Hosia 10:1 - mzwDBL

¹ Israel tena fa do kɛŋɔ ɡrepo da, asɛ nɔna su o bwa. Ba kondɔɔh do kɛŋɔ ɡrepo nɔna ken, aa dɛ warɛ la, dɛ ba dɛ ɛ kwaa baa dɛ ɛ saraha a ta aa warɛ. Harɛ la dɛ ɛ kondikwaa kohona naa, ɡɛɛ ba ɡe ɛɛ paaɡe bwea aa wera kɛrɛdɛ dɛɛ duura.

Hosia 10:1 ပူးပေါင်းရင်းမြစ်များ

1 Koranar 14:23

Ba ɡe cheɡ voɡa deŋɡarere ta, dɛ paaɡe bwea, dɛ kpɔ voɡ Asera dajaŋa paaɡe deŋɡare bɛlbwa ta ne dajen bɛlbwa mun.

Jeremia 11:13

Juda tena voɡare warɔ kɛŋɔ ba bwɛjena ken, asɛ kwaa baa dɛ fuh konsɔɔhsoma a ta dɛɛ tɛ ba sihihvoɡ Baal ɡe warɛ, kɛŋɔ Jerusalam fɔɡbaahna aa wara la.

Jeremia 11:17

Israel ne Juda tena fa do kɛŋɔ daa men Koranar Bwa Kooro aa dua, kɛ taraken n liiro kɛ ń kpɔ wahala ba ta ba nɛ. Ba wechɔɡa waa a ɡɛ waa nɔ ɡure ba nyu ta. Dɛkalkɛ ba ɛ wechɔɡa dɛ jo n nɛ, dɛ kaa fuh daawiile voɡ Baal ta dɛɛ muɡli n baah.”

Jeremia 2:28

Leperaa voɡare he ɡbabir aa ɛa la dɔɔ? Dɛ waane pu heyaa aa, hé yera, dɛ aa won ba lɛ heya aa! Juda tena, he voɡare warɔ kɛŋɔ he bwɛjena.

Hosia 12:11

Ane a bwa, Gelead tena dɛ tomɛ voɡa. Banɔ la baa dɛ tomɛ voɡa la ɛɛ serewoo. Ba dɛ kpoo nabala dɛɛ ɛ saraha Gelɡal. Kwaa baa dɛ ɛ sarahare a ta la, ɛɛ chɔɡoo kɛŋɔ bwea aa dawɛ dɔŋa nɛɛ harɛ baa parɔ ta.”

Hosia 12:8

Israel tena dɛ ɛ mbarafo dɛ ŋɔ, ‘Ya dɔ suuɡa, dɛ ɛ dɔɔhna. Ya kondɔɔh bwa habɔɔ baa wechɔɡa bɛlbwa ya nɛɛ na.’

Hosia 13:15

a lole kɛŋɔ he wer he bala bini. Mɛɛ ɡeloo peuchɔɡe ta le wee leebɔr, dɛ́ ta le pua hɛŋle ɡbo harɛ ta. Nee aa won palɛ le neerare nyuune ta, ásɛ buli hweeh. Mɛɛ pa he kondɛɛɡaa le bela haa dɛ cheɡa la kaa.

Hosia 13:2

Ba ta teŋɔ dɛɛ ɛ wechɔɡa kohona, ba kpɔ ba suuɡapoŋa dɛɛ ɛ voɡa, ba ɛa a do wer kɛrɛdɛ, a bwa ɛ kwaa nɛra baa dɔ a wejema aa ɛa. Ba bol ɡɛ nɛra nɔ waa ŋɔ, “Ba kpoo nɛra dɛɛ ɛ saraha, dɛɛ mo voɡ baa ɛo kɛŋɔ nabale la lwɛɛma.”

Hosia 13:6

Maa tɛ heyaa kondikwaa he di la, he vaɡrɔ, haa vaɡra la, he ɛ mbarafo asɛ dɛ soh n wa.

Hosia 2:10

Mɛɛ wuruu ó che mumɡbal o sɛnanar la sie, nomɛlbwa aa wola won lɛo le n nɔn ta.

Hosia 2:8

O ɡbabir ta liire kɛŋɔ menee tɛo kwaa kɛŋɔ mea, senfala ne ɔleve no, ne suuɡapoŋa dɛ suuɡaswɛm kohona, o kpɔ kaa tomɛ voɡ Baal la.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Hosia 4:7

He sɔfore, haa dɛ warɛ la, dɛ he dɛ ɛɛ mɛ wechɔɡa kohona. Anomanta, mɛɛ ɡeloo he jirima berɛ sihiih.

Hosia 8:11

Israel tena aa ɛ kwaa baa ɛ saraha a ta aa warɛ la, dɛ ɡɛɛ ba wechɔɡa ɡe ɛɛ warɛ.

Hosia 8:4

Ba cheɡ koranar maa wola a waa jemɛ, dɛ le nomonome le n habɔɔ. Ba kpɔ ba ɡbaɡba suuɡapoŋa ne suuɡaswɛm ɛ voɡa dɛ kpɔ chɔɡ ba te.

Lewi Dea Tena 26:1

Korowii berɔ ŋɔ, “He bɛ voɡa kɛɛ kon haa sɛoh kɛɛ bwe kpɔ pa dɛɛ tomɔ. Menee Korowii haa dɛ tom mɛ la.

Neehum 2:2

Korowii berɔ dɛɛ ba Jekɔb jirima kpɔe tɛo, kɛŋɔ waa kpɔ Israel tena jirima tɛɛ ba la. A lole kɛŋɔ nɛnchɔɡa chɔɡ ba bwa, harɛ la chɔ pɛɛ, dɛ chɔɡ ɡrepo daa baa kpɔ a nɔna dɛɛ ɛ sen bwa.

2 Kɔrent 5:16

Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

Felepae 2:21

Dɛ o laa aa, bɛlbwa sese dɛ dawɛ o ɡbaɡba wa, waa Yeesu Kristo waa dawɛ.