔa do Kooro Devid naanar nɔn ta la. He laa tena warɔ dɛ berɛ dɔ nabali Kooro Jɛroboam aa kpɔ suuɡaswɛm ɛa, a ɛ voɡa haa dɛ toma.

Aesaya 46:2

Voɡa la ta wone lɛ a te, ba dɔma cheɡɛ a bwa kaa.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 5:8

Hé hoh laa bɛla Gebea, dɛ́ hooh Rama ɡe. Hé do laa lɔŋɔ Bɛt Avɛn. Bɛnjamen dea tena, hé ir dɛ́ tɔ sie.

Hosia 9:1

Hosia ŋɔ Israel tena be ŋɔ, “He bɛ ɡel he sie lɛ kɛŋɔ harɛre ane nɛra. Dɛkalkɛ he le Korowii haa dɛ tomɔ la habɔɔ. Mea pɛla bɛlbwa haa cheme o ta la, he sie dɛ lɛ jwamansuuɡa ta.

Hosia 9:11

Israel tena jirima ɛɛ le ba nɛɛ kaa kɛŋɔ jumbie aa ira kaa la ken, baa biirii loɡle tɛɛ ba kpa, haahna aa teenee kpoŋe, baa teene ɡee jo kpa.

Emɔs 3:14

“Awola maa ba tɛr Israel tena deŋne ba wechɔɡa waa la, mɛɛ paɡre kwaa baa dɛ ɛ saraha a ta Bɛtel bwaa, dɛ́ kuuɡi kwaa aa do kɛŋɔ nyeɡlare dɛ paaɡe a ta bwaa bil harɛ.

Sefania 1:4

Mɛɛ tɛr Juda harɛ, ne nɛra baa soɡe Jerusalam la bwa deŋnee. Mɛɛ chɔɡ voɡ Baal ne o komɛlbwaa kwaraa, ásɛ nomɛlbwa aa o kerekpoŋra la waa lii kpa.

We-ɛɛla 19:27

Waa dɛ ɛ ɡɛ nɔ, n dɛ ɔmɛ kɛŋɔ ya toma nɔ sɔn bɛ ba chɔɡ. Ya toma nɔ ɡbo sɔn laa dɛɛ ba chɔɡa. Ya voɡjen Aatemes dea nɔ nɛra aa dɛ maŋkurao nɔ, baa on komɛlbwa yera ba kpa, ásɛ o sɔn sewɛ, ásɛ dɛ kpo voɡ baa dɛ tomɔ Eesia harɛ ne bobɛlbwa la sɔn kwaraa! Baa on ɔmɛ kpa.”

Josua 7:2

Josua tomɛ nɛra bane le bwɛjen Jeriko ŋɔ bá la bwɛjen Ai ta. O bɛne bwɛɛ Bɛt Avɛn, dɛ do Bɛtel wee leebɔr. O ŋɔ baala la be ŋɔ, “Hé la dɛ́ ka sɔh nyiŋi harɛ la.” Ate, ba la dɛ ka sɔh nyiŋi bela.

Sitɔɔla 18:24

Anee o chaŋ ba ŋɔ, “Haa jemɛ waa haa ɛa aa? He kpɔ n voɡa maa ɛa ne n Kerekpoŋri kaa. Bɔkwaa n dɔ jaɔ?”