Kɛ le Adam bere saŋ la ba le Mosis bere saŋ la, dɛ seo chɔ le tɛ nomɛlbwa. Hale nɛra ba fa aa wola Korowii nyoa vɛɛh kɛ Adam la bwaa fa dɛ serewe. Adam chaaree naate ba fa aa ŋɔa o dɛ ba bala la. Onee Yeesu Kristo.
Amɔ dɛ Mosis Mmara nɔ ne nyoo Korowii aa baɡɛ yaa la aa jo kɛɛ? A dɛ jo. Dɛ nɛwɛnyini fe dɔ mmara bɛl waa dɛ ba wona toɡre nɛra ásɛ ba dɔ ba nyu aa, ate nomɛlbwa waa dɛ teŋɛ ɡɛ mmara la ta la, o waa fe ɛɛ su Korowii siwii kɛŋɔ o ɛ nɛndɛɛɡe.
Dɛ Abraham jemɔ kɛŋɔ hale dɛ Aesek sewɔ kwaraa naa, Korowii dɔ kpeɡri kɛŋɔ ó won iru seo ta. Yaa wonoo ŋɔ sewaa Aesek sewɛ dɛ berɛ ba Abraham nɔn ta ja.
Gɛ saŋ Korowii aa tɛ o nɛra Mmara la, ɡɛ saŋee Lewi dea tena pa mun dɛɛ di sɔfore. Dɛ nɛra fe ɛɛ wonoo che saraha Lewi dea sɔfore la fa aa ɛa dɛɛ tɛɛ ba la ta dɛ ɛ nɛndɛɛɡa ka tonaa, a fe ta hiaih kɛŋɔ Sɔfo waa do kɛŋɔ Mɛlkesɛdɛk berɛ ba, dɛ́ ɡel onɔ la waa le Lewi dea dɛ do kɛŋɔ Arɔn.
Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.
A ɡɛ nee nɔ cheɡɔ tɛ Korowii nee baa dɛ sɔ yaa aa lɛ yaa la. Korowii nee sɔe ta bwara doŋa yaɡla ɛɛ. Korowii nee sɔe munii kɛ ya soŋe Korowii ó tɛ yaa tepoŋ. A cheɡɛ Yeesu Kristo seo ta ira ta, asɛ nee sɔe la won dɛɛ lɛ yaa.