Hibru 9:28 - mzwDBL

²⁸ Gɛɛ ba kpɔ Yeesu Kristo ɡe ɛ saraha kerabeŋkpoŋ, ásɛ o che nɛndamanta wechɔɡa. Wɛɛ berɔɔ ba nɛɛtena ja. Wechɔɡa waa laa wɛɛ ba bala name te. Nɛra baa dɛ kpao siswɛm ne laanee wɛɛ ba ba lɛ.

Hibru 9:28 ပူးပေါင်းရင်းမြစ်များ

Aesaya 25:9

A ba ɡɛ naa, baa boloo ŋɔ, “Kasinteŋ, Korowii yaa dɛ tomɔ laanee la. Korowii yaa hwɛɡɛ o nɛɛ laanee la, o lɛ yaa. Hé ɡel ya hɛɡre ya sie lɛ, lɛɛ waa lɛ yaa la wa.”

Lewi Dea Tena 10:17

“Ɛrɛɛ he ta wechɔɡa kpɔe dɛ kɛ saraha kon la ka dii Korowii Dea nɔɔ? O do ɡoroŋ kohona ba kpɔ tɛ heyaa kɛŋɔ hé kpɔ soŋe nɛra la wechɔɡa Korowii sie ó kpɔ ba wechɔɡa kɛ ba.

Sekaria 14:5

Hɛɛ chwao kpɔ fɛlembɔjen waa bɔne Bwejen la binii kaa bwɛɛ bɛl baa dɛ yerɔ Asɛl ta. Hɛɛ chwao ɡɛ he naawa fa aa chwaa ɡɛ saŋ harɛ aa jiɡra dɛ Juda Kooro Ussia di kora la. Korowii maa dɛ tomɔ la ɛɛ bao, o nyundua toroma bwa ja o nɛ.

Nɛra Kura 18:1

Korowii ŋɔ Arɔn be ŋɔ, “He ne he bibaala ne Kohat dea tena baa le Lewi dea nɔn taa n Tɛnte Dea la wobɛlbwa do. Dɛ sɔfore toma ane ta aŋwɛnɛ ta kpɔe yaa, he ne he bibaala ɡbo deŋnee mɛɛ ba tɛra.

Nɛra Kura 18:23

Lewi dea tenaa chɛ kɛŋɔ báa ɛ n Dea Cheremibɔr bela toma, ásɛ dɛ toma ane ta aŋwɛnɛ ta kpɔe yaa, banee dɛ́ dɔ a deŋnetɛra le n be. A ɡɛ waa nɔ ɛɛ chɔ lee dɛɛ la, hale naanar baa ka ba bwa bini. Ba te ta kapɛrɛ bɛlbwa dɔe Israel tena bini.

Nɛra Kura 7:33

ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,

Matiu 20:28

Dɛ ŋɔ, “Men Nɛn Bie ta balɛ kɛ nɛ́ra tom mɛ. N te balɔ dɛ́ ba tomɛ nɛra, dɛ́ ɡarɛ kpɔ n nyu charɛ nɛndamanta mkpa.”

Matiu 25:31

Yeesu berɔ ŋɔ, “Dɛ Men Nɛn Bie la balɔ jirima ne, nyundua toroma la ja n nɛ aa, mɛɛ ba so n kookara taa,

Matiu 26:28

Sen nɔɔ cheɡa tɛ n chal maa dɛ ba nɛra kɛrɛdɛ waa koeh dɛ́ fuɡe ta ásɛ Korowii che a ta dɛ́ kpɔ ba wechɔɡa kɛ ba. Á ɛ fɔo dɛ́ chɔ Korowii ne nɛwɛnyini baah ta.

Amanesoma Jɔn Aa Chwera Tɔn 14:3

Dɛ n kaa kwaa bɔr cheɡ heyaa bela aa, mɛɛ berɔɔ ba ásɛ dɛ ba kpɔ heyaa kaa bela maa lole, ásɛ bela maa so la, hé ɡe do bela.

We-ɛɛla 1:11

dɛ bɔɔ ba ŋɔ, “Galilia tena, ɛrɛɛ he che bonɔ dɛɛ nyiŋi nyundua haah ɡɛ nɔɔ? Yeesu nɔ Korowii aa baa kpɔɔ le he be kaa nɔ, wɛɛ berɔɔ ba ɡɛ tenten haa nao wɛɛ kaa nyundua nɔ.”

Tɔn Pɔɔl Aa Chwerɛ Rom Tena 3:25

Korowiirii le Yeesu Kristo ŋɔ ó ba fuɡe o chal ta, dɛ́ soŋe ya wechɔɡa, ásɛ o bandia le nɛra baa yarada Yeesu Kristo seo waa la nɛ. Korowiirii fa saahna ɛ ɡɛ dɛ́ baɡle kɛ o waa toɡrɔ, dɛkalkɛŋɔ a saŋ la, nɛra aa dɛ ɛ wechɔɡa la, o laa sie kpɔ ba be. A fe chɛ kɛ ó tɛr nɛwɛnyini deŋne, kɛ o lawɛ bambile.

Tɔn Pɔɔl Aa Chwerɛ Rom Tena 5:15

Kɛ Adam ne Yeesu waa ta beŋkpoŋ ɛɛ, dɛkalkɛŋɔ chae Korowii aa na ya sum dɛ cha yaa la, a ne Adam wechɔɡa ta beŋkpoŋ ɛɛ. A ɡwaala kohona. Nɛmbeŋkpoŋ wechɔɡa taa a che seo ba nomɛlbwa nɛ. Nɛmbeŋkpoŋ alaworomɛ ɡee nɛra bwa di. Onee Yeesu Kristo. O nɛɛ Korowii che dɛ sune nomɛlbwa nɛ, dɛ cha yaa kohona a ɡwaa Adam wechɔɡa la.

Tɔn Pɔɔl Aa Chwerɛ Rom Tena 6:10

O seo waa sewa la, kerabeŋkpoŋii o sewɛ dɛ pɔ kpeɡri wechɔɡa aa dɔa la nɛ. Taraken soɡa waa soɡa nɔ, o soɡoo tɛ Korowii.

Tɔn Pɔɔl Aa Chwerɛ Rom Tena 8:23

Maa dɛ ŋɔ nɔ, Korowii kontaala ɡbo bwara laa dɛɛ nyɛɡ. Ya nɛra yaa dɔ Korowii Domadɛɛɡe kɛŋɔ kwaa Korowii aa ba tɛ yaa la bini konloɡle la, ya ɡba bwara dɛ nyɛɡ. Ya dɛ nyiŋi Korowii ŋwɛnɛ kɛŋɔ wɛɛ ba ɛ yaa o biirii, dɛ́ lɛ ya bwadabii le wechɔɡa ne seo nɔn ta.

Tɔn Pɔɔl Aa Chwerɛ Rom Tena 8:3

Nɛwɛnyini mar aa do ɡɛ, waa wola kpeɡe dɛɛ tɔ Mmara ŋwɛnɛ, asɛ Mmara lɛ nɛwɛnyini kahonɛ la, Korowii te wono lɛ nɛwɛnyini. O ɡelɔ o Bie tenten kpɔ nɛwɛnyini mar wechɔɡa aa suu nɔ dɔŋ, dɛ ba chɔɡ liichɔɡa kpeɡri o fa aa dɔa nɛwɛnyini nɛɛ la dɛ laa wechɔɡa kpɔ,

1 Kɔrent 1:7

Anomanta, taraken haa kpɔ hwɛɡa dɛɛ kpa ya Dɔɔ Yeesu Kristo bala nɔ, wobɛlbwa kpeɡri ta heyaa nyae le Korowii be.

1 Kɔrent 15:54

Dɛ onɔ la waa wola sewɛ, waa wola pɔh la baa chiɡ onɔ la waa dɛ sewɛ, dɛɛ pɔh la naa ta naa, belaa waa baa chwera do Korowii Tɔn bini la ɛɛ ba kpela ɛɛ. Ba chwerɔ ŋɔ, “O kpɔ kpeɡri pɔ seo nɛ.”

1 Tesalonika 1:10

dɛ so kpa o Bie Yeesu waa dɛ ba nyundua lee dɛ ba la. Onee o chum seo ta la. Onee lɛ yaa le Korowii bandia waa dɛ ba bala la ta.

2 Tesalonika 2:1

Yabala, ya Dɔɔ Yeesu Kristo bala waa ne ɡɛ ya bwa aa dɛ ba o be chema la, n dɛ soŋe heya,

2 Timoti 4:8

Kon waa ka mɛ taraken laanee kompoŋ Korowii aa dɛ́ ba nɛndɛɛɡa baa yoa le, ba waa su o siwi la vɔwa. N Dɔɔ waa kpɔ kasinteŋ bol waa dɛɛ pa bole laanee dɛɛ ba n tɛɛ, awola waa ba bol nɛra bwa waa dɛ́ pa bole la. N ɡbo laa dɛɛ ba ɡɛ kembɔr la dɔe. Nɛra baa dɛ pɛlɛ o nɛɛ dɛɛ nyiŋu ŋwɛnɛ la bwa ɛɛ dɔɔ.

Taetos 2:13

dɛɛ kpa ɡɛ saŋ Yeesu Kristo aa ba o jirima ne ya nao la. Onee Korowijen ne ya Lɛɛ la. O bala taa ya dɔ hwɛɡa ne silɛɛ kɛrɛdɛ.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Hibru 10:10

Yeesu Kristo aa ɛ Korowii tetoowaa dɛ kpɔ o bwadabii ɛ saraha kerabeŋkpoŋ a den tonɛ la nomanta, o laa ya bwa wechɔɡa kpɔ ya nɛ, dɛ ɡel ya ɛ Korowii nɛra.

Hibru 12:14

Hé swɛɛ siwi kɛŋɔ he ne nɛra bwa baah ɛɛ do werii, dɛ́ swɛɛ siwi kɛŋɔ hɛɛ do ɡoroŋee, dɛkalkɛŋɔ dɛ nomɛlbwa ta ɡoroŋ doe yaa, waa Korowii nae ba.

Hibru 2:3

A do ɡɛ naa, ya lɛɛ waa nɔ aa ɡwaa nyundua toroma waa la kohona nɔ, dɛ ya vɛah aa, ɛrɛɛ yaa ba ɛɛ dɛ́ leɔ? Ya Dɔɔ Yeesu ɡbaɡba fa tɔ sie bol ya lɛɛ waa nɔ, asɛ nɛra baa noa ɡe di danseɛ ya be kɛ a ɛ kasinteŋ.

Hibru 4:15

Ya Sɔfonomonjen yaa dɔa la ta nɛn waa wola ya nɛɛ sune ya ɡwɛɡra nɔ ta ɛɛ. Daahna bɛlbwa soo siwi toole Bɔnsam aa wola on daahnɛ kɛŋɔ waa dɛ daah yaa nɔ. Kɛ o cheɡɔ kiŋkiŋ, o ta wechɔɡa ɛɛ.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

Hibru 7:27

O ta doe kɛŋɔ Lewi dea Sɔfonomonome la baa dɛ ɛ wechɔɡa saraha tɔpere bɛlbwa la. Ba te chɛ kɛ ba tɔ sie ɛ ba ɡbaɡba wechɔɡa saraha mɔɔ dɛ ɛ nɛra la ɡe wechɔɡa saraha. Saraha beŋkpoŋ ɡboo Yeesu ɛ, bɛl ta jae kpa. O kpɔ o te ɡbaɡba ɛ saraha.

Hibru 9:25

A ta hiaih kɛ o teŋɛ dɛɛ jo Boɡoroŋ Tenten la dɛ́ kpɔ o te ɛ saraha bena bɛlbwa ɡɛ Juu tena Sɔfonomoa aa dɛ jo ba kon ta chal aa wola o ɡbaɡba bwara chal ɛɛ ne la.

1 Pita 2:24

O ɡbaɡba lɛ ya wechɔɡa dawɛ o nɛ, dɛ na wahala daɡaɡre ta, ásɛ ya bɛ so tɛ wechɔɡa, dɛ́ so tɛ wedɛɛɡa ɛɛ. Bola baa doo la taa a che he dɔ bokpeɡa.

1 Pita 3:18

Yeesu Kristo ɡbaɡba sewɔ tɛ heyaa dɛ bɔ wechɔɡa kem. Kerabeŋkpoŋii o sewɛ, waa wola berɛ sewɛ kpa. O ta wechɔɡa ɛɛ bwa, kɛ o sewɔ tɛ wechɔɡ-ɛɛra. Gɛ waa ɛ ya ne Korowii pɛ waa o ɛ ɡɛ. Baa kpoo la, o bwadabii sewa, kɛ o lileo te dɔ mkpafale.

2 Pita 3:12

dɛɛ kpa Korowii Tɔpere La nyundua aa fuh kwaraa ásɛ harɛ ɡe komɛlbwa fuh dɛ́ mwɛɛ kwaraa la. Hé swɛɛ siwi ásɛ Korowii Tɔpere La ba warane.

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

1 Jɔn 3:5

He jemɔ kɛŋɔ Yeesu Kristo ba harɛ nɔ ta, ásɛ dɛ ba laa wechɔɡa kpɔ, dɛ́ tɔ a ŋwɛnɛ. O te, dɛ wechɔɡa toole o nɛ.

Tɔn Jud Aa Chwera 1:21

Korowii dɛ nyin heya, anomanta, hɛ́ɛ pɛlo, dɛ́ɛ kpa ya Dɔɔ Yeesu Kristo waa dɛ sune nɛra nɛɛ la, ásɛ o tɛ heyaa mkpa aa wola jaɡa dɔe.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.