Hosia 1:10 - mzwDBL

¹⁰ Israel tena ɛɛ warɔɔ kɛŋɔ mpo nyoa hɛŋle ken, baa wola won kur ba. Korowii ŋɔ ba be ŋɔ, ‘He ta n nɛra ɛɛ’, kɛ tɔpere bɛl dɛ ba ó yer ba ‘Korowii waa lole saŋ bɛlbwa bii’.

Hosia 1:10 ပူးပေါင်းရင်းမြစ်များ

Mumpar 13:16

Mɛɛ ɡeloo he naanar warɛ kɛŋɔ hɛŋle ken, nomɛlbwa aa wola won jemɛ ba nyoa bwa.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Mumpar 32:12

Henee ŋɔa ŋɔ hɛɛ ɡeloo he naanar warɛ kɛŋɔ, mpo nyoa hɛŋle nomɛlbwa aa wola won kur ba.”

2 Samoɛl 7:24

He lɛ he nɛra Israel tena cheɡ saŋ bɛlbwa dɛɛ la, asɛ dɛ ɛ Korowii baa dɛ tomɛ.

Aesaya 43:6

Mɛɛ ŋɔ weekaŋle nyunduabɔr, ne weekaŋle harɛbɔr tena bee ŋɔ bá tɛɛ ba ŋwɛnɛ bá kaa! Hé kpɔ n bibaala le bojaŋ ba, dɛ́ kpɔ n bitoli baa lɔ harɛ jaɡa ɡe ba,

Aesaya 48:19

He naanar fe ɛɛ warɔ kɛŋɔ mpo nyoa hɛŋle ken. N fe nyiŋ ba kɛrɛdɛ ba dɔma bɛ won chɔɡ ba, ásɛ ba sɔn bɛ he.”

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Aesaya 64:8

N Naa Korowii, ya mɛɛ hen, ya do kɛŋɔ choh, asɛ henee mamaa. Henee ta ya bwa.

Aesaya 65:1

Korowii ŋɔ, “N kpɔ n te baɡle nɛra baa wola n waa bɔɔrɛ, kɛ nɛra baa wola n bɔr ɡaaɡɛ laanee na mɛ. N yerɛ harɛ o nɛra aa wola men tomɛ dɛ ŋɔ, ‘Menee nɔ. Menee nɔ.’

Aesaya 66:20

Baa kpɔ he bala baa lɔ bela harɛre la ta laanee ba tɛ mɛ kɛŋɔ koŋkɛɛla ken. Jaɡre ne keeɡore ne nyoɡmare ne kwaa aa do kɛŋɔ torɔɡore, ne anɔ la aa dɔ tɔre baa taɡa nee baa ba koŋkɛɛla ne bala ba tɛ mɛ, n bwejen waa do ɡoroŋ ta Jerusalam. Baa ba a nee kɛŋɔ Israel tena yon kpɔ mea sarahare do kondɛɛɡa bini baa tɛ mɛ n Dea la ken.

Jeremia 33:22

Mɛɛ ɡeloo n bonɔɔ Devid naanar, ne Lewi dea tena baa ɛ n Dea sɔfore mun ya kohona, ásɛ ba bɛ won kur ba, kɛŋɔ baa wola won kure weweela kɛɛ mpo nyoa hɛŋle la.”

Daneɛl 6:26

N do mmara harɛ maa dɛ di kora o ta la kɛŋɔ, nomɛlbwa ɛɛ ɔmɛ dɛɛ duu Korowii Daneɛl aa dɛ tomɔ la. O ɛ Korowii waa lole saŋ bɛlbwa, o lole saŋ bɛlbwa dɛɛ la. O kora aa ɡu bwa, o kpeɡri waa dɔa ta jaɡa dɔe.

Hosia 1:9

asɛ Korowii ŋɔ Hosia be ŋɔ, “Pa bie la sɔn Lo Ami, dɛkalkɛ Israel tena ta n nɛra ɛɛ, baa men Korowii tomɛ.”

Hosia 2:23

Mɛɛ kpɔ n nɛra Israel tenaa, ásɛ ba ba so harɛ la ta, nɛra n fa aa ŋɔa ‘Maa ban nyin la,’ ń berɛ nyin ba wa. Nɛra maa ŋɔa ‘Ba ta n nɛra ɛɛ la’, ń berɛ ŋɔ ‘Hé ɛ n nɛra’, ásɛ ba ŋɔ, ‘Henee Korowii yaa dɛ tomɛ la.’ ”

Amanesoma Jɔn Aa Chwera Tɔn 1:12

Kɛ nɛra la te bwa baa lɛo dɛ yaradao la, o tɛɛ ba kpeɡri kɛŋɔ bá ɛ Korowii bii.

Tɔn Pɔɔl Aa Chwerɛ Rom Tena 8:19

Korowii kontaala bwa siwi swɛɛrɔ aa kpa tɔɔ la wee Korowii aa baɡle nɛra baa ɛ o bii la.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

Hibru 11:12

Abraham aa hwɛɛhra waa wola kpeɡe kpa la, o wono lolɛ, asɛ o naanar ɡe ya, dɛ warɛ kɛŋɔ weweela kɛɛ mpo nyoa hɛŋle ken.