Hibru 9:21 - mzwDBL

²¹ Gɛ tentenee o yon ɛ chal la dɛ merɛ Korowii Tɛnte Dea la ne numoli ne koŋkwaare baa dɛ ɛ a ne toma bela la bwa ta.

Hibru 9:21 ပူးပေါင်းရင်းမြစ်များ

Kaala 24:6

Mosis kpɔ kwaa la chale la pera do loɡa bini, asɛ dɛ kpɔ a kar la merɛ saraha kon la ta.

Kaala 29:12

Ásɛ dɛ kpɔ noni ɛ nao la chal la ane ɛ kwaa aa paaɡe saraha kon la loŋkoni ta la ta, dɛ́ fuɡe a kar ta saraha kon la mun ta.

Kaala 29:20

Teŋe o baŋa dɛ ɛ o chal la ane leɡe Arɔn ne o bibaala diɡ deŋna nyoo, ne ba diɡ nonibala dɛ ba diɡ nanibala ta. Ásɛ dɛ ɛ chal la ta saraha kon la baŋne la bwa ta.

Kaala 29:36

Teŋe nabal baŋa ɛ wechɔɡa kpɔe dɛ kɛ saraha tɔpere bɛlbwa tɔpera anuanɛ, dɛ́ kpɔ soŋe he wechɔɡa. Ɛ ɡɛ dɛ laa doŋa bɛlbwa kpɔ saraha kon la ta, ásɛ dɛ ɛ ɔleve noo la ane do o ta o do ɡoroŋ.

Kaala 40:9

Kpɔ noo baa kpɔa dɛɛ do nɛn sɔfore ta la, dɛ́ ɛ ane merɛ n Tɛnte Dea la ne o koŋkwaa bwa ta. Gɛɛ hɛɛ ba ɛɛ dɛ́ lea cheɡ á do ɡoroŋ tɛ men Korowii.

Lewi Dea Tena 8:15

Asɛ Mosis teŋe o baŋa dɛ kpɔ nonii ɛ o chal la ane merɛ kwaa aa paaɡe saraha kon la loŋkoni ta, dɛ leo cheɡ o do ɡoroŋ. Asɛ dɛ berɛ fuɡe chal la kar do saraha kon la mun ta. O ɛ ɡɛ dɛ laa doŋa kpɔ saraha kon la ta o do ɡoroŋ.

Lewi Dea Tena 8:19

Asɛ Mosis teŋe o baŋa dɛ ɛ o chal merɛ saraha kon la baŋne anaarɛ la bwa ta.

Lewi Dea Tena 9:18

O teŋe nabal la ne pebal la baŋa dɛ kpɔ ɛ deŋnesɔɔhna saraha tɛ nɛra la. O bibaala ɛ a chale la ba tɛo, asɛ o ɛ merɛ saraha kon la baŋne anaarɛ la bwa ta.