Hibru 9:7 - mzwDBL

⁷ Dea la bonɛɛte la te la, Sɔfonomoa ɡboo dɛɛ jo o bini. O ɡba kwaraa la, kerabeŋkpoŋ ɡboo wɛɛ jo bela bena bɛlbwa. O ta chal kpoŋaa, waa bela jo. A nee o kaa soŋe o wechɔɡa ne nɛra la wechɔɡa baa ɛa baa wola jemɛ kɛŋɔ ba ɛ wechɔɡa la.

Hibru 9:7 ပူးပေါင်းရင်းမြစ်များ

2 Samoɛl 6:7

Korowii baah di Ussa nɛɛ kohona, dɛkalkɛ o kono kɛ waa lawɛ Korowii Ne Nɛwɛnyina Fɔo Daka la kpoŋe la. Anomanta, Ussa sewɔ chɔ Korowii Fɔo Daka la keŋkeŋ.

2 Webena 33:9

Kooro Manasɛ ɡelɔ Juda harɛ ta nɛra nyoɡre, dɛ ɛ wechɔɡa ɡwaa harɛre nɛra Korowii fa aa doŋ ba le o nɛra Israel tena sie la.

Yela 19:12

Umee dɛ́ won jemɛ o ɡbaɡba wechɔɡa waa ɛaɔ? N Naa Korowii, lɛɛ mɛ le wechɔɡa maa wola jemɛ dɛ ɛ la ta.

Yela 95:10

Bene fifraanaarɛ bwaa n baah di ba nɛ, asɛ n ŋɔ, ‘Ba deŋne kpeɡri! Ba vɛh waa maa do ba a ta.’

Kaala 30:10

Benanyoa bɛlbwa, kerabeŋkpoŋii chɛ kɛ Arɔn ɛ wechɔɡa kpɔe dɛ kɛ saraha, dɛ́ kpɔ kon baa kpo ɛ saraha la chal laa doŋa kpɔ nyeɡlare la ta. O do ɡoroŋ kohona tɛ mɛ.”

Aesaya 28:7

Hale Korowii keamere ne sɔfore la dɛ nyɔ sen dɛɛ yɛɛɡe. Ba nyɔ seŋkpeɡa dɛɛ kɛŋle dɛ wili. Keamere la seŋkpeɡa nyɔe kohona ɡelɔ waa Korowii aa ɡela baa naa chaahna ta la, baa a bini nae dɛɛ baɡle. Sɔfore la ɡe wili waa bola dɛ́ pa bole aŋwɛnɛ ta.

Aesaya 29:14

Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Aesaya 3:12

Toli ne bonɔɔna dɛ fiiɡi n nɛra. Haahnaa dɛɛ nyiŋi ba nɛ dɛɛ do ba. N nɛra, he sitɔɔla ɡelɔ he nyoɡre. Ba ɡelɔ he nyoɡre ŋwɛnɛ.

Aesaya 9:16

Nɛra baa tɔ nɛra la sie la, ɡelɔ baa koni, dɛ ɡel banɔ la baa teŋɛ ba nɛɛ la ɡe nyoɡre kwaraa.

Hosia 4:12

Daa baa teŋa ɛ voɡa taa baa la dɛ kaa bɔɔ ba nyuune wa, ásɛ daa la ɛɛ bol waa ba be. Ba laa ba te kpɔ men Korowii baa dɛ tom mɛ nɛ, kɛŋɔ hanjwamane dɛ kaa tomɛ voɡa ane.

Lewi Dea Tena 16:34

Mmarare nɔ chɛ kɛŋɔ hɛ́ɛ teŋɛ a ta saŋ bɛlbwa dɛɛ la. Bena bɛlbwa, kerabeŋkpoŋii chɛ kɛ bá soŋe Israel tena wechɔɡa bwa ń kpɔ kɛ ba.” Asɛ ba ɛ a bwa ɡɛ Korowii aa do Mosis ŋɔ ba ɛ la.

Lewi Dea Tena 5:18

Naate lawɛ pebal waa wola kirihiah bɛlbwa dii, o yoɡ do ɡɛ baa maɡa la dɛ́ kpɔ ka tɛ sɔfo la, ásɛ o kpɔ ka ɛ naate la bolchɔɡe dii saraha. Gɛɛ sɔfo la ɛɛ ba ɛɛ dɛ soŋe naate wechɔɡa waa wola saahnɛ ɛ la ásɛ n kpɔ kɛo.

Emɔs 2:14

Nɛra baa won chwae la aa won le a nyoa, bokpeɡa tena ɛɛ ɛo kahonɛ, banyoo bɛlbwa ɡe aa won lɛ o nyu.

Nɛra Kura 15:25

Sɔfo la chɛ kɛ ó soŋe Israel tena bwa wechɔɡa tɛɛ ba Korowii be, ásɛ o kpɔ kɛ ba, dɛkalkɛŋɔ ba laa saahna. Bá berɛ kpɔ kwaa dɛ ba fuh ɛ saraha, ne wechɔɡa kpɔe dɛ kɛ saraha tɛ Korowii.

Ɛfesos 4:18

Ba sibie tɔɔɡɔ. Ba nya liire, dɛkalkɛŋɔ ba ɛ deŋnekpeɡ tena. A waa ɡela baa wola Korowii mkpa dɔe la.

Hibru 10:3

Saraha laanee dɛɛ lii ba bena bɛlbwa kɛŋɔ wechɔɡ-ɛɛraa ban,

Hibru 6:19

A ɡɛ hwɛɡa nɔɔ dɛ ɡel ya bambile won che bobeŋkpoŋ, ásɛ ya che kɛrɛdɛ. Hwɛɡa nɔ nomanta, a kaa ɛ kɛŋɔ yaa won jo Korowii Dea la bini tenten, bela pateesan fa aa tɔa nɛmpɛɛne aa wola bela jo la.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Hibru 9:3

Asɛ bela baa dɛ yerɛ Boɡoroŋ Tenten la ɡe do pateesan nɛɛte la habɔɔ.